(၂၀၁၁ ခုနှစ်၊ စက်တင်ဘာလ ၁ ရက်နေ့ထုတ် ပြည်သူ့ခေတ် ဂျာနယ်က ဆောင်းပါး ဖြစ်ပါတယ်။ ဒီဆောင်းပါးမှာ ဆွေးနွေး လိမ့်မယ်လို့ ဆောင်းပါးရှင် မျှော်လင့်ထားမှု အားလုံး လောက်ကို လွှတ်တော်မှာ ဆွေးနွေးခဲ့၊ အတည်ပြုခဲ့ကြပြီး ဖြစ်ပါတယ်။)
လွှတ်တော်တွင်း လွှတ်တော်ပ
ယနေ့ ကာလက ဒီမိုကရေစီ နိုင်ငံရေး လှုပ်ရှားမှုများ အနည်းငယ် ကျယ်ပြန့် လာသော အချိန် ဖြစ်သည်။ လွှတ်တော်နှင့် အစိုးရ အဖွဲ့သစ်တို့ ပေါ်ပေါက် လာပြီးနောက် သမ္မတသစ်က တိုင်းပြည် ထူထောင်ရေး၊ ဒီမိုကရေစီရေး၊ အမျိုးသား ညီညွတ်ရေး၊ သဘောထားချင်း မတူညီသူများနှင့် ပူးပေါင်း ဆောင်ရွက်ရေး၊ ပြည်တွင်း ငြိမ်းချမ်းရေး၊ အဂတိ လိုက်စားမှုနှင့် လာဘ်ပေး လာဘ်ယူ ကင်းရှင်းရေး၊ ဆင်ရဲမွဲတေမှု လျှော့ချ ပပျောက်ရေး၊ စာနယ်ဇင်း လွတ်လပ်ခွင့်၊ ကောင်းမွန်သော အုပ်ချုပ်ရေး စနစ်၊ သန့်ရှင်းသော အစိုးရ စသော အနှစ်သာရများ ပါဝင်သည့် မိန့်ခွန်းများ ပြောဆိုပြီးနောက် ယခင်ကနှင့် နှိုင်းယှဉ်လျှင် အတော်အတန် လွတ်လပ် ပွင့်လင်းမှုရှိသော ဆွေးနွေးမှုများကို ကြားသိမြင်တွေ့ လာခဲ့ရသည်။ စာပေစိစစ်ရေး ရှိနေပြီး၊ စာမူ ဖြတ်တောက် တားမြစ်မှုများ ရှိနေသေးတာ ဖြစ်သော်လည်း ယခင်ထက်စာလျှင် တိုးတက်မှုများ ရှိလာသည်ကိုလည်း စာနယ်ဇင်းများမှ တဆင့် ဖတ်ရ၊ တွေ့ရမည် ဖြစ်သည်။
ယေဘုယျသဘော ခြုံငုံကြည့်လျှင် အစိုးရအဖွဲ့ ခေါင်းဆောင် သမ္မတ ဦးသိန်းစိန်သည် တိုင်းပြည်သစ် ထူထောင်ရေး အတွက် ဒီမိုကရေစီ အခြေခံ အခွင့်အရေးများ ပေးရမည်ဟူသော မူကို လက်မခံထားပြီး ထိုမူအတိုင်း အကောင်ထည် ဖော်ရန် ကြိုးစားလိုသည့် သဘော ရှိနေတာကို မြင်ရသည်။ ထိုမူကို လက်ခံပြီး ငြိမ်းချမ်းရေး နိုဘယ်ဆုရှင် ဒေါ်အောင်ဆန်းစုကြည်နှင့် တွေ့ဆုံစကား ပြောခြင်း ကဲ့သို့သော ပြည်သူလူထု လိုလားသည့် ဆောင်ရွက်ချက်များကို အကောင်ထည်ဖော်နေခြင်းက ဒီမိုကရေစီ အရေးအတွက် အပေါင်းလက္ခဏာ ဖြစ်သည်။ ဆက်လက်၍လည်း အကျဉ်းသား များ လွှတ်ပေးရေး စသည့် ဒီမိုကရေစီ အခြေခံ ပြုပြင်ပြောင်းလဲမှုများ လုပ်လာလိမ့်မည်ဟု ပြည်သူလူထုက မျှော်လင့် နေကြပါသည်။ ဤအချက်မှာ ဒီမိုကရေစီ အခြေခံ အဆောက်အအုံ ခိုင်မာဖို့အတွက် လွန်စွာ အရေးကြီးသည့် ကိစ္စ ဖြစ်ခြင်း ကြောင့် နိုင်ငံရေး အကျဉ်းသားများနှင့် ပတ်သက်သော အစိုးရသစ်၏ ခြေလှမ်းသစ်မှာ ပြည်သူလူထု စောင့်ကြည့်ဆုံးသော ခြေလှမ်းဖြစ်ပါသည်။
