ပြည်ထောင်စု သမ္မတမြန်မာနိုင်ငံတော်သည် အချုပ်အခြာ အာဏာပိုင် နိုင်ငံတစ်ခုဖြစ်ပြီး တရားဥပဒေ စိုးမိုးရေး၊ နိုင်ငံတော် အေးချမ်း သာယာရေးနှင့် ခေတ်မီဖွံ့ဖြိုး တိုးတက်သော နိုင်ငံတော် အဖြစ် ခြေလှမ်း ပြင်နေသော နိုင်ငံတစ်နိုင်ငံလည်း ဖြစ်သည်။ နိုင်ငံအတွင်းတွင်လည်း တိုင်းရင်းသား လူမျိုးများ အားလုံးက အချင်းချင်း နားလည်မှုများဖြင့် စည်းလုံးစွာ နေထိုင်ကြလျက်ရှိပါသည်။ အချို့ကလည်း မိမိတိုင်းပြည်၊ လူမျိုးနှင့် နိုင်ငံတွင်သာ ယုံကြည်စိတ်ချစွာ နေထိုင်သူများ ရှိသကဲ့သို့ အချို့ကလည်း အစွန်းရောက်ဝါဒီများ ကိန်းအောင်းလျက်ရှိကာ သီးသန့်လူမျိုးစုအဖြစ် ခွဲထွက်ပြီး ရပ်တည်ရန် ဆန္ဒရှိကြသူ များလည်း ရှိပါသည်။ အချို့မှာလည်း မြန်မာနိုင်ငံအား အုပ်ချုပ်သော အစိုးရ၏ စေတနာ၊ အကောင် အထည်ဖော် ဆောင်ရွက်ချက်များ၊ လက်ရှိနိုင်ငံ၏ ပြုပြင်ပြောင်းလဲမှု အခြေခံကောင်းများကို နားလည် သဘောပေါက်ပြီး အလင်းဝင်လာခဲ့သော လက်နက်ကိုင် အဖွဲ့များလည်း ရှိလာခဲ့ပြီ ဖြစ်သည်။
မည်သို့ပင်ဖြစ်စေ နိုင်ငံတော် အစိုးရသည် မြန်မာတစ်နိုင်ငံလုံးရှိ တိုင်းရင်းသား ပြည်သူများ အားလုံးကို ကျောသား၊ ရင်သား မခွဲခြားဘဲ စောင့်ရှောက် ကာကွယ်ရန် တာဝန်ရှိပါသည်။ ထို့ကြောင့် နိုင်ငံတော် အစိုးရ၏ မူဝါဒများကို ရှုမြင် ခံစားတတ်ပြီး လက်ခံ ယုံကြည်သူများ အဖို့ မည်သည့် ဘေးအန္တာရယ်မျှ၊ အခြားနိုင်ငံများမှ မည်သည့် ပယောဂမျှ ကျရောက်ခြင်း မရှိစေရန် နိုင်ငံတော် အစိုးရက တပ်မတော်ဖြင့် လက်တွဲညီညီ ပူးပေါင်း ဖြေရှင်းသွားမည် ဖြစ်သည်။ ယနေ့ အာရပ်ကမ္ဘာတွင် ဖြစ်ပွားလျက် ရှိသော အကြမ်းဖက် တိုက်ခိုက်မှုများ၊ ဗုံးဖောက်ခွဲမှုများ၊ အစိုးရ ပြုတ်ကျစေရေး ဆန္ဒပြလှုပ်ရှားမှုများ၊ နိုင်ငံအတွင်း ခွဲထွက်မှုများနှင့် လူမျိုးတုန်း သတ်ဖြတ်မှုများသည် နိုင်ငံအတွင်းတွင် နေထိုင်သော လူမျိုးများ စည်းလုံးညီညွတ်မှု ပြိုကွဲခြင်း၊ အချင်းချင်း သဘောထား ကွဲလွဲမှုများဖြင့် ရပ်တည်နေကြခြင်း၊ အကြမ်းဖက် စစ်သွေးကြွသည့် စိတ်ဓာတ်များ ကိန်းအောင်းနေခြင်း၊ နိုင်ငံကို အုပ်ချုပ်သည့် အစိုးရများက မိမိနိုင်ငံအား တာဝန်မယူနိုင်၍ ခေါင်းရှောင် ထွက်ပြေးခြင်း စသည်တို့ကြောင့် ဖြစ်သည်။ နိုင်ငံအတွင်း ခွဲထွက်မှုများကြောင့် အခြား နိုင်ငံများထက် လွတ်လပ်ရေး ရရှိမှု နှောင့်နှေးခဲ့ရသော ဆူဒန် တောင်ပိုင်း၏ ဖြစ်ရပ်သည် သာဓကယူစရာ အချက်ပင် ဖြစ်သည်။
