(၂၀၁၂ ခုနှစ် ဖေဖော်ဝါရီလ ၈ ရက်နေ့ထုတ် အစိုးရ သတင်းစာတွေမှာ ဖော်ပြထားတဲ့ ပြည်သူ့ လွှတ်တော် ဥက္ကဌ သူရဦးရွှေမန်းရဲ့ ဆွေးနွေးချက် ဖြစ်ပါတယ်။ အင်မတန်မှ ထူးခြား ပွင့်လင်းတဲ့ ဆွေးနွေးချက် ဖြစ်ပြီး အဲဒီ ဆွေးနွေးချက်ပါ လစာများ တိုးပေးရန် အချက်ကို ပြည်ထောင်စု လွှတ်တော်က အဆိုအဖြစ် မဲခွဲ ဆုံးဖြတ်ခဲ့ပါတယ်။)
ယခု ပြည်ထောင်စု အစိုးရက တင်ပြလာသော ဥပဒေကြမ်းများကို အတည်ပြု ဥပဒေပြုရေး တာဝန်သည် မိမိတို့ ပြည်သူ့ ကိုယ်စားလှယ်များ ပါဝင်သည့် ပြည်ထောင်စု လွှတ်တော်က အဆုံးအဖြတ် ပေးကြရမည် ဖြစ်ပါကြောင်း၊ အစိုးရ အဖွဲ့ကိုယ်စားလှယ် တင်ပြခဲ့ရာတွင် အမျိုးသားရေး အကျိုးစီးပွားအတွက် အမျိုးသား ဖွံ့ဖြိုးတိုး တက်ရေး စီမံကိန်း ရေးဆွဲ ထည့်သွင်းရန် လိုအပ် နေသေးသည်ကို တွေ့ရှိရပါကြောင်း၊ တစ်ချိန်တည်း တစ်ပြိုင်တည်းတွင်ပင် အကောင်းဆုံးနှင့် စိတ်အချရ ဆုံးဖြစ်သော လူသားအရင်းအမြစ်များ ဖွံ့ဖြိုးရေးစီမံကိန်းကို လုံလောက်သော ရင်းနှီး မြှုပ်နှံမှုများဖြင့် ဆောင်ရွက် ကြရမည်  ဖြစ်ပါကြောင်း။
စိတ်ဓာတ် ကောင်းမွန် မြင့်မားရေး၊ စည်းကမ်း ကောင်းမွန်ရေးနှင့် ပညာရည် မြင့်မား တိုးတက်ရေး အတွက် '' စိတ်ဓာတ်၊ စည်းကမ်း၊ ပညာ'' ဆိုသော ပညာရေး ဝန်ကြီးဌာန၏ ဆောင်ပုဒ်ကို နိုင်ငံတော် အတွင်း ဖွင့်လှစ်ထားသည့် အဆင့်ဆင့်သော ကျောင်းများ၊သိပ္ပံများ၊ ကောလိပ်များ၊တက္ကသိုလ်များအထိသင်ကြားဖြည့်ဆည်း ဆောင်ရွက် နေရမည် ဖြစ်ပါကြောင်း၊ ထိုသို့ စဉ်းစား စီမံသည့်နေရာတွင် စိုက်ပျိုးရေး၊ မွေးမြူရေး အထက်တန်းကျောင်း၊ စက်မှု လက်မှု အထက်တန်းကျောင်းနှင့် သိပ္ပံများ၊ အခြား အသက်မွေး ဝမ်းကျောင်း ပြုနိုင်သော အထက်တန်း ကျောင်းနှင့် သိပ္ပံကျောင်းများကို ပြည့်ပြည့် စုံစုံ ဟန်ချက်ညီ ဖွင့်လှစ်နိုင်ရေး အတွက် စီမံရန်လည်း လိုအပ်ပါကြောင်း၊ ကျောင်းများ ပြီးစီးချိန်တွင် ၎င်းတို့ လုပ်ဆောင်ကြမည့် လုပ်ငန်းများ အလိုက် လုပ်ငန်းစွမ်းရည် မြင့်မားရေး အတွက် သက်ဆိုင်ရာ ကျောင်းများတွင် Training For Trainners, Vocational Training, Job Training Occupational Trainingစသော  Training    များကို ဆိုင်ရာ လုပ်ငန်း နယ်ပယ်အလိုက်၊ ဒေသ အလိုက် ဖွင့်လှစ်ပေးရန် လိုအပ်မည် ဖြစ်ပါကြောင်း။
