ဒေါ်လာစားတော့ဒေါ်လာစား...ဒါပေမဲ့ ဒေါ်လာတောင်းစား

မြန်မာနိုင်ငံအပါအ၀င် ပြည်ပသို့ထွက်ရောက်၍ မိမိတို့ဘ၀ရပ်တည်ရေးအတွက် သမ္မာအာဇီဝဖြင့်  အလုပ်လုပ်ကြသူများတွင် မိမိတို့၏ လုပ်အားခအနေဖြင့် ဒေါ်လာစားကြရသူများ ပါဝင်ကြသည်။ ထိုသူတို့သည် မိမိတို့၏ကျွမ်းကျင်ရာ လုပ်ငန်းများတွင် အများကို မထိခိုက်စေဘဲ နိုင်ငံ၏ ဂုဏ်သိက္ခာကို မညှိုးနွမ်းစေဘဲ ရရှိသော ချွေးနည်းစာ ဖြင့် ဘ၀ကိုရပ်တည်နေကြသည်။ သို့သော် တချို့သူများကား ထိုသို့မဟုတ် မိမိတွင်လည်း အစွမ်းအစမရှိ အရည်အချင်းမရှိ သမ္မာအာဇီဝဖြင့်လည်း ရှာဖွေမစားသောက်တတ် ကြပေ။ နိုင်ငံနှင့် လူမျိုး၏ ဂုဏ်သိက္ခာကို နိမ့်ပါးအောင် ပြုလုပ် အကြောင်းကြောင်းအမျိုးမျိုးပြပြီး ကိုယ့်အမိမြေ မြန်မာပြည်အစိုးရကို ဘာလုပ်လုပ်ဘူးခံပြီး မကောင်းဘူးပြော၍ ဘူးတစ်လုံးဆောင်ကာ ပြည်ပ၏ထောက်ပံ့ငွေဒေါ်လာများကို စား၍ ဒေါ်လာတောင်းစားဘ၀ဖြင့် ဘ၀ကိုရပ်တည်နေကြသည်။တခါက မအောင်မမြင်အရှက်ကွဲခဲ့ရသော ဘူး လှုပ်ရှားမှုဆိုပြီးပင် အရှက်မရှိလုပ်ခဲ့ကြသေးသည်။

ထိုသို့သောသူများကား လွန်လေပြီးသော မင်းမဲ့စရိုက်ဆန်ဆန် ၈၈ ဆူပူသောင်းကျန်းမှုတွင် ပါဝင်ခဲ့ကြသော ၈၈ အမည်ခံကျောင်းသားဟောင်းဆိုသူများ၊ UNHCR (United Nations High Commissioner For Refugees)တွင်အကြောင်းအမျိုးမျိုးပြ မျက်ရည်ခံထိုးကာ သနားအောင် သရုပ်ဆာင်တတ် ကြသည့်ယောက်ကျား များအပါအ၀င် ပျိုပျိုအိုအို အရှက်အကြောက် မရှိကြဘဲ မိမိအရှက် မိမိခွဲ၍မြန်မာစစ်သားများကပဲ မိမိကိုနှမချင်းမစာမနာမုဒိမ်းကျင့်၊ သတ်ဖြတ်နေသယောင်ယောင် လိမ်လည်လှည့်ဖြားပြောဆို၍ ဒုက္ခသည် အမည် ခံနေကြသူများ၊  ပြည်ပမှ ထောက်ပံ့သော ငွေကြေးဖြင့် ရပ်တည်နေရသော မြန်မာပြည် အစိုးရမကောင်းကြောင်း နည်းမျိုးစုံအော် နေကြသည့်မီဒီယာဌာနများ တွင်လုပ်ကိုင်နေကြသည့် မျိုးချစ်မြန်မာများအမည်ခံဒုက္ခသည်များ၊ အင်တာနက်  ပေါပေါသီသီရတိုင်းအင်တာနက်ပေါ်တွင် တစ်ယောက်ရေးသောသတင်းကို ဟုတ်သည်ဖြစ်စေ မဟုတ်သည်ဖြစ်စေ linkချိတ်ကူးယူဖော်ပြ၍ ဒေါ်လာတောင်းကောင်းအောင် ဟန်ဆောင်မျိုးချစ်ပြနေသူများ စသည်စသည်ဖြင့် ဒီမိုကရေစီဘမ်းပြ ဒေါ်လာ တောင်းစား နေကြသူများ ဖြစ်ကြသည်။ တခါတခါအချင်းချင်း အဝေမတည့်၍ဟိုးလေး တကျော်ကျော် လူသိရှင်ကြားအရှက်ကွဲရသည့် အဖြစ်အပျက်များကိုလည်း သိကြပေလိမ့်မည်။ မိမိအကျိုးရဖို့ဆို နိုင်ငံနှင့်ဂုဏ်သိက္ခာကိုမငဲ့ကွက် အစိုးရဘာလုပ်လုပ် မကောင်းဘူးပြော ဘူး  တစ်လုံးဆောင်ကာ မည်သည့် အဖွဲ့အစည်းကများ ဒေါ်လာထောက်ပံ့မလဲဆိုသော မျှော်လင့်ချက်ဖြင့် လူ့အခွင့်အရေး ဘမ်းပြကာမျောက်ပြ ဆန်တောင်းသကဲ့သို့လုပ်နေကြသည်။ ဟန်ဆောင်မျိုးချစ်ပြနေကြသည်။ မကောင်းသတင်းလွှင့်နေကြသည်။

ထိုသူတို့သည်မြန်မာပြည်ကြီး မည်မျှတိုးတက်နေစေကာမူ၊ အေးချမ်းသာယာနေစေကာမူ မိမိတို့ဝမ်းဝဖို့အရေး မြန်မာပြည်ကြီးကပင်  ကမ္ဘာ့အလယ် မအေးချမ်း သယောင်ယောင်၊ မတိုးတက်နေ သယောင်ယောင်ဝါဒဖြန့် ပြည်ပအကူအညီ တောင်းနေကြအုံးမှာပင်။ မြန်မာပြည်သူများ အေးအေးချမ်းချမ်းဖြင့် ရှာဖွေလုပ်ကိုင် စားသောက်နေချိန်တွင် ထိုဒေါ်လာတောင်းစားတို့မှာ ပြည်ပမှမည်ကဲ့သို့ လက်ဖြန့် ဒေါ်လာတောင်းရမလဲ ဟူ၍သာ တွေးတောနေကြသည်။ ထိုကဲ့သို့ကိုယ့်နိုင်ငံ၊ ကိုယ့်လူမျိုးအား ကမ္ဘာ့အလယ် အထင်အမြဲလွဲအောင်၊ အရှက်ရအောင်အမျိုးမျိုး ကြံဖန် အရှက်ခွဲနေကြသည့် ဒေါ်လာတောင်းစားများကို အစစ်အမှန်မျိုး ချစ်မြန်မာပြည်သူများ ကိုယ်စားရွှေမြန်မာမှ မထောက်ခံ မအားပေးဘဲ ပြင်းပြင်းထန်ထန် ရှုံ့ချ ပါကြောင်းဖော်ပြလိုက်ရပေသည်။

ဒေါ်လာစားဘ၀ခံယူဖို့ ရတဲ့နည်းနဲ့ တောင်းကြစို့

 

ေ၇ွမြန်မာ  မှ ကူးယူဖော်ပြသည်