တိုင်းပြည်တစ်ခု တည်ဆောက်ရေးအတွက် ပဉ္စမ မဏ္ဍိုင်၏ တာဝန်ဝတ္တရားများ

(၂၀၁၁ ခုနှစ်၊ စက်တင်ဘာလ ၁၅ ရက်နေ့ထုတ် HOT NEWS ဂျာနယ် က ဆောင်းပါး ဖြစ်ပါတယ်။ သမ္မတ ဦးသိန်းစိန်ရဲ့ မိန့်ခွန်းထဲမှာ အရင်တုန်းက ပြောနေကြ မဏ္ဍိုင်လေးခုအပြင် ပြည်သူလူထုကိုပါ မဏ္ဍိုင်တစ်ခု အဖြစ် တင်စားခဲ့တဲ့ အပေါ် ဆွေးနွေးချက် ဖြစ်ပါတယ်။ )

ယခု မျက်မှောက် ပစ္စုပ္ပန် အခါသမယတွင် ပဉ္စမမဏ္ဍိုင် ဟူသော စကားရပ်သည် နာမည်ကြီးလာ၏။ ဂျာနယ်တို့မှ တစ်ဆင့် ကြားသိရသည်မှာ နိုင်ငံတော် သမ္မတကြီးက ပြည်သူလူထု ကြီးဟာ ပဉ္စမမဏ္ဍိုင် ဖြစ်ပါသည်ဟု ဆို၍ ပြည်သူတို့၏ အရေးပါ အရာရောက်ပုံကို ထုတ်ဖော်ရာမှ အစပြု၍ ပဉ္စမမဏ္ဍိုင် အကြောင်း ပြည်သူတို့ ကြားဝယ် ဆွေးနွေးကြသည်များ ရှိပါ၏။

မကြာမီ တစ်နေ့သော အခါက ကျွန်တော်၏ မိတ်ဆွေ တစ်ဦးသည် ပဉ္စမ မဏ္ဍိုင်သည် အခြားမဏ္ဍိုင် လေးခုနဲ့ ဘယ်လို ဆက်စပ်မူ ရှိပါသလဲ ကလောင်ရှင် တစ်ဦး အနေဖြင့် ဆောင်းပါးလေး ရေးပါဦးဟု တောင်းဆိုဖူးပါသည်။

ပဉ္စမ မဏ္ဍိုင် အကြောင်းကို မရေးမီသူရှေ့က မဏ္ဍိုင်လေးခု အကြောင်းကို ဦးစွာ အစ နည်းနည်းဖော်မှ ပြည့်စုံပါမည်။ တဖန်၎င်း မဏ္ဍိုင်လေးခု အနက် စတုတ္တမဏ္ဍိုင် ဟူ၍ စာနယ်ဇင်း မီဒီယာတို့ကို ကင်းပွန်တပ်နေရာ ပေးလာ၍ စာနယ်ဇင်း တို့သည် မိမိတို့ အခန်းကဏ္ဍက လှုပ်ရှားကြရာ အရေးပါ အရာရောက်ပါ၏။ ၎င်းစတုတ္တ မဏ္ဍိုင်သုံးရပ်၏ ရှေ့က ရောက်နေသော မဏ္ဍိုင်သုံးရပ် ကတော့ တရားဥပဒေ ပြုရေး၊ အုပ်ချုပ်ရေး၊ တရားစီရင်ရေး တို့ပဲဖြစ်ပါ၏။ ၎င်း မဏ္ဍိုင် သုံးရပ်၏ အရင်အတိတ် သမိုင်းကြောင်းကို ပြန်သွားသော်ရှေး ယခင် သက်ဦးဆံပိုင် ဘုရင်စနစ်ကို ပြန်ကြည့်ပါသော် သက်ဦးစံပိုင် ဘုရင်တစ်ပါးသည် အုပ်ချုပ်ရေး အာဏာလည်း ရှိ၏။ ဆန္ဒရှိက တရား စီရင်နိုင်၏။ ဘုရင်၏ ဆန္ဒသည် ဥပဒေ၏ အထက်တွင် ရှိပါ၏။ ထို့ကြောင့် သက်ဦးဆံပိုင် ဘုရင်တပါးသည် အုပ်ချုပ်ရေး အာဏာ၊ ဥပဒေပြု အာဏာ၊ တရားစီရင်ရေး အာဏာ သုံးခုလုံးကို ချုပ်ကိုင်ထားသည်။ နောက်ပိုင်းတွင် ဒီမိုကရေစီ နိုင်ငံများ ပေါ်ပေါက် လာသောအခါ သမ္မတ၏ အုပ်ချုပ်ရေး အာဏာက သပ်သပ် ဥပဒေပြု လွှတ်တော်က သပ်သပ်၊ တရားသူကြီး အဖွဲ့က သပ်သပ်တွေ ဖြစ်ကုန်ပါ၏ ။

