ငြိမ်းချမ်းရေးဆိုသည်မှာ

ပြည်ထောင်စုသမ္မတ မြန်မာနိုင်ငံတော် ပြည်ထောင်စုဝန်ကြီး ဦးအောင်ကြည်သည် ဒီမိုကရေစီ ဖော်ဆောင်ရေး လမ်းစဉ်အရ အမျိုးသား ပြန်လည် ရင်ကြားစေ့ရေးကို အာရုံစိုက် လုပ်ဆောင်ရန် ရည်ရွယ်ချက်ဖြင့် ဇူလိုင် ၂၅ ရက်က ဒေါ်အောင်ဆန်း စုကြည်နှင့် နှစ်ဦးနှစ်ဖက် အပြုသဘော ဆောင်သော တွေ့ဆုံ ဆွေးနွေးမှုကို ပြုလုပ်ခဲ့ပါသည်။ မြန်မာနိုင်ငံတော် အစိုးရ အနေဖြင့် ဖွံဖြိုးတိုးတက်ရေး အခြေခံကောင်းများကို ဖော်ဆောင်လာနိုင်ခဲ့ပြီး ယခုတလောတွင် ဆင်းရဲမွဲတေမှု လျော့ကျရေး၊ ကျေးလက်ဒေသ ဖွံဖြိုး တိုးတက်ရေး စသည်တို့ကို အာရုံစိုက် လုပ်ကိုင်ပြီး တစ်ဖက် တစ်လမ်းတွင်လည်း အမျိုးသား ပြန်လည် ရင်ကြားစေ့ရေး မှတဆင့် ဒီမိုကရေစီ ဦးတည်သွားရန်နှင့် အခြားနိုင်ငံများနှင့်လည်း သံတမန် ဆက်ဆံရေးများ တိုးမြှင့်ရန် ဘက်ပေါင်းစုံမျှ မပျက်ကွက်အောင် အချိန်နှင့် တပြေးညီ ဖော်ဆောင်နိုင်ခဲ့ပါသည်။ ထိုသို့ အစိုးရမှ အပြောမဟုတ်ဘဲ လက်တွေ့ ဖော်ဆောင်နိုင်ခဲ့သော အကျိုးရလဒ် ကောင်းများကို ဒေါ်အောင်ဆန်းစုကြည် အပါအ၀င် အခြားနိုင်ငံရေး ပါတီများ၊ မြန်မာနိုင်ငံ ပြည်သူ ပြည်သားများနှင့် အခြားနိုင်ငံမှ လာရောက် လည်ပတ်ကြသော ဧည့်သည်တော်များလည်း မျက်မြင် တွေ့ရှိရမည် ဖြစ်သည်။

သို့သော်လည်း အစိုးရမှ အကောင်အထည်ဖော် ဆောင်ရွက်ချက်များကို ပါဝင်ကူညီခြင်း မရှိသည့်အပြင် ယုံကြည် လက်ခံခြင်း မရှိဘဲ ၀င်ရောက် နှောင့်ယှက်သော ပြည်တွင်း အစွန်းရောက် သမားများလည်း ရှိပေသည်။ ထိုသူများက ၎င်းတို့ချည်း အစွန်းရောက် သွေးရှိပြီး မြန်မာနိုင်ငံတော် အစိုးရအား အတိုက်အခံ လုပ်နေခြင်း မဟုတ်ဘဲ ကိုယ့်နိုင်ငံတွင် စိတ်အေးချမ်းသာစွာ လုပ်ကိုင် စားသောက် နေကြသော ပြည်သူများကိုလည်း လိုက်လံ စည်းရုံးခြင်း၊ မဟုတ်မမှန် သတင်းဆိုးများ လွှင့်ခြင်းတို့ကို လုပ်ဆောင်လျက် ရှိသည်။ ထိုသို့ ရည်ရွယ်ချက် လမ်းစဉ် တိတိပပ မရှိဘဲ မိမိ ကိုယ်တိုင်လည်း တိုင်းပြည်အပေါ် တာဝန်ကျေအောင် ကြိုးပမ်းနိုင်စွမ်း မရှိသည့်အပြင် ဦးဆောင် လမ်းပြနိုင်သူကိုလည်း အထင်မကြီးသော ဟိုမရောက် သည်မရောက် လူတန်းစားများ၏ လုပ်ဆောင်ချက်ကို ငြိမ်းချမ်းရေး ရရှိအောင် ဆောင်ရွက်ခြင်းဟု ခေါ်ဆိုနိုင် ပါသလား။

အမှန်စင်စစ် အမိမြန်မာနိုင်ငံတော် အတွင်းတွင် တစ်ဦး၊ တစ်ဖွဲ့၊ တစ်ယောက်တည်း ခွဲထွက် မနေသင့်ဘဲ စည်းလုံး ညီညွတ်စွာ နေထိုင်ခြင်းဖြင့် တိုင်းပြည်နှင့် ပြည်သူ အတွက်လည်း အကျိုးရှိ၊ မိမိ၏ လုပ်ဆောင်ချက်လည်း အရာထင်စေမည့် ဆောင်ရွက်ချက်များကို လုပ်ဆောင် နိုင်မှသာလျှင် ငြိမ်းချမ်းရေးကို ရရှိနိုင်မည် ဖြစ်သည်။ ပြည်ထောင်စု ၀န်ကြီး ဦးအောင်ကြည်နှင့် ဒေါ်အောင်ဆန်းစုကြည်တို့၏ တွေ့ဆုံ ဆွေးနွေးမှုသည် ထိုသို့ မြန်မာနိုင်ငံ အတွင်း သွေးကွဲနေမှုများကို ပြန်လည် ပေါင်းစည်းပေးပြီး ငြိမ်းချမ်းရေးသို့ ဦးတည်သည့် အတွက် ‘အမျိုးသား ပြန်လည် သင့်မြတ်ရေး တွေ့ဆုံ ဆွေးနွေးပွဲ’ ဟု သတ်မှတ် နိုင်ပါသည်။ အကယ်၍သာ ဒေါ်စုကြည်နှင့် သူမ၏ ပါတီတို့က ဆွေးနွေးပွဲ ရည်ရွယ်ချက် အပေါ် အကောင်း မြင်သော ၀ါဒဖြင့် ရှုမြင် သုံးသပ်တတ်ပြီး စဉ်းစား ချင့်ချိန်တတ်မည် ဆိုလျှင် အားလုံးမျှော်လင့် စောင့်စားနေကြသော အေးချမ်း သာယာပြီး ခေတ်မီဖွံ့ဖြိုး တိုးတက်သည့် ဒီမိုကရေစီ နိုင်ငံတော်ကို မဖော်ဆောင်နိုင်စရာ အကြောင်းမရှိကြောင်း တိုက်တွန်း တင်ပြလိုက်ရပါသည်။

ဖူးစုံထွေး