အယောင်ဆောင်မှု

နိုင်ငံတော်ရဲ့ စီးပွားရေး ဖွံ့ဖြိုးတိုးတက်မှု အတွက် ပြုပြင် ပြောင်းလဲမှု ဆိုင်ရာ အမျိုးသား အဆင့် အလုပ်ရုံ ဆွေးနွေးပွဲကို ကျင်းပခဲ့တာဟာ နိုင်ငံတော် စီးပွားရေးပိုမိုဖွံ့ဖြိုး တိုးတက်ဖို့ မက်ခရို စီးပွားရေး ဆိုင်ရာ ပြုပြင်ပြောင်းလဲ ဖြည့်စွက် သင့်တာတွေကို လုပ်နိုင်အောင် အတွက် ဖြစ်ပါတယ်။ စီးပွားရေး တိုးတက်ဖို့ဆိုရင် မက်ခရို စီးပွားရေး ဆိုင်ရာတွေကို ပြုပြင် ပြောင်းလဲဖို့ လိုပါတယ်။ ဒါပေမယ့် ဒီတစ်ခုတည်း ပြောင်းလဲရုံနဲ့ မရပါဘူး။ ဘာလို့လဲဆိုတော့ တခြား အကြောင်း အရာတွေနဲ့လည်း အများကြီး ဆက်စပ်နေလို့ ဖြစ်ပါတယ်။ နိုင်ငံတော်က ဘယ်လောက်ပဲ ပြောင်းလဲပြောင်းလဲ ကမ္ဘာက ပစ်ထားရင်၊ စီးပွားရေး အင်အားကြီး နိုင်ငံတွေက ပိတ်ဆို့ထားရင် ဘယ်လိုမှ မအောင်မြင်နိုင်ပါဘူး။

၁၉၈၈ ခုနှစ် နောက်ပိုင်း တပ်မတော် အစိုးရ လက်ထက်မှာ ဈေးကွက် စီးပွားရေး စနစ်ကို စတင် ကျင့်သုံးခဲ့ပြီး မက်ခရို စီးပွားရေး ဆိုင်ရာတွေနဲ့ ပတ်သက်လို့ လုပ်သင့်တာတွေ လုပ်ခဲ့ပါတယ်။ နိုင်ငံခြား ရင်းနှီးမြှပ်နှံမှု ဥပဒေ၊ မြန်မာနိုင်ငံ ကုမ္ပဏီ များ အက်ဥပဒေ စတာတွေကို ဖော်ထုတ် ပေးခဲ့ပါတယ်။ ဒါပေမဲ့လည်း အမေရိကန်နဲ့ ဥရောပနိုင်ငံတွေက ပိတ်ဆို့မှုတွေ လုပ်ခဲ့ကြပါတယ်။ အနောက်နိုင်ငံကြီးဟာ သူနဲ့စိတ်သဘောထား မတိုက်ဆိုင်တဲ့ နိုင်ငံတွေ အပေါ် ဒီမိုကရေစီရေး အကြောင်းပြချက်နဲ့ နိုင်ငံပေါင်း များစွာကို အကြိမ်ပေါင်း(၁၂ဝ)လောက် ပိတ်ဆို့မှုတွေ ပြုလုပ်ခဲ့ပါတယ်။

ဖွံ့ဖြိုးတိုးတက်အောင် လုပ်နေတဲ့ နိုင်ငံတွေကိ IMF၊ Workd Bank နဲ့ နိုင်ငံတကာ အစိုးရတွေက ကူညီ ထောက်ပံ့မှုတွေ၊ ချေးငွေတွေ၊ သဘောတူ ခွင့်ပြုချက်တွေ ပေးပြီး ပူးပေါင်း ဆောင်ရွက်ပေးနေကြတာ တွေ့ရပါတယ်။ အဲဒီလိုအားတွေနဲ့မှ လည်း အမြန်ဖွံ့ဖြိုးနိုင်မှာ ဖြစ်ပါတယ်။ မြန်မာနိုင်ငံမှာ ဈေးကွက် စီးပွားရေး ကျင့်သုံးနေပေမယ့် ဒေါ်စုကြည်နဲ့ NLD တို့ရဲ့ ပိတ်(၄)ပိတ် ဖြစ်တဲ့ (၁) ကူညီထောက်ပံ့မှု၊ ချေးငွေနဲ့ သဘောတူ ခွင့်ပြုချက်တွေ မပေးဖို့၊ (၂) မြန်မာနိုင်ငံမှာ ရင်းနှီး မြှပ်နှံ မှု မလုပ်ဖို့နဲ့ ရှိပြီးသား ရင်းနှီး မြှပ်နှံသူတွေကိုပါ ပြန်ထွက်သွားဖို့၊ (၃)ကုန်သွယ်မှုနဲ့ပတ်သက်လို့ မြန်မာနိုင်ငံမှ ကျောက်မျက်၊ သစ် ဆိုရင် မဝယ်ကြဖို့၊ အလားတူ Dollar Transaction ကိုပါ ပိတ်ဖို့၊ (၄)ကမ္ဘာလှည့် ခရီးသွားတွေ ကိုလည်း မြန်မာနိုင်ငံကို မလာဖို့နဲ့ လာရင်နိုင်ငံ သက်ဆိုးရှည်လိမ့်မယ် ဆိုတာတွေနဲ့ ပတ်သက်လို့ ဒေါ်စုကြည်နဲ့ ဦးတင်ဦး တို့က စာတွေပေးပို့ပြီး ပိတ်ဆို့ခဲ့တဲ့ အတွက် အောင်မြင်သင့် သလောက် မအောင်မြင်ခဲ့တာ တွေ့ရပါတယ်။