တစ်ဖွဲ့နှစ် တစ်ဖွဲ့ သြဝါဒ ပေးခြင်း မရှိကြပါ။ ဥပမာ အမေရိကန် နိုင်ငံတွင် သမ္မတ ဘီလ် ကလင်တန်သည် သမ္မတ အိမ်ဖြူတော် အမှုထမ်း မိန်ကလေး မော်နီကာ လူဝင်းစကီးနှင့် အရှုပ်အရှင်း ဖြစ်ကြရာ သမ္မ၏ အမှုတွဲသည် အမေရိကန် တရားရုံးချုပ်သို့ ရောက်၏။ တရားသူကြီး တို့က သမ္မတ အမှုကို ကြားနားသည်။ တရားသူကြီး တို့သည် သမ္မတ ဘီလ်ကလင်တန်၏ သြဝါဒ လွှမ်းမိုးမှု အောက်၌ မရှိပါ။ ဒါကိုကြည့်လျှင် အုပ်ချုပ်ရေး မဏ္ဍိုင်၊ ဥပဒေပြု မဏ္ဍိုင်၊ တရား စီရင်ရေး မဏ္ဍိုင်တို့သည် တစ်ဦးနှင့် တစ်ဦး ဟန်ချက်ညီညီ အပြန်အလှန် ထိန်းကျောင်း သွားကြပါသည်။

ဤသို့ဖြင့် မဏ္ဍိုင် (၃) ရပ်က တိုင်းပြည်တစ်ပြည်၏ ဖွံ့ဖြိုးရေး အင်ဂျင်ကြီးကို တက်ညီလက်ညီ မောင်းနှင် သွားကြပါ၏။ သို့သော် ၎င်းမဏ္ဍိုင် သုံးရပ်နှင့်လည်း ပြီးပြည့်စုံပြီဟု မဆိုသာဘဲ တိုင်းပြည်တွင်း အဖြစ်အပျက်တို့ကို စောင့်ကြည့်သော စာနယ်ဇင်း မီဒီယာတို့၏ အားသည် နိုင်ငံတော် တည်ဆောက်ရေး ကဏ္ဍ၌ ပါဝင်လာပါသည်။ ယခုတဖန် ပြည်သူလူထု ကြီးသည် ပဥ္ဒမမဏ္ဍိုင် ဖြစ်ကြောင်း ပြောကြားလာပါသောကြောင့် ပဉ္စမ မဏ္ဍိုင်၏ အရေးပါပုံ၊ တာဝန်ရှိပုံ တို့ကို ဆန်းစစ် လေ့လာရန် အကြောင်း ပေါ်ပေါက် လာသည်ဟု ဆိုနိုင်ပါသည်။

