(၂၀၁၁ ခုနှစ် နိုဝင်ဘာလထုတ် အတွေးအမြင် မဂ္ဂဇင်းမှာ ဖော်ပြထားတဲ့ သန့်ရှင်းသော အစိုးရနဲ့ ပတ်သက်တဲ့ ခေါင်းကြီး ဖြစ်ပါတယ်။ )
နိုင်ငံတော် သမ္မတကြီး ဦးသိန်းစိန်၏ မိန့်ခွန်းများကို လေ့လာပြီး ပြောရလျှင် လတ်တလော အချိန်တွင် မြန်မာနိုင်ငံ၌ ကောင်းမွန် သန့်ရှင်းသာ အစိုးရ တစ်ရပ်ကို ဖော်ထုတ်ကာ ပြည်သူလူထု၏ ယုံကြည် ကိုးစားမှုကို ရယူရန် ကြိုးပမ်းနေသည့် လက္ခဏာ ရှိသည်။
ကောင်းမွန်သော အုပ်ချုပ်ရေး (Good governance) ဆိုသည်မှာ အစိုးရ လုပ်ငန်းများ ဆောင်ရွက် နေသူတို့၏ အရည်အချင်း အရည်အသွေးပိုင်းနှင့် သက်ဆိုင်သည်။ သန့်ရှင်းသော အစိုးရ (clean government) ဆိုသည်မှာ အဂတိ တရား လိုက်စားမှု ကင်းစင်ခြင်း၊ တစ်နည်းအားဖြင့် ကိုယ်ကျင့်တရားနှင့် သက်ဆိုင်သည်။
အကျင့်ပျက် ခြစားမှု လုံးဝ ကင်းစင်သူများ ဖြစ်သော်ငြား လုပ်ငန်းဆိုင်ရာ အရည်အချင်း ပြည့်ဝသူများ မဟုတ်ပြန်လျှင် တိုင်းပြည် မတိုးတက်နိုင်ချေ။ လုပ်ငန်းဆိုင်ရာ အရည်အချင်း အလွန်ပြည့်ဝ ကျွမ်းကျင်သူများ ဖြစ်သော်လည်း အကျင့် မကောင်းသူများ ဖြစ်နေ ပြန်လျှင်လည်း တိုင်းပြည်ကြီး ပို၍သာ နစ်နာမည် ဖြစ်ပေသည်။
သန့်ရှင်းသော အစိုးရ အင်္ဂါရပ်ထဲတွင် အဆင့်ဆင့်သော တာဝန်ရှိသူအားလုံး အကျင့်ပျက်ခြစားမှု ကင်းစင်ရေးသည် ပဓာန အကျဆုံး ဖြစ်သည်။ “ ခေါင်ကစပြီး မိုးမလုံရင် တစ်အိမ်လုံး စိုရွှဲနေမည်” ဟူသော့ မြန်မာ ဆိုရိုးစကား၏ အဓိပ္ပာယ်သည် အဆင့်ဆင့်သော တာဝန်ရှိသူ အားလုံး သန့်ရှင်းဖို့ လိုသည်ကို ရည်ညွှန်းပေသည်။
အကျင့်ပျက် ခြစားမှုသည် အာဏာ ရှိသူများနှင့် နီးစပ်သူများ၊ အခွင့်ထူးခံများ၊ လုပ်ပိုင်ခွင့် အာဏာရှိသူကို လာဘ်လာဘ ပေး၍ ဖျားယောင်း သွေးဆောင် ဖျက်ဆီးသူများကြောင့် ဖြစ်ပေါ်ခြင်းဖြစ်သည်။
လွန်ခဲ့သော နှစ်တစ်ရာကျော်က မင်းတုန်းမင်းကြီး လက်ထက် ပညာရှိအမတ် ယောမင်းကြီး ဦးဘိုးလှိုင်သည် “ အစ်မ နှမ ၊ သမီးကလျှင်၊ စ၍ဆက်နှင်း၊ လက်ဆောင်သွင်း၍ ၊ စိုးမင်းချစ်မြတ်၊ ထိုအမတ်သည်၊ အတတ်မရှိ၊ သတ္တိကင်းကွာ၊ ဘုန်းကြီးလာမူ၊ ပြည်ရွာပျက်ကြောင်း တစ်ပါးတည်း…..” ဟူသော လင်္ကာကို စီကုံး၍ ဆက်သွင်းခဲ့ရာ မင်းတုန်းမင်းကြီး သည် ဒေါသအမျက် ချောင်းချောင်း ထွက်ခဲ့လေသည်။ ယောမင်းကြီးက အစ်မ နှမ သမီး စသဖြင့် ဆက်နှင်း ပေးကမ်းပြီး အခွင့်ထူးခံ ဖြစ်လာသူတွေ ဘုန်းတန်ခိုး ကြီးလာရင် တိုင်းပြည် ပျက်မှာပဲဟု တည့်တည့်ကြီး ဝေဖန်လိုက်ခြင်းကြောင့် အမျက်ထွက် သွားသော ဘုရင်က တုံ့ပြန်ပုံကို မှော်ဘီ ဆရာသိန်းကြီး၏ “ပညာရှိကြီးများ အကြောင်း” စာအုပ် (ပညာအလင်း ပြထုတ်) တွင် အောက်ပါအတိုင်း ဖော်ပြ ထားပေသည်။
