ဒီမိုကရေစီ ထူထောင်ရေးပြဿနာ

(၂၀၁၁ခုနှစ်၊ ဇူလိုင်လ (၁၄)ရက်နေ့ထုတ် ပြည်သူ့ခေတ် ဂျာနယ်မှာ ဖော်ပြထားတဲ့ အယ်ဒီတာ့ အာဘော်ကို မျှဝေပေးလိုက် ပါတယ်။)

နိုင်ငံတော် သမ္မတ ဦးသိန်းစိန်၏ ၂၀၁၁ ခုနှစ် မတ်လ ၃၁ ရက်နေ့ မိန့်ခွန်းတွင် အစိုးရ၏ လုပ်ငန်းစဉ်များနှင့် စပ်လျဉ်း၍ ပြောကြားရာ၌ ဒီမိုကရေစီ ကျင့်စဉ်များ ထွန်းကားရေး ဟူသည်ကို တစ်ကဏ္ဍ ဖော်ပြခဲ့ပါသည်။

ဒီမိုကရေစီစနစ်ကို ကောင်းစွာ ကျင့်သုံးနိုင်ရန် အတွက် အစိုးရအဖွဲ့ အတွင်း၌ လည်းကောင်း၊ ဌာနဆိုင်ရာ အဖွဲ့အစည်းများ၌ လည်းကောင်း၊ ပြည်သူလူထု အတွင်းမှာ ၄င်းဒီမိုကရေစီ ကျင့်စဉ်များ ထွန်းကားဖို့ လိုကြောင်း ပြောဆိုပြီး၊

ပြည်သူများ အပိုင်းတွင် လွတ်လပ်ခွင့်နှင့် အခွင့်အရေးများကို ကျင့်သုံးရာ၌ ဥပဒေနှင့် အညီ ယဉ်ကျေးမှု ဓလေ့ထုံးစံများ ကျင့်ဝတ်များနှင့် အညီ ကျင့်သုံးရန် လိုအပ်သည်ဟူ၍ လည်းကောင်း၊

အုပ်ချုပ်ရေးဆိုင်ရာ အဖွဲ့အစည်းများ အပိုင်းတွင် အုပ်ချုပ်ရေး ဆိုင်ရာ လုပ်ငန်းများ ဆောင်ရွက်ရာမှာ ဖြစ်စေ၊ ဥပဒေများ လုပ်ထုံး လုပ်နည်းများကို အကောင် အထည်ဖော်ရာမှာ ဖြစ်စေ နိုင်ငံသားများ၏ မူလ အခွင့်အရေးများကို ဟန့်တား ပိတ်ပင်သကဲ့သို့ မဖြစ်စေဘဲ အဆိုပါ အခွင့်အရေးများကို နည်းမှန်လမ်းမှန်နှင့် ပြည်ထောင်စု၏ အကျိုးစီးပွား၊ လူမှုအဖွဲ့အစည်း၏ အကျိုး စီးပွားများကို မထိခိုက်စေဘဲ ကျင့်သုံး နိုင်အောင် ကူညီ ထိန်းကျောင်း ပေးဖို့အတွက်သာ ရည်ရွယ် လုပ်ဆောင်ဖို့ လိုအပ်သည် ဟူ၍ လည်းကောင်း၊ ပိုင်းခြား ပြောဆိုခဲ့ပါသည်။

ဤသည်က ဒီမိုကရေစီသို့ ကူးပြောင်းရာ၌ ပြဿနာ အခက်အခဲတွေ ကြုံတွေ့ရနိုင်ကြောင်း တစ်စွန်းတစ်စ လှစ်ဟ ဖော်ပြလိုက် ခြင်း ဖြစ်ပါသည်။ သည်တွင် ပြည်သူတို့ အနေနှင့် ဦးစွာပထမ တိကျ သေချာစွာ စဉ်စားထားစရာ တစ်ခုက ဒီမိုကရေစီသို့ ရောက် မရောက်ကို ဘယ်ပေတံတွေနှင့် တိုင်းတာမည်နည်း၊ သို့မဟုတ် ဘယ်လက္ခဏာတွေနှင့် ပြည့်စုံသော် ဒီမိုကရေစီဟု ဆိုနိုင်မည်နည်း ဟူသောအချက် ဖြစ်သည်။

