မြန်မာနိုင်ငံမှာ အစိုးရရဲ့ သတင်းလွတ်လပ်ခွင့်တွေ ပေးမှုကြောင့် သတင်း တွေ၊ ဂျာနယ်တွေထဲမှာ အရင်တုန်းက မမြင်ဖူးတာတွေ မြင်လာရတာကြောင့် ပြောင်းလဲခြင်းတွေကို လူအများက အသိအမှတ်ပြုလာကြပါတယ်။ ဂျာနယ်တွေကဆိုရင် ဘယ်လောက်များသလဲ မမေးနဲ့ နေ့စဉ်ထုတ်နေရုံမကဘူး။ တစ်နေ့ ၃ လေးစောင် ထွက်နေလို့ ဘာဖတ်ရမှန်းတောင် မသိတော့ဘူး။ ဒါတောင် နေ့စဉ် သတင်းစာ ထပ်ထုတ်ချင်ကြသေးတယ်။ ပြည်သူအတွက် ရပ်တည်မယ့် စတုတ္ထမဏ္ဍိုင် တွေက ပြည်သူတွေကို တစ်ပတ်တစ်ခါ သတင်းရောင်းစားလို့ အားမရသေးဘူး။ နေ့စဉ် အမြတ်ထုတ်ချင်ကြသေးတယ်။ စီးပွားရေးတွေ သောင်းကျန်းကြလွန်းတယ်။

ပြီးခဲ့တဲ့ သီတင်းကျွတ်လပြည့်နေ့က မြန်မာအစိုးရမှ သမ္မတအမိန့်နဲ့ အကျဉ်းသားပေါင်း ၆၃၅၉ ဦးကို လွတ်ငြိမ်းချမ်းသားခွင့် ပေးခဲ့ပါတယ်။ လွတ်ငြိမ်းချမ်းသာခွင့်ကြောင့် ထောင်ကထွက်လာမယ့် ထောင်ဘူးဝ မှာ ဂျာနယ်၊ မဂ္ဂဇင်းပေါင်းဆုံမှ သတင်းထောက်တွေ စုပြုံတိုးဝေ့ပြီး စောင့်နေခဲ့ကြပါတယ်။ ပြည်သူလူထုက စိုးရိမ်တကြီးဖြင့် ၎င်းတို့ရဲ့ ဆွေမျိုးသားချင်းတွေကို စောင့်မျှော်နေချိန်မှာ သတင်းထောက်တွေက ပျော်ပျော်ပါးပါး ဓာတ်ပုံရိုက်လိုက် နောက်လိုက်ပြောင်လိုက် လုပ်နေကြကြောင်း အင်စိန်ထောင်ရှေ့မှ စောင့်နေခဲ့သူ တစ်ဦးက ပြောပါတယ်။

ဂျာနယ်တွေများလွန်းတော့ သတင်းထောက်ပေါင်း ၁၀၀ နီးပါးတောင်ရှိတယ်လို့ဆိုပါတယ်။ သတင်းထောက်တွေအနေနဲ့ တံခါးအတွင်းထိ ဝင်ခွင့်ရကြပြီး သူတို့အချင်းချင်း ကြိတ်ကြိတ်တိုးလိုက်၊ ဖိနပ်တက်နင်းလိုက်၊ ဓာတ်ပုံကျော်ရိုက်လိုက် နဲ့ ရန်ဖြစ်နေတာလည်း မြင်ခဲ့ကြရတယ်လို့ဆိုပါတယ်။ အဆိုးဆုံးကတော့ ခါးပိုက်နှိုတ်တာပဲဖြစ်ပါတယ်။ သတင်းထောက်တွေချည်းစုပြီး ကြိတ်ကြိတ်တိုးနေချိန်မှာ သတင်းထောက်အချင်းချင်း ကပ်ပြီး စာရွက်စာတမ်းတွေ၊ ပိုက်ဆံတွေကို ခါးပိုက်နှိုက်မှုတွေ ရှိကြောင်း သတင်းထောက်တစ်ဦးက အခုလိုပြောပါတယ်။

"ရှေ့က လူကို မေးဖို့နဲ့ ဓာတ်ပုံရိုက်ဖို့ အားသန်နေတော့ နောက်ကို သတိမထားမိဘူးလေ.. ပြီးတော့ စတုတ္ထမဏ္ဍိုင် သမားတွေချည်းပဲဆိုတော့ စိတ်ချလက်ချ ပစ်ထားမိတာပေါ့...

ပါတာတော့ အိပ်ထဲရှိတာ အကုန်ပါသွားတာပဲ.. ပိုက်ဆံရော၊ မှတ်ပုံတင်ရော၊ memore stick တွေရောပဲ... "

လို့ပြောပါတယ်။ ရန်ကုန်လေဆိပ်ကို ဇာဂနာ ပြန်ရောက်လာတော့ ဇာဂနာကို ထောက်ခံသူတွေရော သတင်းထောက်တွေရော တိုးကြိတ်နေတုန်း သတင်းထောက်တဦးက တခြား သတင်းထောက်မတဦးကို လက်သရမ်း ကာ -င်နှိုက် ခဲ့တယ်လို့ လည်း ဆိုပါတယ်။ ဒီအကြောင်းကို အမည်မဖော်လိုတဲ့ ကာယကံရှင် သတင်းထောက်မ တစ်ဦးက အခုလို ပြောပါတယ်။

"ဟုတ်တယ်ရှင့်... မချင်းမစာမနာရှင် အရမ်း မိုက်ရိုင်းတယ်ရှင့်... ဘယ်နှကြိမ်မှန်းကို မသိဘူး.. ခဏခဏပဲ လာနှိုတ်တာ...

