ယနေ့ မြန်မာပြည်၏ အစိုးရနှင့်ပြည်သူ ပူးပေါင်းလျှောက်လှမ်းနေသော ဒီမိုကရေစီလမ်းစဉ်နှင့် အတူ အရှိန်အဟုန်ဖြင့် တိုးတက်လာနေမှုသည် အစိုးရအတိုက်အခံတို့၏ မနာလိုမရှုစိမ့်စရာ မဖြစ်စေချင်စရာ တစ်ခုဟု ဆိုလျှင် မှားအံ့မထင်။ အဘယ်ကြောင့်ထိုသို့ပြောဆိုရသနည်း ဆိုသော် အတိုက်အခံ အဆက်ဆက်တို့သည် အစိုးရ၏ လုပ်ဆောင်မှု မှန်သမျှကို အမြဲလိုလို မကောင်းပြော ဘူး ခံ၍ အပြစ်ပြောဆိုခဲ့ကြသည်မှာ ယနေ့ မတိုင်ခင် လွန်ခဲ့သော နှစ်နှစ်ဆယ်ကျော်ကာလ ကပင် ဖြစ်သည်။ 

အတိုက်အခံဒေါ်လာစားတို့သည် မြန်မာပြည်၏ ဒီမိုကရေလမ်းစဉ်သို့ မလျှောက်လှမ်း ခင်က လူထုမှ ရွေးချယ်တင်မြှောက်သော အစိုးရတစ်ရပ်ဖွဲ့စည်း၍ ဒီမိုကရေစဉ် စနစ်သို့ ပြောင်းလဲလျှောက်လှမ်းရန် အမျိုးမျိုး ဖိအားပေး အတိုက်အခံလုပ်ခဲ့ကြသည်။ ဒေါ်စုကို အကျယ်ချုပ်ဖြင့် ထားသော အခါလည်း ဒေါ်စုလွတ်မြောက်ရေး အတွက်ဆိုပြီး ဆုတောင်းပွဲများ၊ ဆန္ဒပြပွဲများ မျိုးစုံလုပ်၍ တောင်းဆိုခဲ့ကြသည်။ မီဒီယာကဏ္ဍ ထိန်းချုပ်ထားသော အခါလည်း လွတ်လပ်ခွင့်ပေးဖို့ တောင်းဆိုကြသည်။ မီး မလာသောအခါလည်း ၂၄ နာရီ လျှပ်စစ်ဓါတ်အားရဖို့ ပြောကြပြန်သည်။ အခု နိုင်ငံကလည်း ပြည်သူလူထုမှစနစ်တကျ ရွေးချယ်တင်မြှောက်ထား သော အစိုးရအဖွဲ့ဖြင့် စည်းကမ်းပြည့်ဝပြီး စစ်မှန်သော ဒီမိုကရေစီ လမ်းကြောင်းပေါ်သို့လျှောက်လှမ်း နေသည်။ ဒေါ်စုကလည်း အကျယ်ချုပ်မှလွတ်မြောက်၍  သူ၏ သားငယ် မစ္စတာ ထိန်လင်းနှင့်တွေ့ဆုံ၍ သွားချင်သော နေရာသွား ပြောချင်တဲ့ စကားများလည်း ပြောခွင့်ရနေသည်။ မီဒီယာကဏ္ဍ အနေနှင့်လည်း  အရင်လိုတင်းကြပ်မှုမရှိ ၍ အရင်ကတင်ခွင့် မရသော ဒေါ်စု ပုံပင် ဂျာနယ်မျက်နှာဖုံးပေါ်တွင် နေရာယူနေပေသည်။ အရင်ကရေးခွင့်မရသော စာတွေပင် လွတ်လွတ်လပ်လပ် ရေးသားပြောဆိုနိုင်နေသည်။ အင်တာနက်ကဏ္ဍ တွင်လည်း အရင်က ကြည့်ရှုခွင့်မရသော ဆိုဒ်ပေါင်း (၇) သောင်းကျော်အနက် မောင်နှင့်နှမ သားနှင့်အမိကြည့်ရှုရန် မသင့်တော်သော ညစ်ညမ်းဆိုဒ်များဖြစ်သည့် Porn ဆိုဒ် (၂)သောင်း ကျော်မှလွဲ၍ ကျန်သော ဆိုဒ်ပေါင်း (၃)သောင်း ကျော်ကို လွတ်လပ်စွာကြည့်ရှုနေနိုင် ပြီဖြစ်သည်။ ကြည့်ရှု၍ မရသောဆိုဒ်များရှိပါက လာရောက်ပြောဆိုနိုင်ကြောင်း လည်းခွင့်ပြုထားပြီး ဖြစ်သည်။ ပြည်ပ သတင်းမီဒီယာ များ ကိုလည်း ပြည်တွင်းသို့ ဖိတ်ခေါ်၍ လွှတ်တော်အစည်းအဝေး များသို့ ပင် တက်ရောက်သတင်းယူခွင့် ပေးထား၍ အစိုးရ မကောင်းကြောင်း သတင်းလွှင့်တတ်သော VOA တို့ ကပင် လာရောက်သတင်း ရယူနေကြသည်။  ထိုမျှဆိုလျှင်ပင် မီဒီယာကဏ္ဍ၏ လွတ်လပ်မှု ကိုမြင်သာပေလိမ့်မည်။ တဖန် လျှပ်စစ်ဓါတ်အားနှင့် ပတ်သက်၍ နိုင်ငံတော်အတွက် ငွေကြေးကဏ္ဍ ရော လျှပ်စစ်ဓါတ်အားပိုင်းကဏ္ဍ ပါ အမြတ်အစွန်းများ စွာရရှိမည့် ဧရာဝတီမြစ်ဆုံရေအားလျှပ်စစ်စီမံ ကိန်းကြီးကိုပင် အကောင်အထည်ဖော် ဆောင်ရွက်နေပြီဖြစ်သည်။ အတိုက်အခံတို့သည်ကား မီးမရတော့လည်း မရလို့။ ရအောင်လုပ်ဆောင်နေတော့ လည်း အကြောင်းအမျိုးမျိုးပြ ကန့်ကွက် ဆန္ဒပြနေကြသည်။