ဒီမိုကရေစီ၏ လက္ခဏာများ အနက်မှ အရေးကြီးသော အချက် တစ်ချို့ကို ချုပ်၍ပြောသော်၊

ဒီမိုကရေစီဟူသည် အနှစ်သာရ သဘောအရ အများပြည်သူ ဆန္ဒဖြင့် အုပ်ချုပ်ခြင်း ဖြစ်သည်။ ယင်းကို လက်တွေ့ ကျင့်သုံးသော အခါ ပုံမှန်ကျင်းပသည့် ရွေးကောက်ပွဲများတွင် ပြည်သူတို့ ရွေးကောက် တင်မြှောက် လိုက်သည့် ကိုယ်စားလှယ်များက ပြည်သူ့ ကိုယ်စား တာဝန်ယူ အုပ်စိုးကြသော အနေအထား ဖြစ်သွားပါသည်။

(ဤတွင် သတိပြုရန် တစ်ခုက ရွေးကောက်ပွဲဆိုင်ရာ စည်းမျဉ်း စည်းကမ်းနှင့် လုပ်ကိုင်ပုံ အဆင့်ဆင့် တိကျ မှန်ကန်မှသာ ပြည်သူ့ ကိုယ်စားလှယ်စစ်များ ရရှိနိုင်မည် ဟူသော အချက် ဖြစ်သည်။)

ဒုတိယအချက်မှာ ပြည်သူ့ ရပိုင်ခွင့်များနှင့် ပတ်သက်သည်။ ပြည်သူများသည် ဆန္ဒမဲ ပေးခြင်းမှသည် ဝင်ရောက် အရွေးခံခြင်း၊ ပါတီ အဖွဲ့အစည်းများ ဖွဲ့စည်းခြင်း၊ စည်းရုံး ဆော်သြခြင်း၊ မိမိ သဘောဆန္ဒကို လွတ်လပ်စွာ ဖော်ထုတ် ပြောဆိုခြင်း စသည့် အခွင့်အရေးများ ရရှိရပါမည်။

တတိယအချက်မှာ တရားဥပဒေ စိုးမိုးရေး ဖြစ်သည်။ တရားဥပဒေ စိုးမိုးမှု ဟူသည်၌ တရားဥပဒေ ရှေ့မှောက်တွင် လူတိုင်း တန်းတူညီမျှမှု ရှိခြင်း၊ အခြေခံဥပဒေပါ ရပိုင်ခွင့်များအား ပြည်သူတို့ ခံစား သုံးစွဲခြင်းကို အင်အားကြီးသူတို့ နှောက်ယှက် ဟန့်တားမှု မပြုနိုင်အောင် သီးခြား လွတ်လပ်သော တရားစီရင်ရေး စနစ်က ကာကွယ် စောင့်ရှောက်ခြင်း စသည်များ ပါဝင်သည်။

သည့်အပြင် လိုအပ်သည့် ပကတိ အခြေအနေ တစ်ချို့ ရှိပါသေးသည်။

သည်အထဲတွင်၊ အစိုးရ၏ မူဝါဒများရော၊ ဦးဆောင် ပုဂ္ဂိုလ်များကိုပါ လွတ်လပ်စွာ ဝေဖန် ထောက်ပြနိုင်သည့် စာနယ်ဇင်းများ တည်ရှိဖို့၊ အစိုးရ အာဏာ ရရှိနိုင်ရန်အတွက် လွတ်လပ်စွာ ရပ်တည် ယှဉ်ပြိုင် နေသည့် နိုင်ငံရေး ပါတီများ တည်ရှိဖို့၊ ပုံမှန် ကျင်းပသည့် ရွေးကောက်ပွဲများတွင် ပြည်သူ့ဆန္ဒမဲ အများဆုံး ရရှိသူတို့ အာဏာရရှိကာ သိမ်မွေ့ ညင်သာသော အစိုးရ အပြောင်းအလဲများ ဖြစ်ပေါ်ဖို့၊ စသည် စသည်များ ဖြစ်ပါသည်။ သည်ဟာတွေ ပီသပြည့်စုံစွာ ဖြစ်ပေါ်လာသော် နိုင်ငံ၌ ဒီမိုကရေးစီစနစ် ဖြစ်ထွန်းပြီဟု ဆိုနိုင်ပါသည်။ ၄င်းအတိုင်း မဖြစ်သေးမီ ကာလကိုကား အကူးအပြောင်း ကာလ သို့မဟုတ် မပီမသ ကာလဟု ဆိုရပါမည်။