မဟုတ်ဘူး.. မတော်တဆ ထိသလိုမျိုမဟုတ်ဘူး.. သေသေချာချာကို လာနှိုတ်တာ..

ဟုတ်... ဘယ်သူလဲဆိုတာ သိပါတယ်.. နာမည်ကြီး ပြည်တွင်း သတင်းဌာနက သတင်းထောက်တစ်ဦးပါပဲ...

အဲဒီချိန်တုန်းက ပြောဖို့ဆိုတာထက်.. ရှေ့ကို မဲတင်းနေရတယ်လေ.. ရှေ့က ပြောနေတာကို အသံဖမ်းနေရတာ.. နောက်ကိုတော့ လှည့်ကြည့်ပြီး သိနေကြောင်း ပြတယ်... ဒါပေမယ့် ထပ်နှိုတ်တာပဲ... လူတွေကလည်း အရမ်းတိုးနေတော့ ရှေ့တိုးလို့လည်း မရဘူး၊ နောက်ဆုတ်လို့လည်း မရဘူး.. ဒါကြောင့် နှိုတ်သမျှ ခံနေရတာပဲ.. " လို့ ပြောပါတယ်။

နောက်ထပ် တခြား သတင်းထောက်တစ်ဦးကိုလည်း သတင်းထောက် မဟုတ်တဲ့ လူတစ်ယောက်က အလားတူ အပြုအမူမျိုးတွေ ပြုကျင့်ခဲ့ကြောင်း သူမက ဆက်ပြောပါတယ်

"အတူလာတဲ့ သူငယ်ချင်းကို ပြောပြတော့ သူလည်း အနှိုတ်ခံရတယ်တဲ့.. ဒါပေမယ့် သတင်းထောက်ထဲကတော့ မဟုတ်ဘူး.. ဇာဂနာကို ထောက်ခံသူ တစ်ယောက်ဖြစ်ပုံရတယ်တဲ့..." လို့ ဆက်ပြောပါတယ်။

ပြည်သူတွေအားကိးရမယ့် နိုင်ငံတော်ရဲ့ စတုတ္ထမဏ္ဍိုင် များအနေနဲ့ အခုလို မလုပ်သင့်ပါဘူး။ လူပျက် ဇာဂနာကို ထောက်ခံ သူများထဲမှာလည်း အောက်တန်းကျသူတွေ များနေကြောင်းကို ဝါရင့် သတင်းစာဆရာကြီး တစ်ဦးက အခုလိုပြောပါတယ်။

"စတုတ္ထမဏ္ဍိုင် ဆိုတာ ပြည်သူတွေ အားကိုးဖို့ပါ.. သမာသမတ်ကျရမယ်၊ ရိုးသားရမယ်၊ အကျင့်စာရိတ္တကောင်းဖို့ကတော့ ထိပ်ဆုံးကပေါ့... ဒီလို အကျင့်စာရိတ္တညံ့ဖျင်းမှုတွေ ရှိတော့ ဘယ်သူတွေက ဘယ်လိုယုံကြည် ဘယ်လိုအားကိုးရတော့မှာလဲပေါ့... ဒီကိစ္စကို ရှုံ့ချတယ်... ဂျာနယ်တွေက အရည်အတွက် များလာပြီး အရည်အသွေးက တက်မလာကြဘူးဖြစ်နေတယ်။ ပြီးတော့ သတင်းထောက်တွေကို ခန့်ဖို့ စစ်ဆေးတာတွေ သေချာ မလုပ်တာကြောင့်လည်း ပါတာပေါ့..." လို့ ဝေဖန်သွားပါတယ်။

မြန်မာ့အရေးစောင့်ကြည့်သူတစ်ဦးကတော့ "လူပျက် ကို ထောက်ခံတဲ့အထဲမှာ လူမကောင်းတွေပါတာ အဆန်းတော့ မဟုတ်ပါဘူး.. ဒါ ပထမဆုံး နေ့ပဲ ရှိသေးတယ်.. နောက်နေ့တွေမှ ဒီထက် ဆိုးစရာတွေ တွေ့ရအုံးမယ်" လို့ ခန့်မှန်းပြောဆိုသွားပါတယ်။

လူရွှင်တော် ဇာဂနာဟာ နာဂစ်မုန်တိုင်း ဖြစ်စဉ်က ပြည်သူများထံမှ ရရှိသော အလှူငွေများကို မုန်တိုင်းသင့်ဒုက္ခသည်တွေကို မပို့ပဲ အလွဲသုံးစားမှု၊ ယင်းငွေကြေးများဖြင့် ပြည်ပမှ မိသားစုနှင့် သီးလေးသီးကို ထောက်ပံ့မှု၊ သေဆုံးသူ အလောင်းများကို စာရင်းမတင်ပဲ ပြီးစလွယ် မြုပ်နှံမှု အစရှိတဲ့ ပစ်မှုတွေကြောင့် ထောင်ကျခဲ့တာဖြစ်ပါတယ်။ ပြည်သူလူထုနဲ့ နိုင်ငံတော် အကျိုးပြုတာတွေတော့ ဘာမှ လုပ်ဆောင်ခဲ့ခြင်းမရှိပါဘူး။


မူရင်းလင့် 

0 ဦးကဆွေးနွေးသွားပါတယ်..

Отправить комментарий