အစိုးရ အဖွဲ့သစ် အနေနဲ့ နိုင်ငံရဲ့ စီးပွားရေး အဆောက်အအုံ တစ်ခုလုံး ပြောင်းလဲ တိုးတက်စေဖို့ အတွက် ငွေကြေးမူဝါဒ၊ ဘဏ္ဍာရေး မူဝါဒ၊ ကုန်သွယ်ရေး မူဝါဒနဲ့ ရင်းနှီးမြုပ်နှံမှု မူဝါဒတွေကို ပြန်လည် သုံးသပ်ပြီး နိုင်ငံနဲ့ ပြည်သူရဲ့ အကျိုး အတွက် ပြုပြင် သင့်တာတွေကို ပြုပြင်ဖို့ ဆောင်ရွက်လျက် ရှိပါတယ်။ လက်ရှိ ပြဋ္ဌာန်းထားတဲ့ နိုင်ငံခြား ရင်းနှီး မြုပ်နှံမှု ဥပဒေကို ခေတ်စနစ်နဲ့ လျော်ညီအောင် ပြုပြင်ရေးဆွဲနေပြီး ဈေးကွက်စီးပွားရေးနဲ့ လျော်ညီတဲ့ ယှဉ်ပြိုင်မှု မူဝါဒ ဥပဒေ မူကြမ်းကိုလည်း ရေးဆွဲလျက် ရှိပါတယ်။

ယခုအခါ လက်ရှိ အောင်မြင်မှုတွေ ပိုမိုအောင်မြင်အောင် လုပ်နေကြပြီ ဖြစ်ပါတယ်။ ဒေါ်စုကြည်ဟာ အခုကျင်းပခဲ့တဲ့ အလုပ်ရုံ ဆွေးနွေးပွဲ (ဒုတိယနေ့ ပထမပိုင်း)ကို တက်ရောက်ခဲ့ပါတယ်။ 'ကျွန်မ ဒီကိုလာရတာ ဝမ်းသာပါတယ်၊ ဆရာဦးမြင့်ကလည်း ဖိတ်ထားတယ် ဆိုတော့လေ၊ ကျွန်မလည်း မြန်မာနိုင်ငံ စီးပွားရေးဖွံ့ဖြိုး တိုးတက်ဖို့ကို အလွန်ပဲ စိတ်ဝင်စားပါတယ်' ဆိုပြီး ဒေါ်စုကြည်က ပြောခဲ့တဲ့ အကြောင်းလည်း သိရပါတယ်။ တစ်ဖက်က ကြည့်မယ် ဆိုရင်လည်း ဒေါ်စုကြည်ဟာ မြန်မာနိုင်ငံကို ပိတ်ဆို့မှုတွေ လုပ်ဖို့ ထောက်ခံနေတုန်းပဲ ဖြစ်ပါတယ်။ ဒီအချက် (၂)ချက်ကို ကြည့်ခြင်း အားဖြင့် ဒေါ်စုကြည်အနေနဲ့ အလုပ်ရုံ ဆွေးနွေးပွဲကို လာတက်တာဟာ ပြည်သူတွေ၊ လုပ်ငန်းရှင်တွေ၊ ပညာရှင်တွေကို လှည့်စားနေတာသာ ဖြစ်ပါတယ်။ နိုင်ငံတော်က ဘယ်လောက်ပဲ လုပ်လုပ် ပိတ်ဆို့မှုတွေ ရှိနေမယ်ဆိုရင် မတိုးတက်နိုင်တဲ့ အကြောင်း သာဓကတွေလည်း အများကြီး ရှိပါတယ်။ ဒေါ်စုကြည်ရဲ့ ဆောင်ရွက်မှုတွေကို ကြည့်ခြင်းအားဖြင့် နိုင်ငံတော် တိုးတက်ဖို့ သူကပဲ လိုလားချင်ယောင် ဆောင်ပြီး မြန်မာနိုင်ငံကို ပိတ်ဆို့ဖို့သာ လုပ်နေတယ် ဆိုတာ ထင်ထင်ရှားရှား တွေ့နိုင်ပါတယ်။

မြန်မာမှန်ရင် မြန်မာလူမျိုးတွေအပေါ် ချစ်မြတ်နိုးစိတ်၊ သနားညှာတာ စိတ်တွေ ထားတတ်ရမှာ ဖြစ်ပါတယ်။ ဒေါ်စုကြည် ဟာ မြန်မာ့မြေပေါ် နေထိုင်ပြီး မြန်မာလူမျိုး အချင်းချင်း သွေးကွဲအောင်လုပ်၊ အစိုးရအပေါ် အတိုက်အခံလုပ်၊ စီးပွားရေး ပိတ်ဆို့မှုကို ဆက်လက် ထားရှိဖို့ပြော စတဲ့ ကျေးဇူးကန်းတဲ့ လုပ်ရပ်တွေနဲ့ တိုင်းရင်းသားတွေရဲ့ ဘဝနဲ့ အစိုးရကို အကျပ် အတည်းတွေ့အောင် ပြောဆိုလုပ်ကိုင် နေပါတယ်။ ဒါကြောင့် ''မြန်မာနိုင်ငံ စီးပွားရေး ဖွံ့ဖြိုး တိုးတက်ဖို့ကို အလွန် စိတ်ဝင် စားပါတယ်''လို့ ပြောဆိုမှုဟာ မြန်မာနိုင်ငံမှာ အပြုသဘောဆောင်တဲ့ ပြောင်းလဲမှုတွေ ရှိနေတာကို မျက်လုံးစုံမှိတ် ငြင်းဆန်နေတဲ့ ဒေါ်စုကြည်ရဲ့ အယောင်ဆောင်မှုသာ ဖြစ်ပါကြောင်း။

သစ္စာမောင်မောင်