“ ထိုအခါ မင်းကြီးက ငလှိုင်….. သည်လှံကို ကြည့်စမ်း၊ ဘယ်သူကိုင်တဲ့ လှံတုန်း….ဟု မေး၏။ ဦးဘိုးလှိုင်က အရှင့် ခမည်းတော်က ကိုင်သော လှံဖြစ်ကြောင်း လျှောက်၏။ ဒီလှံနဲ့ ဘယ်သူ့ကို စီရင်ခဲ့သလဲ ဟု အမေးရှိပြန်ရာ ကျွန်တော်မျိုး၏ ကျေးဇူးရှင် အဖကို စီရင်ပါကြောင်း လျှောက်တင်၏။ မင်းကြီးက သည်လှံနှင့် မောင်မင်း စီရင်ခြင်း ခံလိုသလားဟု ထပ်မေးပြန်ရာ ဦးဘိုးလှိုင်က ရင်ကို မားမားကော့၍ ထိုးတော်မူပါ ဘုရားဟု မတွန့််မလှုပ် လျှောက်၏။ ထို့ကြောင့် နောက်တစ်နေ့တွင် အကျယ်ချုပ်ဖြင့် ရာထူး နှုတ်ပယ် ခံရပြန်လေသည်။
ယောမင်းကြီးဟု ထင်ရှားသော ရွှေပြည်ဝန်ကြီး ဦးဘိုးလှိုင်သည် သာယာဝတီမင်း လက်ထက်က နန်းရင်ပြင်တွင် ရှင်ဘုရင် ကိုယ်တိုင်က လှံနှင့် ထိုးသတ်ခံခဲ့ရသော ယင်းတောဝန်ကြီး၏ သားဖြစ်ပေသည်။ မင်းမျက်သင့်ခံရပြီး လှံနှင့် ထိုးသတ်ခံရ သူ၏ သားဖြစ်စေကာမူ ထိတ်လန့် နောင်ကြဉ်ခြင်း အလျဉ်းမရှိ။ ရင်ကိုကော့ပေးပြီး ထိုးပါဟု ဆိုဝံ့ခြင်းမှာ အာဂ သတ္တိရှင် ပေတည်း။
“လှံနှင့်ထိုးသတ်၍ သေရခြင်းက မြတ်၏။ နေရာတိုင်း မင်းလိုလိုက်၍ စီမံသော် နိုင်ငံတော် ပျက်စီး ယိုယွင်းခြင်း ဖြစ်ရ လေသည်ဟု ဤနာမည်မျိုး ကျန်ရစ်လျှင် သေကျိုးမနပ် ဖြစ်မည်၊ ထိုမကောင်းသော အပုပ်နံ့သည် တထောင်းထောင်းနှင့် လူအပေါင်းတို့ နှာခေါင်း ရှုံ့ကြမည်ကို ကြောက်စရာ ကောင်းလှသည်။ မှူးမတ် ဆိုသည့်အတိုင်း တည့်တည့်မတ်မတ် ဖြစ်အောင် စီမံခန့်ခွဲလျှက် လျှောက်တင်ခွင့်ရှိက အသက်ကို စွန့်၍ ရဲရဲဝံ့ဝံ့ လျှောက်တင် ကြရမည်။ သို့မှ မှူးမတ်နှင့် တူသည်….. ဟူ၍ ဦးဘိုးလှိုင်က ကျန်ဝန်ကြီးများကို ပြောပြသည်။ ထိုမှ နှစ်နှစ်ခန့်ကြာသော် ပြင်သစ်နှင့် ကင်းဝန်မင်းကြီး ချုပ်ဆိုခဲ့သော ကျောက်တွင်း အရောင်းအ၀ယ် စာချုပ်ကို ဖျက်သိမ်း လိုသည့်အခါ မင်းတုန်းမင်းသည် အကျယ်ချုပ် ခံနေရသူ ယောမင်းကြီး ဟောင်းကို ပြန်ခေါ်၍ အကူအညီ တောင်းရပြန်လေသည်။
ရာထူးပြန်ရပြီးနောက် ဦးဘိုးလှိုင်သည် သက်ဦးဆံပိုင် ဘုရင် အုပ်ချုပ်ရေး စနစ်မှ ဥပဒေနှင့် အညီ အုပ်ချုပ်သော ဘုရင် စနစ်သို့ ပြောင်းလဲရန် ရာဇဓမ္မ သင်္ဂဟကျမ်းကို ပြုစုလေသည်။ သို့သော် သီပေါမင်း လက်ထက် ရောက်မှ ဘုရင်ကို ဆက်သနိုင်ခဲ့၍ ဦးဘိုးလှိုင်ရော တိုင်းပြည်ပါ ကံဆိုးခဲ့ရပေသည်။ ဘုရင်နှင့်မိဖုရားက အမျက်တော်ရှကာ ဦးဘိုးလှိုင်အား အပြီးတိုင် ရာထူးမှ ထုတ်ပယ် လိုက်လေသည်။