ပြည်သူ့ဆန္ဒကို ထင်ဟပ်သော လွှတ်တော်ဖြစ်မည်လား
ထိုသို့သော ပြည်သူလူထု အထူးတလည် စောင့်မျှော်နေသည့် ခြေလှမ်းကို ပြည်သူ့လွှတ်တော် ဆွေးနွေးပွဲများမှာ မြင်ရမည်လား ဆိုသည်မှာလည်း ပြည်သူ့မျှော်လင့်ချက် တစ်ခုဖြစ်ပါသည်။ ယခု ပြည်သူ့လွှတ်တော် အစည်းအဝေးများ ပြန်လည် စတင်လာရာတွင် "ပြည်သူ့အသံ၊ ပြည်သူ့ဆန္ဒ၊ ပြည်သူ့သဘောထားနှင့် ပြည်သူ့မျှော်လင့်ချက်" စသည့် ဆောင်ပုဒ်များနှင့် ထွက်ပေါ်လာတာကို တွေ့ရသည်။ သည်လိုသာ ဆိုလျှင်ဖြင့် ပြည်သူ့ဆန္ဒ ဖြစ်သော အကျဉ်းသားများ ဆိုင်ရာ ကိစ္စကို လွှတ်တော်တွင် ဆွေးနွေးကြလိမ့်မည် ထင်သည်။ လွှတ်တော်တွင်းမှာ ကြံ့ခိုင်ဖွံ့ဖြိုးရေး ပါတီက အများစု ဖြစ်သည်။ တိုင်းရင်းသား စည်းလုံးညီညွတ်ရေး ပါတီကလည်း၊ ကြံ့ခိုင်ဖွံ့ဖြိုးရေး ပါတီနှင့် နိုင်ငံရေး လုပ်ငန်းစဉ်များတွင် အဓိက မဟာမိတ် ဖြစ်နိုင်သည်။
ပြည်ထောင်စု လွှတ်တော်ကို စတင်ဖွင့်လှစ်သည့် ပထမ နေ့မှာ သမ္မတ ဦးသိန်းစိန်က လွှတ်တော် အတွက် အရေးပါသော ပေါ်လစီ လမ်းညွှန်ချက်များဖြင့် အဖွင့်မိန့်ခွန်း ပြောကြားခဲ့သည်။ သမ္မတသစ် အဖြစ် စတင် တာဝန်ယူချိန်မှ စတင်၍ ယခုအချိန်ထိ ပြောဆိုခဲ့သော သမ္မတ မိန့်ခွန်းများမှာ ပြည်သူလူထု၏ လိုအပ်ချက်များ အပေါ်မှာ အခြေပြု ထားတာ ဖြစ်သည်။ သမ္မတ အနေဖြင့် လိမ္မာပါးနပ်စွာ နိုင်ငံရေး ပြဿနာများကို ချဉ်းကပ်ဖြေရှင်းဖို့ ကြိုးစားသည်ကို တွေ့ရသည့် အတွက် တပ်မတော်ကို အခြေခံသည့် အစိုးရအဖွဲ့ပင် ဖြစ်သော်လည်း ပြည်သူလူထုက အမြင်သစ်ဖြင့် အကဲဖြတ် လာကြ သည်။
ပြည်သူ့ဆန္ဒနဲ့ညီမှ ဖြစ်မယ့် ပြည်သူ့လွှတ်တော်
ပြည်သူ့လွှတ်တော်ရဲ့ ပထမနေ့ အဖွင့်မှာ ပြည်သူ့ လွှတ်တော် ဥက္ကဌ သူရ ဦးရွှေမန်းကလည်း ပြည်သူ့လွှတ်တော် ကိုယ်စားလှယ်များ တာဝန်ကျေရန်၊ စေတနာထားရန်၊ အရည်ချင်း ပြည့်ဝရန်နှင့် လုပ်နည်းလုပ်ဟန် မှန်ကန်ရန် လွှတ်တော် ကိုယ်စားလှယ်များ အနေဖြင့် ပြည်သူ့အသံ၊ ပြည်သူ့ဆန္ဒ၊ ပြည်သူ့ သဘောထားနှင့် ပြည်သူ့ မျှော်လင့်ချက်များကို အလေးထား ဆန်းစစ်သုံးသပ် ဝေဖန်ပြီး လက်တွေ့နယ်ပယ်တွင် ပြည်သူ့အကျိုး