ေ၇ွးချယ်ပါ  
                                                         စဉ်းစားပါ
                                                             ဆုံးဖြတ်ပါ

မြန်မာနိုင်ငံမှာ မိုးများလွန်းလို့ လက်ရှိ ဖြစ်ပေါ်နေတဲ့ ပဲခူးတိုင်းဒေသကြီးက ရေကြီးလို့ ဒုက္ခရောက်နေကြတဲ့ ဒေသခံ ပြည်သူ လူထုတွေ အပေါ်မှာ ပြည်ထောင်စု သမ္မတ မြန်မာနိုင်ငံတော် အစိုးရဟာ အချိန်မှီ သေသေချာချာ စနစ်တကျ ကူညီမှု တွေ ကယ်ဆယ်မှုတွေ ရေရှည် မျှော်တွေးပြီး ရေကြီးတဲ့ ဒဏ်ခံခဲ့ရတဲ့ ပြည်သူတွေ အပေါ်မှာ ထောက်ပံ့ ကူညီမှုတွေကို အင်တိုက် အားတိုက် လုပ်ဆောင် ပေးနေတာ ဖြစ်ပါတယ်။
အဲဒီလို လုပ်ဆောင်ရာမှာ နိုင်ငံတော် အစိုးရ အနေနဲ့ ပြည်သူများရဲ့ လူမှု စီးပွားဘ၀ကို တောရော မြို့ပါ မကျန် မြန်မြန် ဆန်ဆန် မြင့်တက်စေဖို့ အစီအမံတွေ၊ လုပ်ငန်းစဉ်တွေ၊ ကော်မတီတွေ၊ ရည်မှန်းချက်တွေ ဖွဲ့စည်းချမှတ်လို့ မြန်မာနိုင်ငံရဲ့ အခြေခံ လူထု လူတန်းစားဘ၀ကို မြင့်မား သာယာလာစေဖို့ ဒီမိုကရေစီ စနစ်နဲ့အညီ ပြည်သူတွေဘက်က မားမား မတ်မတ် ရပ်တည်လို့ အပြောမဟုတ် အလုပ်နဲ့ သက်သေပြ အကောင်အထည် ဖော်ဆောင်နေတာကို တွေ့မြင်ကြရမှာ ဖြစ်ပါတယ်။
မြန်မာနိုင်ငံရဲ့ နိုင်ငံတော် အစိုးရသစ် လက်ထက်မှာ ပြည်သူများရဲ့ အကျိုးစီးပွား နိုင်ငံရဲ့ ရပ်တည်မှုနဲ့ မြန်မာဆိုတဲ့ နိုင်ငံဟာ ယဉ်ကျေးတယ်၊ စည်းလုံးညီညွတ်တယ်၊ ဘယ်လိုနည်းနဲ့ ဘယ်သူတွေ ခွဲခွဲ သွေးမကွဲတဲ့ နိုင်ငံဆိုတာကို ပြည်သူတွေရဲ့ မျိုးချစ်စိတ်ဓာတ်၊ ပြည်ထောင်စုစိတ်ဓာတ်၊ နိုင်ငံတော်အစိုးရရဲ့ အစီအမံများနဲ့ သက်သေပြလျက် ရှိပါတယ်။ ဒီလို နိုင်ငံတော် အစိုးရနဲ့ ပြည်သူ လက်တွဲလို့ ပြည်ထောင်စုကြီး သာယာဝပြောရေးနဲ့ တည်ငြိမ်အေးချမ်း တိုးတက် ခေတ်မှီရေး လုပ်ငန်းစဉ်တွေမှာ ပြည်ပက စွက်ဖက် နှောက်ယှက်မှုတွေက တစ်မျိုး၊ ပြည်ပရောက် အမျိုးယုတ် သစ္စာဖောက်တွေရဲ့ လုပ်ကြံမှုတွေက တစ်သွယ်၊ ပြည်တွင်းက ကိုယ့်အတ္တသာ ကြည့်ပြီး တိုင်းပြည်ရဲ့ သိက္ခာ၊ ကိုယ့် တိုင်းရင်းသားတွေရဲ့ မျက်နှာကို မကြည့်တဲ့ လူစုတွေရဲ့ ဘေးတိုက် လွယ်အိပ် လုပ်ဆောင်ချက်တွေက တစ်မျိုးနဲ့ အခက်အခဲ ပေါင်းစုံကြားက ကျော်လွှား ဆောင်ရွက် လုပ်ကိုင်နေရတာလည်း ဖြစ်ပါတယ်။
ဒီလို လုပ်ဆောင်ရာမှာ ပြည်သူတွေ လိုလားတဲ့ အေးချမ်းတည်ငြိမ်တဲ့ လူမှုဘ၀၊ ကောင်းမွန် သာယာတဲ့ စီးပွားရေးနဲ့ တိုးတက် ဖြစ်ထွန်းမှုတွေကို အချိန်တိုတို အတွင်းမှာ အမြန်ဆုံး ရချင်တယ် လိုချင်တယ်ဆိုပါရင် နိုင်ငံတော် အစိုးရရဲ့ လုပ်ငန်းစဉ်တွေ အကောင်အထည် ဖော်ဆောင်နေတဲ့ စီမံချက်တွေမှာ ပြည်သူတွေက မိမိတို့ တတ်စွမ်းသရွေ့ ပါဝင်ကြမယ်ဆိုပါရင် ကိုယ့်အကျိုး စီးပွားကိုလည်း ဖော်ဆောင်ရာကျတဲ့ အပြင် တိုင်းပြည်ရဲ့ အကျိုးစီးပွားကိုလည်း တစ်ဖက်တစ်လမ်းက ထမ်းရွက်နေကြတာ ဖြစ်လို့ လူသာဓုခေါ် နတ်သာဓုခေါ် လုပ်ရပ်အဖြစ် လူသားအားလုံးက ရှုမြင်ကြမှာ ဖြစ်ပါတယ်။
ဒါကြောင့် ပြင်ပက စကားလုံး လှလှတွေနဲ့ မစားရ ၀ခမန်း လှည့်စား လှည့်ဖြားနေတဲ့ အပြောတွေ၊ သွေးထိုးမှုတွေ၊ နှောက်ယှက်မှုတွေကို နားမယောင်ဘဲ လက်တွေ့ကျတဲ့ ကိုယ့်မိသားစု အဆင်ပြေရေး၊ ကိုယ့်ပတ်ဝန်းကျင် သာယာရေးနဲ့ ကိုယ့်မြို့၊ ကိုယ့်ရွာ ငြိမ်းချမ်းရေး ပကတိ အရှိတရားတွေကို အာရုံစိုက်လို့ နိုင်ငံတော် အစိုးရနဲ့ အားကြိုးမာန်တက် လက်တွဲ ဆောင်ရွက် ကြပါစို့လို့ တိုက်တွန်းတင်ပြလိုက် ရပါတယ်။ ကိုပြည်ချစ်

0 ဦးကဆွေးနွေးသွားပါတယ်..

Отправить комментарий