မပီမသမှ ပီသလာအောင်၊ သို့မဟုတ် မပီမသမှ ပို၍မှေးမှန်သော အနေအထား ရောက်ရှိ မသွားအောင် ဘာတွေ လိုပါမည်နည်း။

လောလောဆယ် မိမိ အနေအထားကို ပြန်စဉ်းစားကြည့်ပါ။

ကျွန်တော်တို့ ရောက်ရှိနေသည်က ယခင် အာဏာပိုင်စနစ်နှင့် ကာလရှည်ကြာ အုပ်ချုပ်လာခဲ့ရာမှ ပြည်သူ လူထု၏ နှစ်ပေါင်း၂၀ ကျော် တောင်းဆိုမှုများအရ ဒီမိုကရေစီသို့ ကူပြောင်းရန် အစပြုသည့် အနေအထား ဖြစ်သည်။

ထို့ကြောင့် အကူးအပြောင်း ကိစ္စတွင် ပါဝင် လုပ်ဆောင်ပေးရမည့် သူများထဲ၌ စိတ်အား ထက်သန်သူများရော၊ မလိုလား မထက်သန်သူများပါ ရောနှော ပါရှိနေနိုင်သည်။ ဒီမိုကရေစီ လိုလားသော ပြည်သူများနှင့် ပြုပြင် ပြောင်းလဲရေး စိတ်ဓာတ် ထက်သန်သော ပြည်သူ့ ကိုယ်စားလှယ်များ အားထုတ် ကြိုးပမ်းမှသာလျှင် ဒီမိုကရေစီ ပီပြင်အောင် တဖြည်းဖြည်း တွန်းရွှေ့ သွားနိုင်လိမ့်မည်။

သည်တွင် သမ္မတပြောခဲ့သော စကားတစ်ချို့ကို ပြန်ကောက်ချင်သည်။

သမ္မတက ပြည်သူများအနေနှင့် မိမိတို့၏ လွတ်လပ်ခွင့်နှင့် အခွင့်အရေးများကို ကျင့်သုံးရာတွင် ဥပဒေနှင့် အညီ ယဉ်ကျေးမှု ဓလေ့ ထုံးစံများ ကျင့်ဝတ်များနှင့် အညီ ကျင့်သုံးဖို့ လိုအပ်ကြောင်း၊ ပြောဆိုပြီး၊ ယင်းအတွက်၊ အုပ်ချုပ်ရေး ဆိုင်ရာ အဖွဲ့အစည်းများက “ထိန်းကျောင်းပေးရန်” လည်း လမ်းညွှန် သွားခဲ့ရာ အဓိပ္ပါယ် သဘောအရမူ၊

ပြည်သူများသည် မူလ အခွင့်အရေးများကို ခံစားရာ၌ စည်းမျဉ်း စည်းကမ်းများနှင့် မညီညွတ်ခဲ့သော် ဟန့်တားခြင်း ပိတ်ပင်ခြင်း အရေးယူခြင်း ခံရလိမ့်မည်၊ ဟူ၍ သက်ရောက်သည်။

သို့သော်၊ ဒါလည်း နည်းလမ်းကျသည် ဟုဆိုရပါမည်။

တစ်ဖက်တွင်၊ အုပ်ချုပ်ရးပိုင်း ဆိုင်ရာတို့၏ ဆောင်ရွက်ခြင်းများသည် နိုင်ငံသားတို့၏ မူလ အခွင့်အရေးများကို ဟန့်တား ပိတ်ပင် သကဲ့သို့ မဖြစ်အောင် သတိပြုဖို့ လမ်းညွှန် ထားတာလည်း ရှိပါသည်။ ဒါသည်လည်း တန်ဖိုးရှိပါသည်။ ခေတ်ဟောင်း စနစ်ဟောင်း က စိတ်ဓာတ် ဟောင်းတွေကြောင့် ဒီမိုကရေစီ အခွင့်အရေးများကို မကြည်ဖြူ နိုင်သူများ ရှိနေနိုင်သည့် အတွက် ၎င်းတို့အား သတိပေး လမ်းညွှန်သော သဘောဟု မြင်ပါသည်။ သို့သော် သည်အပိုင်းတွင် မှန်မှန် ကန်ကန် ဖြစ်ရန် အတွက် ပြည်သူတို့ဘက်က စောင်ကြပ် ကြည့်ရှုမှု ၊ နည်းလမ်းမကျဟု ယူဆသော် စောဒကတက်မှု၊ ဝေဖန် ထောက်ပြမှုများ ပြုဖို့လည်း လိုပါလိမ့်မည်။