အတွက် နိုင်ငံတော် အကျိုးအတွက် ဖြစ်ထွန်းစေမည့် ဥပဒေများ အမြန် ပေါ်ထွန်းရေးတို့ကို ဆောင်ရွက်သွားကြရန် တိုက်တွန်း ပြောကြားသွားခဲ့သည်။ လွှတ်တော် ကိုယ်စားလှယ်များ ပြည်သူ့ဆန္ဒနှင့် ညီသည့် ဆွေးနွေးချက်များ မည်မျှလောက် တင်ပြဆွေးနွေး ကြမည်လဲ ဆိုတာ ပြည်သူလူထုက စောင့်ကြည့်ရမှာ ပေါ့လေ။
ဒါအပြင်၊ ပြည်သူလွှတ်တော် ဥက္ကဌက လွှတ်တော်ထဲမှာ သတင်းဂျာနယ်၊ မီဒီယာများပါ ရောက်ရှိနေကြခြင်းကြောင့် ဒီမိုကရေစီ ပီပြင်စွာ ဖြစ်ထွန်းစေသော အင်္ဂါများ စုံညီလာပြီ ဖြစ်ကြောင်း၊ သတင်းမီဒီယာများ၏ဝေဖန်မှု ကိုပါ ခံယူသွားမည်ဟု ပြောကြား သွားခဲ့ပါသေးသည်။ မီဒီယာများကို မည်မျှလောက် လွတ်လပ်စွာ သတင်းလိုက်ခွင့်ပေးပြီး၊ မည်မျှလောက် သတင်း ဖော်ပြခွင့်၊ မည်မျှလောက် သတင်းထင်မြင် ချက်ရေးသားခွင့်၊ အများပြည်သူတို့၏ ဝေဖန် အကြံပေးမှု တို့ကို မည်မျှလောက် ပုံနိုပ် ထုတ်ဝေခွင့်တို့ကို ပေးလာမည်လဲ ဆိုတာကလည်း ပြည်သူလူထု၏ စိတ်ဝင်စားစွာ စောင့်ကြည့် အကဲခတ်နေသည့် အစိတ်အပိုင်း တစ်ခုဖြစ်ပါသည်။
လွှတ်တော်ပြင်ပမှာ ရှိတဲ့ နိုင်ငံရေးအင်အားစုများ
လွှတ်တော်တွင်းမှာ တိုင်းပြည်သစ် ပြန်လည်ထူထောင်ရေးကို ဆွေးနွေးကြ၊ ဥပဒေပြုကြ၊ ဆုံးဖြတ်ချက်များ ချမှတ်ကြ လုပ်ကိုင်ရန် စတင်တာစူ စိုင်းပြနေကြတာကို တွေ့နေရသည်။ ယခင်ကနှင့် မတူ လွတ်လပ်ပွင့်လင်းစွာ ပြောဆို လာကြတာကို 'နိုင်ငံတော် စီးပွားရေး ဖွံ့ဖြိုး တိုးတက်မှု အတွက် ပြုပြင် ပြောင်းလဲရေး ဆိုင်ရာ အမျိုးသားအဆင့် အလုပ်ရုံ ဆွေးနွေးပွဲ' ကျင်းပစဉ်က ကြားခဲ့ရသည်။ ပြည်သူ့ လွှတ်တော် အမျိုးသား လွှတ်တော်နှင့် ပြည်ထောင်စု လွှတ်တော် တို့တွင်လည်း သည်လို ပွင့်လင်းသော ဆွေးနွေးသံများ ကြားလာရလိမ့်မည်ဟု ယူဆပါသည်။ ထို့ပြင် လွှတ်တော်တွင်းမှာ တိုင်းရေး ပြည်ရာများ အတွက် နိုင်ငံရေး လုပ်ရှားမှုများ ပြုလုပ် နေကြသကဲ့သို့ လွှတ်တော် ပြင်ပမှာလည်း နိုင်ငံရေး လှုပ်ရှားမှုများ တွေ့မြင်လာကြရမည်ဟု ပြည်သူလူထုက သဘောတူရသည်။ သည်လို လွှတ်တော်ပ နိုင်ငံရေး လှုပ်ရှားမှုတွေ ရှိလာမှလည်း တိုင်းပြည် ထူထောင်ရေး လုပ်ငန်းများမှာ ထိရောက် လာမည်ဟု ထင်သည်။
လွှတ်တော်တွင်း လွှတ်တော်ပ နိုင်ငံရေး အင်အားစုများ အားလုံးပါဝင်ကြဖို့
