မြန်မာ့စီးပွားရေးဘဏ်တွင် အွန်လိုင်းစမတ်ကတ်အကောင့်ကို ကျပ်တစ်သိန်းဖြင့် စာရင်းဖွင့်နိုင်ပြီဖြစ်ကြောင်း သိရသည်။ မြန်မာ့စီးပွားရေးဘဏ်များတွင် ငွေသွင်း၊ ငွေထုတ်လုပ်ငန်းများ ပိုမိုမြန်ဆန်စေရန် အွန်လိုင်းစမတ်ကတ်စနစ်ကို အသုံးပြုလျက်ရှိရာ ယခင်က ငွေကျပ် ၁၀ သိန်းဖြင့် အကောင့်ထုတ်ပေးခြင်း ဖြစ်ကြောင်း သိရသည်။ အွန်လိုင်းအကောင့် အသုံးပြုခွင့်အတွက် စာရင်းဖွင့်ပြီး တစ်ပတ်အကြာတွင် ဘဏ်ခွဲမှ စာရင်းဖွင့်လှစ်သူကို အွန်လိုင်းစမတ်ကတ် တစ်ကတ်နှင့် အွန်လိုင်းငွေမှတ်စုစာအုပ် တစ်အုပ်ကို ထုတ်ပေးမည်ဖြစ်ပြီး မြန်မာ့စီးပွားရေးဘဏ်များတွင် စမတ်ကတ်ကို အသုံးပြုနိုင်ပြီး ယင်းကဲ့သို့ ငွေသွင်းငွေထုတ် အသုံးပြုရာတွင် ကျပ် ၁၀၀ လျှင် ၀ ဒသမ ၁ရာခိုင်နှုန်း၊ (၁၀ပြားနှုန်း) ဖြင့် ဝန်ဆောင်ခ ပေးသွင်းရကြောင်း သိရသည်။ “စမတ်ကတ်မှာ လျှို့ဝှက်နံပါတ် ခြောက်လုံးပေးထားရမယ်။ ငွေသွင်းငွေထုတ် ပြုလုပ်တဲ့အခါ အဲဒီနံပါတ်ကို အသုံးပြုလိုက်တာနဲ့ စက်ကနေ စာရင်းထွက်လာမယ်။ အဲ့ဒါဆိုရင် ဘဏ်မှာ ငွေသွင်းငွေထုတ် လုပ်နိုင်ပါပြီ။ အရင်ထက်တော့ အချိန်ကုန်သက်သာပါတယ်” ဟု ရန်ကုန်တိုင်းဒေသကြီး ငွေစုဘဏ်ခွဲ(၁) မှ တာဝန်ရှိသူတစ်ဦးက ပြောပြခဲ့သည်။ ယင်းကဲ့သို့ အွန်လိုင်းစမတ်ကတ် အသုံးပြုရာတွင် ကတ်အသုံးပြုခအဖြစ်(နှစ်စဉ်ကြေးကျပ် ၂၄၀၀၀) ပေးသွင်းရမည်ဖြစ်ပြီး အွန်လိုင်းအကောင့်စာရင်းအတွက် သတ်မှတ်ထားသည့် ဘဏ်ဝန်ဆောင်ခများကို အကြောင်းကြားခြင်းမရှိဘဲ ဘဏ်မှဖြတ်တောက်သွားမည် ဖြစ်ကြောင်း သိရသည်။ ထို့ပြင် စာရင်းဖွင့်လှစ်သည့် ဘဏ်တွင် ငွေပေးသွင်းခြင်းကို လက်ရှိဘဏ်လုပ်ငန်းစဉ် များအတိုင်း ပေးသွင်းရမည်ဖြစ်ပြီး ဝန်ဆောင်ခ ပေးသွင်းရန် မလိုအပ်ဘဲ ဘဏ်စာရင်း အကောင့်ဖွင့်သည့် ဘဏ်တွင် ကတ်ဖြင့်ငွေထုတ်ခြင်းအတွက် ပုံသေဝန်ဆောင်မှုကို ပေးဆောင်ရမည်ဖြစ်သည်။ အဆိုပါ အွန်လိုင်းစမတ်ကတ် သက်တမ်းမှာ သုံးနှစ်ဖြစ်ပြီး သက်တမ်းပြည့်ပြီး ဆက်လက်အသုံးပြုလိုပါက ကတ်အသစ် လျှောက်ထားရမည်ဖြစ်၍ အသုံးမပြုလိုပါက မြန်မာ့စီးပွားရေးဘဏ်သို့ ပြန်လည်အပ်နှံရမည်ဖြစ်ကြောင်း၊ ကတ်နှင့် မိမိလျှို့ဝှက်နံပါတ် ပျောက်ဆုံးပါက မြန်မာ့စီးပွားရေးဘဏ်မှ ပြန်လည်ပြုလုပ်ပေးမည်ဖြစ်ကြောင်း ၂၀၁၁ ခုနှစ် စက်တင်ဘာ ၁ ရက်နေ့ထုတ် ရန်ကုန်တိုင်း(မ်) ဂျာနယ်တွင် ဖော်ပြထားပါသည်။ ""

0 ဦးကဆွေးနွေးသွားပါတယ်..

Отправить комментарий