စိတ်ဓာတ်နှင့် စည်းကမ်း ကောင်းအောင် မြှင့်တင်ပေးရာ ရောက်သည့် ဝန်ထမ်း အဆင့်အတန်း အလိုက် ထိုက်သင့်သော လုပ်ခ၊ လစာနှင့် စရိတ်များ ချီးမြှင့်ပေးခြင်း၊ လေ့ကျင့် ဆွေးနွေး ပညာပေးခြင်း၊ ဆုပေး၊ ဒဏ်ပေး စနစ် ကျင့်သုံးစေခြင်းဖြင့် နိုင်ငံတော် သမ္မတကြီး ပြောကြားသော သန့်ရှင်းသော အစိုးရ (Clean Government) နှင့် ကောင်းမွန်သော စီမံခန့်ခွဲမှု (Good Governance) ဖြစ်ရန် အလားအလာ ရှိမည်ဖြစ် ပါကြောင်း။
ကျောင်းဆရာ၊ ဆရာမများ၏ လစာနှင့်စရိတ် ၊ ရဲတပ်ဖွဲ့ဝင်များ၊ တပ်မတော်သားများ၊ ဝန်ထမ်းများနှင့် အောက်ခြေ အုပ်ချုပ်ရေး အဖွဲ့အစည်းများ၏ လစာနှင့် စရိတ်များကို လုံလောက် မျှတစွာ ချီးမြှင့်ပေးရမည် ဖြစ်ပါကြောင်း၊ နိုင်ငံတော် ကာကွယ်ရေး တာဝန် ထမ်းဆောင် နေကြသည့် လိုအပ်လျှင် နိုင်ငံနှင့် နိုင်ငံသားများ အတွက် အသက် ပေး စွန့်လွှတ် နေကြသော တပ်မတော်သားများ၏ ရိက္ခာစရိတ်၊ စစ်ဝတ်နှင့် အသုံးအဆောင် စရိတ် အပါအဝင် အခြား စရိတ်များကိုလည်း အနည်းဆုံး ၁၉၅၉-၁၉၆ဝ ခုနှစ်က ရရှိထားသည့် စရိတ်များ၏ တန်ဖိုးအတိုင်း ရရှိအောင် ခွင့်ပြု ပေးသင့်ပါကြောင်း။
မလွှဲမရှောင်သာ ကြုံတွေ့လာနိုင်သည့် ကုန်ဈေးနှုန်း ကြီးမြင့်မှုနှင့် ယနေ့ တောင်သူ လယ်သမားများ၊ မွေးမြူရေး သမားများ၊ အခြေခံ ကုန်ထုတ်လုပ်သူများ ကြုံတွေ့နေရသည့် စပါးနှင့်သီးနှံများ ဈေးနိမ့်ကျ၍ အရှုံးပေါ်နေမှု၊ ငါးမွေးမြူ ထုတ်လုပ်သူများ အရှုံး ပေါ်နေမှုများ ရှိပါကြောင်း၊ ထုတ်လုပ်သူများ အရှုံးပေါ်နေမှုသည် တောင်သူ လယ်သမား၊ အလုပ်သမား၊ နိုင်ငံ့ ဝန်ထမ်းများကို များစွာ ထိခိုက်နေရပါကြောင်း။
သို့ရာတွင် လယ်တလင်းတွင် စပါး ကုန်ကြမ်းဈေးနှင့် ငါးမွေးကန်ရှိ ငါးဈေးများသည် ထုတ်လုပ်မှု တန်ဖိုးထက် များစွာ လျော့နည်းနေပါကြောင်း၊ ဈေးကွက်နှင့် ဈေးဆိုင်များတွင် ဆန်ဈေးနှင့် ငါးဈေးတို့မှာ မြင့်မားမှု ရှိနေပြီး အကြောင်းအရင်းကို စိစစ်လေ့ လာသုံးသပ်သည့် အခါ သယ်ယူစရိတ်များ ကြီးမြင့်လွန်းခြင်း၊ အခြား မလိုလားအပ်သော ကုန်ကျစရိတ် (Transaction Cost) များ မြင့်မားခြင်း တို့ကြောင့်ဟု သိရပါကြောင်း။