ပဉ္စမ မဏ္ဍိုင်၏ အခန်းကဏ္ဍနှင့် တာဝန် ဝတ္တရားများ

အမှန်တကယ်တော့ ပြည်သူတွေက ပြည်သူ့လွှတ်တော် ကိုယ်စားလှယ်များကို ရွေးချယ်ပြီး ပြည်သူ့ ကိုယ်စားလှယ် များသည် အုပ်ချုပ်ရေး၊ တရားစီရင်ရေး၊ ဥပဒေပြုရေး တို့တွင် တာဝန် ထမ်းဆောင်ကြ၍ ပဉ္စမ မဏ္ဍိုင်သည် အထက်ပါ မဏ္ဍိုင်သုံးရပ်ကို ရွေးချယ်ပေးသော အခြေခံအကျဆုံး မဏ္ဍိုင်ဟု ဆိုနိုင်ပါသည်။ ထို့ကြောင့် ပြည်သူတို့သည် လွှတ်တော် ကိုယ်စားလှယ်လောင်းများကို အကဲဖြတ်ရန် တာဝန်ရှိပါသည်။

လွှတ်တော်က ငါတို့နဲ့ မဆိုင်ဘူး။ နိုင်ငံရေး သမားတွေလည်း သူတို့အလုပ် သူတို့လုပ်၊ ငါတို့ ပြည်သူတွေ ကလည်း ကိုယ့်အလုပ် ကိုယ်လုပ်မှ ကိုယ်ထမင်းစားရမှာ ဟူသော ယူဆချက်မျိုးနှင့် ပေါ့ပေါ့တန်တန် မနေသင့်တော့ပါ။ လွှတ်တော်၏ သတင်းများ လွှတ်တော် ကိုယ်စားလှယ်တို့၏ အလုပ်လုပ်ပုံ တို့ကို မျက်ခြည်မပြတ် လေ့လာဝေဖန် ပိုင်းခြား သင့်ပါ၏။ မိမိတို့၏ သက်ဆိုင်ရာ လွှတ်တော် ကိုယ်စားလှယ် တို့နှင့်လည်း မိမိတို့ လိုအပ်သလို ထိတွေ့ နေသင့်ပါ၏။

တဖန် ပဉ္စမမဏ္ဍိုင် ပြည်သူများဟု ဆိုရာ၌ အရေအတွက် အားဖြင့် များပြား ကြီးမား ကျယ်ပြန့် လှပါသည်။ တစ်နည်း အားဖြင့် ဆိုပါသော် လူအမျိုးမျိုး နတ်အဖုံဖုံ ဖြစ်ပါသည်။ ပြည်သူများသည် မိမိတို့ အားနည်းချက် ရှိပါက မိမိတို့ ဘာသာ မိမိတို့ ပြုပြင်ရမည်။ ယနေ့ လမ်းဘေးတွင် မကဘဲ ကတ္တရာ လမ်းမပေါ်တက်၍ ဈေးရောင်းသည် မှာလည်း ပြည်သူများပင် ဖြစ်ရာ စည်ပင်ရဲက လာဖမ်းလည်း ခဏပဲ ကောင်းမည် ဖြစ်ပြီး နောက်ပိုင်း လမ်းပေါ် ဈေးပြန်ရောင်း၏။ ထို့ကြောင့် မိမိတို့ အသိဖြင့် မိမိတို့ ပြုပြင်ရပါမည်။

အကျင့်ပျက် ခြစားသူ ပြည်သူတွေ မိမိဖာသာ မိမိတို့ ပြုပြင်ရန် လိုပါ၏။ သစ်ခုတ်၍ သဘာဝ ပတ်ဝန်းကျင်ကို ဖျက်ဆီး သော ပြည်သူတွေ မိမိတို့ဖာသာ မိမိတို့ ပြုပြင်ရန် လိုပါသည်။ ခရီးသည်များကို မချေမငံ ဆက်ဆံသော ဘတ်စ်ကား စပယ်ယာများ သည်လည်း ပြည်သူများပင်ဖြစ်ရာ ပဉ္စမမဏ္ဍိုင် စပယ်ယာများ မိမိတို့ ကိုယ်ကို မိမိတို့ ပြုပြင်ရန် လိုပါ၏ ။

