HERO OF MYANMAR: သူ့အိုးနဲ့ သူ့ဆန် တန်မှ ကောင်းသည်

မကြာသေးမီ ရက်ပိုင်းများက ဗြိတိန်တွင် အရပ်သားတစ်ယောက်အား ရဲများက သေနတ်နှင့်ပစ်ခတ် ဖမ်းဆီးရာမှ ရဲများ၏ အကြမ်းဖက်နှိမ်နှင်းမှုကို မကျေနပ်၍ မိမိတို့၏ ယုံကြည်ချက် ခံယူချက်ဖြင့် ဗြိတိန်ကျောင်းသား လူငယ်များက ဆန္ဒပြကြသည်။ ထိုဆန္ဒပြမှုတွင် လူ့အခွင့်အရေး အပြည့်အ၀ရရှိသော ဒီမိုကရေစီ နိုင်ငံဟု ကျော်ကြားသော အင်္ဂလန်နိုင်ငံအစိုးရသည် ပြည်သူလူထု၏ ယုံကြည်ချက်ခံယူချက်ကို အလေးမထားဘဲ အကြမ်းဖက်နှိမ်နင်းခဲ့ပြန်သည်။

ယခု ထိုကဲ့သို့အရွယ်ရောက်ပြီးသော လူငယ်လူရွယ်များကို လက်နက်ပြ အင်အားပြ၍ နှိမ်နင်းလို့ အားမရသေး ဖြူစင်ရိုးသားသော ကျောင်းသားကျောင်းသူ လူငယ်များကို အင်အားပြ အုပ်ချုပ်ဖို့ စာသင်ကျောင်းများတွင် စည်းကမ်းသေ၀ပ်မှုရှိစေဖို့ စစ်သားဟောင်းများကို ကျောင်းဆရာခန့်မည်တဲ့။ အဲတာဟာ ဒီမိုကရေစီဘိုးအေကြီးလို့ ထင်ရှားတဲ့ ဗြိတိန် နိုင်ငံမှာပါ။ ထိုကဲ့သို့ စည်းကမ်းပြည့်ဝသော လူအခွင့်အရေးကိုမျှမျှတတ ရရှိသည်ဆိုသော နိုင်ငံကြီးတွင်ပင် ငယ်ရွယ်နုနယ်သော ကျောင်းသူ ကျောင်းသားများကို စည်းကမ်းတကျ အုပ်ချုပ်နိုင်ရန် ဆိုပြီး စစ်သားများကိုပင် ကျောင်းဆရာခန့်အပ်ဖို့ စဉ်းစားတွေးတောလာနေကြသည်။ မြန်မာနိုင်ငံကဲ့သို့ ထစ်ခနဲရှိ ဆူမယ် ပူမယ်၊ ၈၈ တို့လို့ အရေးအခင်းတွေလုပ်မယ်၊ အတိုက်အခံတို့၏ အခေါ် ရွှေဝါရောင်ဆိုသော ဆူပူမှုတွေ ဖြစ်အောင် လုပ်ဆောင်နေကြသော စည်းမရှိ ကမ်းမရှိ လူတွေကို အုပ်ချုပ်ရန်အတွက် တပ်မတော်အစိုးရမှ နိုင်ငံတော်တာဝန်ကို ထမ်းဆောင်ခဲ့သည်မှာ လက်နက်ဖြင့် မတရား အုပ်ချုပ်သည်ဟု အပြစ်ပြော၍ ရမည်လော။ အရင်က မြန်မာနိုင်ငံသည် ယခုဗြိတိန်နိုင်ငံကဲ့သို့ ဒီမိုကရေစီ လမ်းကြောင်းပေါ် မလျှောက်လှမ်းသေး။ လမ်းပေါ်ကွမ်းတံထွေး မထွေးရဆိုလျှင် လူလစ်လျှင်ခိုးထွေးတတ်သော၊နောက်ဖေး လမ်းကြား အမှိုက်မပစ်ရ ဆိုလျှင် လူခြေတိတ်ချိန် ခိုးပစ်တတ်သော၊ စနစ်တကျ တန်းစီပြီး ဈေးဝယ်ပါဆိုလျှင် ၀ရုန်းသုန်းကားနှင့် တိုးဝှေ့နေတတ်ကြသော၊ ဓါတ်တိုင်ရှိ မီးသီးဆိုလျှင် အပျင်းပြေ ခဲဖြင့် လက်တည့်စမ်း၍ ပစ်တတ်သော၊ လမ်းဘေးရှိ လှူထားသော သောက်ရေအိုးရှိ ရေခွက်ကိုပင် ကြိုးဖြင့်ချည်ထားမှ သာ မပျောက်သော စသည်ဖြင့် စည်းကမ်းကို လစ်လျှင်လစ်သလို ချိုးဖောက်ကြသော မြန်မာလူမျိုးတို့ အတွက် ဗြိတိန် နိုင်ငံလို စည်းကမ်းသေ၀ပ်အောင် စစ်သားဟောင်းများကို ကျောင်းဆရာခန့်သလို စည်းကမ်းသေ၀ပ်မှုအတွက် စစ်သားများ အုပ်ချုပ်ခဲ့ရသည်မှာ လွန်ပါမည်လော။ ဗြိတိန်လို ဒီမိုကရေစစ်သက်ရင့်မာနေသော နိုင်ငံပင်လျှင် သူတို့နိုင်ငံရှိ ငယ်ရွယ်နုနယ်သော ကျောင်းသားများကို စည်းကမ်းသေ၀ပ်မှုရှိစေရန် စစ်သားဟောင်းများကို ကျောင်းဆရာခန့်ဖို့ စီစဉ်နေသည်။ ဒီမိုကရေစီလမ်းကြောင်းကို ဖော်ဆောင်လျှောက်လှမ်းရန် ပြင်ဆင်ခဲ့သော တပ်မတော်အစိုးရသည်လည်း သူတစ်လူငါတစ်မင်းဖြင့် စည်းမဲ့ကမ်းမဲ့ဖြစ်နေသော နိုင်ငံကို စည်းကမ်းသေ၀ပ်မှုရှိစေရန် ခဏတာ တာဝန်ယူ အုပ်ချုပ်ခဲ့ရသည်မှာ လွန်ပါမည်လော။ ဗြိတိန်ပင်လျှင် စည်းကမ်းအတွက် အုပ်ချုပ်မှုပြေပြစ်စေရန် စစ်သားများ၏ အင်အားကို ယူ၍ ကျောင်းသားလူငယ်များ အပေါ် အုပ်ချုပ်စေသေးသည်။ မြန်မာနိုင်ငံကဲ့သို့ လက်နက်ကိုင် သောင်းကျန်းမှု များဖြင့် ပြည့်နှက်နေခဲ့သော၊ လူအချင်းချင်း ခေါင်းဖြတ်သတ် ပြည်သူပိုင်ပစ္စည်းများကို စိတ်ထင်တိုင်း ဖျက်ဆီးနေခဲ့ကြသော လူမျိုးများအတွက် စည်းကမ်းသေ၀ပ်မှု ရှိစေရန် တပ်မတော်အစိုးရက ခဏ တာဝန်ယူ အုပ်ချုပ်ခဲ့ရသည်မှာ မှားပါ၏လော။