နိုင်ငံသားအများစုကို ထိခိုက်စေနိုင်သော ကုန်ဈေးနှုန်းနှင့် အခြား(Transaction Cost) များ ကျဆင်းအောင် စဉ်းစားသုံးသပ် စီမံဆောင်ရွက်မှုများကို စီမံကိန်းချမှတ် ဆောင်ရွက်နိုင်ရေးအတွက် ဤပြည်ထောင်စု လွှတ်တော်က သက်ဆိုင်ရာ အဖွဲ့အစည်းများသို့ တိုက်တွန်းဆောင် ရွက်ရန်လည်း လိုအပ်သည်ဟု ယူဆပါ ကြောင်း။
အမျိုးသား စီမံကိန်းများ ရေးဆွဲ ချမှတ်ရာတွင် လည်းကောင်း၊ တစ်မျိုးသားလုံး၏ ပြည်တွင်း အသားတင် ထုတ်လုပ်မှုနှင့် ဝန်ဆောင်မှု တန်ဖိုး (Gross Domestic Product-GDP) ကဲ့သို့သော နိုင်ငံ၏ အခြေပြ ကိန်းဂဏန်း တွက်ချက် ဖော်ပြရာတွင် လည်းကောင်း မှန်ကန်သော အချက် အလက်များကို အခြေခံ တွက်ချက်မှ သာလျှင် မှန်ကန်သော၊ ဆီလျော် ကောင်းမွန်သော စီမံကိန်းနှင့် စီမံချက်များ ပေါ်ထွက် လာမည် ဖြစ်ပါကြောင်း။
ယခု ပြည်ထောင်စု လွှတ်တော်သို့ တင်ပြထားသော ဥပဒေကြမ်းများတွင် အချို့ဌာနများ၏ ဖော်ပြချက်များ၌ မြန်မာနိုင်ငံ၏ လူဦးရေနှင့် ပတ်သက်၍ ကွာခြားချက် ကြီးမားနေခြင်းကို တွေ့ရှိရပါကြောင်း၊ သို့ဖြစ်၍ လူဦးရေ နှင့် သန်းခေါင်စာရင်း ကောက်ယူမှုအား ဆောလျင်စွာ လုပ်ငန်းစီမံကိန်းများ ချမှတ် ဆောင်ရွက်သွားရန် လိုအပ် မည် ဖြစ်ပါကြောင်း။
အချို့သော စီမံကိန်း လုပ်ငန်းများ ဆောင်ရွက်ရာတွင် စီးပွားရေး တွက်ခြေကိုက်မှု တစ်ခုတည်းကို မကြည့်ဘဲ သဘာဝ ပတ်ဝန်းကျင် ဆိုင်ရာ အကျိုး သက်ရောက် EIA (Environment Impact Assessment)၊ လူနေမှုဘဝ အကျိုးသက်ရောက်မှု  SIA (Social Impact Assessment)၊ ကျန်းမာရေး ဆိုင်ရာ အကျိုး သက်ရောက်မှု   HIA (Health Impact Assessment))၊ အစရှိသော စူးစမ်း လေ့လာမှုများပါ တစ်ပါတည်း ဆောင်ရွက် သင့်ပါကြောင်း၊ ပြည်သူများ၏ ငွေများကို အသုံးပြု၍ ရင်းနှီး မြှုပ်နှံခြင်း ပြုကြရာတွင် လက်ငင်း ရေတိုနှင့် ရေရှည် အကျိုးရှိမှု အတွက် အသေးစိတ် ဘက်စုံ ထောင့်စုံ စူးစမ်းလေ့လာ သုံးသပ်ပြီးပါမှ အသုံးပြုရန်၊ ရင်းနှီးမြှုပ်နှံရန် အတွက် ပြည်ထောင်စု လွှတ်တော် ကိုယ်စားလှယ်များက အဆုံးအဖြတ် ပေးကြရမည် ဖြစ်ပါကြောင်း။