တဖန် စတုတ္တမဏ္ဍိုင် စာနယ်ဇင်း တို့က အမြင် မတော်သည့် ကိစ္စများကို ရေးကြ သားကြ အော်ကြဟစ်ကြ လုပ်ကြရာတွင် စတုတ္တ မဏ္ဍိုင်ကို ပဉ္စမမဏ္ဍိုင် ဖြစ်သော ပြည်သူတွေက သတင်းပေး၍သာ ရေးနိုင်ကြတာ ဖြစ်ပါ၏။ ပဉ္စမ မဏ္ဍိုင်၏ အကူအညီ မပါလျှင် စတုတ္တ မဏ္ဍိုင် လှုပ်ရှား၍ မရပါ။

လူထု၏ ပူးပေါင်း ပါဝင်မှုကို COMMUNITY PARTICIPATION ဟု ခေါ်ပါသည်။ COMMUNISTY PARTICIPATION မရှိလျှင် ဘာမျှ လုပ်၍ မရပါ။

ဒေါက်တာထွန်းဝင်း

ပဉ္စမ မဏ္ဍိုင်ဖြစ်သော နိုင်ငံသားများ၏ အခွင့်အရေးများ ပြဌာန်းသော အခန်းကဏ္ဍ ကိုလည်း နိုင်ငံသား တို့သည် မိမိတို့၏ အခွင့်အရေး၊ ရပိုင်ခွင့် (RIGHTS) မိမိတို့ အခန်းကဏ္ဍ (ROLE)၊ မိမိတို့ တာဝန်နှင့် ဝတ္တရားများ DUTIES & RESPONSIBILITIES တို့ကို သိဖို့ လိုပါသည်။

ကျွန်တော်တို့ နိုင်ငံသည် ဖွံ့ဖြိုးမှု နောက်ကျ ခဲ့ရပါသည်။ ဖွံ့ဖြိုးမှု နောက်ကျသော ဘဝမှ ရုန်းထရာတွင် ပြည်သူတို့သည် ရှိပြီး မဏ္ဍိုင်ကြီး လေးရပ်ကို အားကိုးမယ် ဆိုရင် အားကိုးလို့ရပါ၏။ သို့သော် တကယ်တန်း အားကိုး ရမှာကတော့ ပဉ္စမဏ္ဍိုင် ဖြစ်သော မိမိကိုယ်မိမိ အားကိုးရမှာ ဖြစ်၏။ သို့သော် ကိုယ့်အား ကိုယ်ကိုးပြီး ကိုယ့်စိတ်ကူး တည့်ရာ လျှောက်လုပ် နေတာနဲ့ စာရင် အခြား မဏ္ဍိုင်လေးရပ်နှင့် ဟန်ချက်ညီညီ ပူးပေါင်းခြင်း COLLABO RATION ဆိုသည်က အလွန် အရေးကြီးပါ၏။ သို့မှသာ ဦးတည်ချက်ရှိရှိနှင့် ကြိုးစားနိုင်မည် ဖြစ်ပြီး စနစ်ကျသော ဖွံ့ဖြိုးရေး လမ်းကြောင်းပေါ်သို့ ရောက်ရှိမည် ဖြစ်ပါ၏။

သို့ပါ၍ ယနေ့ခေတ် အခါ သမယသည် လူတိုင်း နိုင်ငံရေးကို စိတ်ဝင်စား သင့်ပါ၏။ ဤသို့ဆိုခြင်းသည် မဖြစ်မနေ နိုင်ငံရေးပါတီ တူထောင်ရမယ်လို့ ဆိုလိုသည် မဟုတ်ပါ။ ပဉ္စမ မဏ္ဍိုင်ကြီး၏ ပူးပေါင်းပါဝင်မှု COMMUNITY PARTICIPATION သည် အရေးကြီး လှပါ၏ဟု ဆိုခြင်းသာ ဖြစ်ပါကြောင်း။