ထိုကဲ့သို့ လက်ရှိအစိုးရ၏ လုပ်ဆောင်မှုမှန်သမျှ ကို အမြဲမကောင်းမြင် ကန့်ကွက်ပြခြင်းကြောင့် ရရှိသော ပြည်ပနိုင်ငံများ၏  ထောက်ပံ့ငွေဒေါ်လာများ ဖြင့်  စည်းစိမ်ယစ်မူးလာခဲ့သည် မှာ အတော်ပင်ကြာခဲ့ပြီ ဖြစ်သည်။ ထိုသူတို့အတွက်ကား အစိုးရမကောင်းကြောင်း အမြဲပြောဆိုနေမှ သာ ထောက်ပံ့ငွေများ ရရှိနေမည်ဖြစ်သည်။ အစိုးရမကောင်းကြောင်း မပြောနိုင် မရေးနိုင်တော့သည့် ကာလ ထောက်ပံ့ငွေများ လည်း ရပ်ဆိုင်းသွားမည် ဖြစ်သည်။ ယခု အစိုးရနှင့်ပြည်သူ လက်တွဲ လုပ်ဆောင်နေမှုများသည် ဒေါ်လာစားအတိုက်အခံများအတွက် ဆီလို အပြစ်ရှာ မကောင်းပြောစရာ မရှိအောင် အတွဲညီနေသည်။ နိုင်ငံသည်လည်း ဖွံ့ဖြိုးသထက် ဖွံ့ဖြိုးလာဖို့ အရှိန်ရနေသည်။ ထိုကဲ့သို့ ဖြစ်လာခြင်းသည် အတိုက်အခံတို့ အတွက်ကား စားစရာပါးစပ်ပေါက် ပိတ်စေခြင်းပင်ဖြစ်လိမ့်မည်။ အစိုးရ အပေါ် အမြဲအတိုက်အခံလုပ် မကောင်းပြောခြင်းကြောင့် လှုပ်ခွင့်ရနေသော ပါးစပ်သည် ပြောစရာ မရှိလျှင် ပိတ်ရတော့မည်ဖြစ်သည်။ 

ထိုအခါ မည်ကဲ့သို့ ဘ၀ကိုရပ်တည်ကြမည်နည်း။ မည်သည့် အလုပ်အကိုင် အခွင့်အလမ်းများသို့ ပြောင်းလဲ လုပ်ကိုင်ကြမည်နည်း။ ထိုအရေးကို ယခု အတိုက်အခံလုပ်နေကြသော ဒေါ်လာစားတို့စိတ်ထဲ ကြို၍ တွေးတောနေကြမည် ဟု ထင်သည်။ ကြံရာမရ ဖြစ်နေကြလျှင်ကား နိုင်ငံတော်သမ္မတကြီး၏ ခွင့်လွှတ်တတ်မှု နှင့် စာနာနားလည်မှုဖြင့် ပြည်ပရောက် မြန်မာများ နေရပ်သို့ ပြန်လာခွင့်ပြုထား ခြင်းအပေါ် အခွင့်ကောင်းရယူ၍ မိမိ၏ လုပ်ရပ်အမှားများကို နောင်တရ၍ ပြည်တော်ပြန်ရန် ကြိုးပမ်းသင့်သည်။ မိမိတွင် အပြစ်ရှိလျှင် မိမိအပြစ်ကို ဆေးကြောသန့်စင်၍ အမိနိုင်ငံ၏ နွေးထွေးသော အရိပ်အောက်တွင် မိသားစုစုံညီ လုပ်ကိုင် စားသောက်နေထိုင်ကာ မိမိဘ၀ကို ကောင်းအောင်ပြုပြင် သင့်သည်ဟု ရွှေမြန်မာမှ အကြံပြုချင်သည်။ ဒီလိုမှမဟုတ် ဖြစ်သလို နေ ရသလိုစား မယ်ဟု မိုက်မဲတွေးတောကာ ပေတေနေပြီး ပြည်ပနိုင်ငံများဆီမှ ယခုလို လက်ဖြန့်တောင်း၍ ရနေသော ဒေါ်လာစား ဘ၀ ချုပ်ငြိမ်းသွားသော အချိန်အခါ သို့ ရောက်ရှိလာလျှင်ကား............

မကောင်းနိုင်တော့ ရသလိုတောင်းနိုင်ရတယ်....

0 ဦးကဆွေးနွေးသွားပါတယ်..

Отправить комментарий