နိဂုံးချုပ် အနေဖြင့် မိမိဂုဏ်၊ မိမိသိက္ခာနှင့် အညီ နေထိုင် စားသောက်နိုင်ရန်၊ သန့်ရှင်းသော အစိုးရ၊ ကောင်းမွန် သော အုပ်ချုပ်ရေး အမှန်တကယ် ဖြစ်လာရန်နှင့် နိုင်ငံသားများ၊ ဝန်ထမ်းများ၏ လုပ်ခ၊ လစာစရိတ်နှင့် ချီးမြှင့် ငွေများကို လာမည့် ဘတ်ဂျက်နှစ် အစတွင် မဖြစ်မနေတိုးမြှင့်ပေးရေး၊ ပြည်သူ့ဘဏ္ဍာငွေများကို အသုံးပြု၍ လက်တွေ့ကျကျ နိုင်ငံ့ အကျိုး၊ ပြည်သူလူထု အကျိုး ဖြစ်ထွန်းစေမည့် စီမံကိန်းများကိုသာ ဥပဒေပြုပေးရေးနှင့် ထိုသို့မဟုတ်သော စီမံကိန်းများကို ငြင်းပယ်ခြင်း၊ ဆိုင်းငံ့ခြင်း၊ လျှော့၍ ခွင့်ပြုခြင်းများ ဆောင်ရွက်ရေး၊ နိုင်ငံနှင့် နိုင်ငံသားများ၏ လက်ငင်း၊ ရေတိုနှင့် ရေရှည် အကျိုး ဖြစ်ထွန်း စေသော ထာဝစဉ် ရှင်သန်စေမည့် အမျိုးသား ဖွံ့ဖြိုး တိုးတက်ရေး စီမံကိန်း (သို့မဟုတ်) လူသား အရင်းအမြစ်များ ဖွံ့ဖြိုးရေး စီမံကိန်းအတွက် ရင်းနှီးမြှုပ်နှံမှုများကို တင်ပြ ဆောင်ရွက်ပေးရန် သက်ဆိုင်ရာသို့ တိုက်တွန်းပေးရေး၊ တာဝန်အရ ဥပဒေနှင့် အညီ ဆောင်ရွက် နေကြသူများ၊ အဖွဲ့အစည်းများအား နားလည်လက်ခံပြီး လေးစား ချစ်ကြည်စွာဖြင့် အပြန်အလှန် ပူးပေါင်း ဆောင်ရွက် ပေးရေး၊ နိုင်ငံနှင့်နိုင်ငံသားများ၏ အကျိုးစီးပွားအား တားဆီး ပိတ်ပင်သော၊ ပျက်စီးယုတ်လျော့ စေသော ပြည်တွင်းပြည်ပမှ မည်သည့်ပုဂ္ဂိုလ်၊ မည်သည့် အဖွဲ့အစည်းကို မဆို ဆန့်ကျင်သွားရေး၊ တည်ဆဲ ဥပဒေများကို အဖွဲ့အစည်းများ အနေဖြင့်လည်းကောင်း၊ ပြည်သူများထဲမှ ပြည်သူတစ်ဦး အနေဖြင့် လည်းကောင်း၊ ပြည်သူ တစ်ရပ်လုံးနှင့်အတူ ရိုသေလေးစား လိုက်နာကြရေးတို့ကို ပြည်ထောင်စု လွှတ်တော် နာယက ကြီးနှင့်တကွ ပြည်ထောင်စု လွှတ်တော် ကိုယ်စားလှယ်များက ဆုံးဖြတ် ဆောင်ရွက် ပေးကြစေလိုကြောင်းဖြင့်  ဆွေးနွေးသည်။

0 ဦးကဆွေးနွေးသွားပါတယ်..

Отправить комментарий