ထို့ကြောင့် ယခုကဲ့သို့ တစ်နိုင်ငံလုံး အေးအေးချမ်းချမ်းဖြင့် ဒီမိုကရေစီလမ်းကြောင်းပေါ် သို့လျှောက်လှမ်း နိုင်အောင် တိုင်းပြည်၏ စည်းမဲ့ကမ်းမဲ့ အချိန်များတွင် တာဝန်ယူဖြေရှင်း၍ စည်းကမ်းသေ၀ပ်မှု ရှိအောင် ကူညီ ဆောင်ရွက် ခဲ့သော တပ်မတော်အစိုးရ ကို လက်ရှိ အတိုက်အခံဟု ဆိုသူများ ဗြိတိန်ဥပမာကို ကြည့်၍ ဖြစ်သင့်မဖြစ်သင့် စဉ်းစားတွေးတောသင့်ပေသည်။ တကယ်လိုမဖြစ်သင့်ဘူး ထင်လျှင် ဗြိတိန်နိုင်ငံသို့ သွား၍ စစ်သားဟောင်းများကို ကျောင်းဆရာခန့်မည့်ကိစ္စအား အတိုက်အခံတို့ မှ တက်ညီလက်ညီဖြင့် သွားရောက်ဆန္ဒပြကြပါ။ ဒါ့အပြင် ခေတ်မီဖွံ့ဖြိုးတိုးတက်သော နိုင်ငံတော်ကြီးဆီသို့ အားလုံးတက်ညီလက်ညီ ချီတက်နေစဉ်တွင် မြန်မာပြည်သူများ အနေဖြင့် စည်းကမ်းရှိရှိ ပါဝင်ကူညီ သွားရန် ရွှေမြန်မာမှ တိုက်တွန်းလိုက်ရပေသည်။