သည်အတွက် ပြည်သူတို့ အားကိုးပြုရမည့် သူများသည် ပြည်သူ့ ကိုယ်စားလှယ်များ ဖြစ်သည်။

ထို့ကြောင့်၊ ပြန်စဉ်းစားသော်၊ ပြည်သူတို့ အနေနှင့် အားကိုးလောက်သော ပြည်သူ့ ကိုယ်စားလှယ် စစ်စစ်များ ရရှိရေးသည် အထူး အရေးကြီးပြန်သည်။ လာမည့် ကြားဖြတ် ရွေးကောက်ပွဲတွင်ကော ဘယ်နှစ်ယောက် မျှော်လင့် နိုင်ပါမည်နည်း။

ပြည်သူကို အမှန်တကယ် ကိုယ်စားပြုသူတွေ များလာမှသာ ဒီမိုကရေစီစနစ် ပေါ်ထွန်းဖို့ အလားအလာရှိပေမည်။

သည်အတွက် ထပ်စဉ်းစားစရာက ပြည်သူ့ ကိုယ်စားလှယ်များ ထွက်ပေါ်ရာ နိုင်ငံရေးပါတီများ ဖြစ်သည်။

နိုင်ငံရေးပါတီတို့ မည်သည် အများ ပြည်သူကြားက နိုင်ငံရေးစိတ် ထက်သန်သူတွေ၊ ယင်းအနက်မှ အယူအဆချင်း နီးစပ်တူညီ သူတွေ စုစည်း တည်ထောင်ကာ၊ ပါတီဝင်ထုက သတ်မှတ် ကာလအလျှောက် ရွေးကောက် တင်မြှောက်သည့် ပုဂ္ဂိုလ်တို့ ဦးဆောင် လှုပ်ရှားသည့် အဖွဲ့အစည်းများ ဖြစ်ဖို့လိုသည်။ အဲဒါမှသာ စစ်မှန်သည်၊ သဘာဝ ကျသည်။ အဲဒါမှသာ သည်အထဲက ထွက်ပေါ် လာသည့် ပြည်သူ့ ကိုယ်စားလှယ်လောင်းများသည် ဒီမိုကရေစီ စိတ်ဓာတ် ပြည့်ဝသူ၊ ဒီမိုကရေစီ အလေ့အကျင့်ကို တန်ဖိုးထား သူများ ဖြစ်လိမ့်မည်။

ထိုနည်းတူ အဲသည့် ပါတီတို့သည် ပြည်သူကို ကိုယ်စားပြုသော ပါတီများ ဒီမိုကရေစီ စနစ်ကို အမှန်တကယ် ထူထောင်မည့် ပါတီများ ဖြစ်လိမ့်မည်။

စဉ်းစားကြည့်လျှင်၊ ချို့ယွင်းချက်တွေ၊ အားနည်းချက်တွေ၊ ပြုပြင် ပြောင်းလဲရန် လိုအပ်ချက်တွေက များပြားလှပါသည်။

သို့သော် မိမိတို့ထက်ပင် ဖြစ်နိုင်ခြေ နည်းသေးသည်ဟု ထင်ရသည့် တိုင်းပြည်များတွင် ဒီမိုကရေစီစနစ် ဖြစ်ထွန်း ပေါ်ပေါက်ခဲ့သော သာဓကတွေ ကမ္ဘာ၌ များစွာရှိရာ စိတ်အား ထက်သန်သော ပြည်သူတို့ အားထုတ် ကြိုးပမ်းလျှင် တစ်နေ့သောအခါ ဒီမိုကရေစီ ပန်းတိုင်သို့ မုချ ရောက်ရလိမ့်မည်ဟု မမှိတ်မသုံ ယုံကြည်ပါသည်။

ပြည်သူ့ခေတ်အယ်ဒီတာ၊ ၆-၇-၂၀၁၁