ဖွဲ့စည်းပုံ အခြေခံဥပဒေကို သဘောမတူသောကြောင့် လွှတ်တော်ထဲ ရောက်မလာသော နိုင်ငံရေး အင်အားစုများ၊ ရွေးကောက်ပွဲ ဝင်ပြီး လွှတ်တော်ထဲရောက် မလာသော နိုင်ငံရေး အင်အားစုများ လွှတ်တော်ပြင်ပမှာ ရှိနေသည်။ ထိုအင်အားစုများထဲမှာ တိုင်းပြည်ချစ်သူများ၊ အများ ပြည်သူအကျိုးအတွက် လုပ်ကိုင်ဆောင်ရွက် လိုကြသူများ အများအပြား ရှိသည်။ ဒါ့အပြင်၊ နိုင်ငံရပ်ခြား ရောက်နေသူများ၊ အကျဉ်းထောင်တွေထဲမှာ ရောက်နေသူများလည်း ရှိသေး သည်။
နိုင်ငံတော်သမ္မတက ပြည်ထောင်စု လွှတ်တော် အဖွင့် မိန့်ခွန်းမှာ လွှတ်တော် ပြင်ပမှ နိုင်ငံရေး အင်အားစုများ၊ တိုင်းရင်းသား လက်နက်ကိုင် အဖွဲ့စည်းများနှင့် ပတ်သတ်၍ ထည့်သွင်း ပြောကြား ခဲ့သည်မှာ လွှတ်တော်ပြင်ပ နိုင်ငံရေးကို အားပေး လိုက်ခြင်းပဲ ဖြစ်သည်။ သမ္မတက ဖွဲစည်းပုံ အခြေခံဥပဒေကို လက်မခံနိုင်ကြသေးတဲ့ တိုင်းရင်းသား လက်နက်ကိုင် အဖွဲ့စည်းများ ကိုလည်း နိုင်ငံတော်နှင့် တိုင်းရင်းသား ပြည်သူလူထု တစ်ရပ်လုံးရဲ့ အကျိုးစီးပွားကို ရှေးရှုပြီး ငြိမ်းချမ်းရေး တံခါးကို ဖွင့်လှစ် ထားကြောင်း၊ အလားတူ ဖွဲ့စည်းပုံ အခြေခံ ဥပဒေကို လက်မခံ နိုင်ကြသေးတဲ့ ပြည်တွင်း နိုင်ငံရေး အင်အားစု များကိုလည်း သဘောထား အမြင် ကွဲလွဲ မှုကြောင့် ဖြစ်ပေါ်နေတဲ့ ပဋိပက္ခတွေ လျော့ပါးအောင် ကြိုးပမ်း ဆောင်ရွက်လျက် ရှိကြောင်းတို့ကို ပြောကြားခဲ့တာက ဒါကို ရည်ရွယ်တာပဲ ဖြစ်သည်။
- လက်ရှိဖွဲ့စည်းပုံ အခြေခံကို သဘောမတူသူတွေ ရှိတာကို လက်ခံသည်။
- တိုင်းပြည် အကျိုးကို ရည်ရွယ်ပြီး သဘောတူသူများနှင့် အတတ်နိုင်ဆုံး ညှိနှိုင်း ဆောင်ရွက် သွားလိုသည်။
- ပဋိပက္ခတွေကို လျော့ပါးအောင် ကြိုးစားမည်။
ဒါတွေက သမ္မတ၏ ကတိကဝတ် ဖြစ်သည်။ နိုင်ငံရေး အကျိုး အမြတ်ကို အလေးထားသည့် ကတိကဝတ်မျိုး ဖြစ်သည်။ နိုင်ငံရေး အကျိုးမြတ် ဆိုတာက တိုင်းပြည်နှင့် ပြည်သူလူထု၏ အကျိုးကို ကြည့်တာပဲ ဖြစ်သည်။ ဤ ကတိ ကဝတ်များကို စောင့်ထိန်းခြင်းဖြင့် တိုင်းပြည်နှင့် ပြည်သူလူထု၏ အကျိုးကို ဆောင်ရွက်ရမှာ ဖြစ်သည်။
မောင်းဆက်                    ပိတောင်မြေမှ  ကူးယူဖော်ပြသည်

0 ဦးကဆွေးနွေးသွားပါတယ်..

Отправить комментарий