မြန်မာနိုင်ငံတွင်လည်း ပြည်သူများအား ဆန္ဒပြမှုများ ဖြစ်ပွားအောင် စည်းရုံး လှုံ့ဆော်လျက် ရှိသော ဆန့်ကျင်ဘက် အတိုက်အခံများ၊ သဘောထား ကွဲလွဲမှုကြောင့် ပစ်ခတ် တိုက်ခတ်မှုများ အနည်းအကျဉ်း ရှိနေဆဲ ဖြစ်ပါသည်။ ထိုသူများမှာ လက်ရှိ ပြည်ထောင်စု သမ္မတ မြန်မာနိုင်ငံ၏ အခြေအနေကို လက်မခံနိုင်ဘဲ အစွန်းရောက်စိတ်ဖြင့် ထင်တိုင်းကြဲ နေကြပြီး ဖွံ့ဖြိုး တိုးတက်မည့် မြန်မာနိုင်ငံ၏ အနာဂတ်ကို ဖျက်ဆီးနေကြသူများ ဖြစ်သည်။ ၎င်းတို့၏ စိတ်အလိုလိုက်မှုဖြင့် အမှား/အမှန် မခွဲခြားတော့ဘဲ အကြမ်းဖက် ပစ်ခတ်မှုများသည် မြန်မာနိုင်ငံအတွင်း နေထိုင်သော ပြည်သူများ၏ အသက်အိုးအိမ်၊ စည်းစိမ်ကို များစွာ ထိခိုက်ပျက်စီး စေခဲ့ပါသည်။ တစ်ဖန် အပစ်အခတ် အကြမ်းဖက်မှု ကောလဟလ သတင်းဆိုးများကို ပြည်သူများထံသို့ ရောက်ရှိအောင် တွန်းပို့ လှုံ့ဆော်နေသော ပြည်တွင်း/ ပြည်ပ သွေးထိုးသူများကလည်း ရှိနေပြန်သေးသည်။ ထို့ကြောင့်လည်း မြန်မာပြည်သူများက ယင်းသို့ အထိတ်တလန့် သတင်းများကို နားထောင်ပြီး စိုးရိမ် ကြောက်ရွံ့နေကြခြင်း ဖြစ်ပါသည်။
သို့သော်လည်း မြန်မာနိုင်ငံ၏ အားသာသည့် အချက်မှာ အာရပ်ကမ္ဘာရှိ သာဓကများ ဖြစ်သော မိမိနိုင်ငံအား ခေါင်းရှောင်ပြီး စွန့်ခွာ ထွက်ပြေး တတ်သည့် ခေါင်းဆောင်များ မရှိခြင်းပင် ဖြစ်သည်။ မြန်မာနိုင်ငံအား အုပ်ချုပ်သော သမ္မတမှာ လွှတ်တော်မှ ရွေးကောက် တင်မြှောက်ထားပြီး နိုင်ငံနှင့် ပြည်သူအပေါ် သစ္စာရှိသည့် ခေါင်းဆောင် ဖြစ်သည့် အတွက် ပြည်သူများ အနေဖြင့် နိုင်ငံတော်၏ အုပ်ချုပ်ရေး၊ တည်ငြိမ်ရေးနှင့် တရားဥပဒေ စိုးမိုးရေးတို့အပေါ် စိုးရိမ် ပူပန်နေစရာ မလိုဘဲ လုံခြုံအေးချမ်းစွာ အသက်ရှင် နေထိုင်နိုင်ကြပါသည်။ အကယ်၍ ဗုံးကွဲ တိုက်ခိုက်မှု၊ အကြမ်းဖက် ပစ်ခတ်မှုများ ရှိနေစေကာမူ တရားဥပဒေ စိုးမိုးမှုကြောင့် နိုင်ငံတွင်း နှောင့်ယှက်သူ မှန်သမျှကို အစိုးရက အချိန်မီဖော်ထုတ် အရေးယူ နိုင်ခဲ့ပါသည်။ ထို့ကြောင့် မြန်မာနိုင်ငံတွင် နေထိုင်သော မြန်မာနိုင်ငံသားများ အဖြစ် အမှန်တကယ် ပီသလိုပါက အများပြည်သူများအား ဆင်းရဲ ဒုက္ခဖြစ်စေမည့် အကြမ်းဖက် လုပ်ရပ်များကို ရှောင်ရှားရန် ဖြစ်ပေါ်လာမည့် မြန်မာနိုင်ငံ၏ အနာဂတ်ကို ဖျက်ဆီးကြသူများ မဖြစ်ကြရန် အကြံပေး ရေးသားလိုက် ရပါသည်။
ဖူးစုံထွေး

0 ဦးကဆွေးနွေးသွားပါတယ်..

Отправить комментарий