မြန်မာနိုင်ငံ လွတ်လပ်ရေး၏ ဗိသုကာကြီး ဗိုလ်ချုပ်အောင်ဆန်းနှင့် တကွ အာဇာနည် ခေါင်းဆောင်ကြီးများ ကျဆုံးခဲ့ သည်မှာ ယခုဆိုလျှင် ၆၄ နှစ်ပင် ပြည့်မြောက်ခဲ့ပြီ ဖြစ်ပါတယ်။ လက်ရုံးရည် နှလုံးရည်နှင့် ပြည့်စုံသော အမြှော်အမြင် ကြီးမားသော ရိုးသားတည်ကြည် ဖြောင့်မတ်လှသော ပြည်သူလူထု တစ်ရပ်လုံးက ချစ်မြတ်နိုးသော ဗိုလ်ချုပ်အောင်ဆန်း နှင့် နိုင်ငံ့ခေါင်းဆောင်ကြီးများ ကျဆုံးရသည်မှာ ယခုဆိုလျှင် ရာစုနှစ် ထက်ဝက်ကျော်မက ကြာမြင့်ခဲ့ပြီ ဖြစ်သော်လည်း မြန်မာပြည်သူ တစ်ရပ်လုံးက အာဇာနည် ခေါင်းဆောင်ကြီးများအား ယနေ့ထက်တိုင် မမေ့နိုင်ဘဲ မနေ့တစ်နေ့ ကလိုပင် သတိရဆဲ လွမ်းဆွတ်ဆဲပင်။
အာဇာနည် ခေါင်းဆောင်ကြီးများသည် တိုင်းရင်းသား စည်းလုံးညီညွတ်ရေး ပြည်ထောင်စုမပြိုကွဲရေး အတွက် ကြိုးစား ရင်း အတားအဆီး အခက်အခဲ အမျိုးမျိုးနှင့် အန္တရာယ် အသွယ်သွယ်ကြားမှ တောင်တန်းနှင့် မြေပြန့် မခွဲခြားဘဲ လွတ်လပ်ရေး ရယူရန်အတွက် ဆောင်ရွက် ခဲ့ကြသူများ ဖြစ်ပါတယ်။ မြေပြန့်နှင့် တောင်တန်း အတူတကွ လတ်လပ်ရေး မပေးလိုသော နယ်ချဲ့၏ အကြံကို ပင်လုံစာချုပ်ဖြင့် ရိုက်ချိုးကာ တိုင်းရင်းသားအားလုံးနှင့် အေးအတူ ပူအမျှ နေထိုင်ကြ မည် ဖြစ်ကြောင်း ကတိသစ္စာ ပြုခဲ့ကြပါတယ်။ ဗိုလ်ချုပ်အောင်ဆန်းသည် မိမိနှင့် တိုင်းရင်းသား ခေါင်းဆောင်များ အတူတကွ ယုံကြည်ခဲ့ကြသော ပင်လုံစိတ်ဓာတ်ကို အရင်းခံကာ လွတ်လပ်ရေးကို တစ်နှစ်အတွင်း ရယူပေးမည်ဟု အာမခံ ပြောကြားပြီး ပြည်သူတို့ လိုလားတောင့်တလျှက် ရှိသော လွတ်လပ်ရေး ပန်းတိုင်ကို ပီပြင် ထင်ရှားစေခဲ့သူလည်း ဖြစ်ပါတယ်။
အာဇာနည် ခေါင်းဆောင်ကြီးများသည် ပြည်သူတို့ အားကိုး ယုံကြည်မှုတွေကို ပေါင်းစုခံယူထားစဉ် ပြည်ပ သွေးထိုး မြှောက်ပင့်မှုကြောင့် မသမာသူတစ်စုရဲ့ ပယောဂဖြင့် တိုင်းပြည်အကျိုးကို ဆောင်ရွက်နေဆဲ လှေလှော်ရင်း တက်ကျိုးသည့်နှယ် လတ်လပ်ရေး လမ်းခရီး တစ်ဝက်တွင် ပန်းကိုးပွင့်ပမာ ကြွေလွင့် မြေခခဲ့ရပါတယ်။ အကြွေစောတဲ့ ပန်းများအတွက် မျက်ရည်မဆည်နိုင်အောင် ကြိမ်မီးအုံးသဖွယ် တစ်နိုင်ငံလုံး အပူမီးကြွခဲ့ရပြီး နှစ်ကာလ ရှည်ကြာခဲ့ သော်လည်း ထာဝရ မွှေးမြနေသော အာဇာနည်ပန်း များအဖြစ် ပြည်သူ့ရင်မှာ သင်းပျံ့လျှက် ရှိဆဲဖြစ်ပါတယ်။
ကျွန်တော်တို့ တိုင်းရင်းသားတွေဟာ ခေါင်းဆောင်ကြီးများ ကျဆုံးခဲ့ရသော်လည်း ရည်မှန်း ထားခဲ့သော လွတ်လပ်ရေး ဆီသို့ မမှိတ်မသုန် ဆက်လက် ချီတက်ခဲ့ကြပါတယ်။ အာဇာနည် ခေါင်းဆောင်ကြီးများ လိုချင်သော လွတ်လပ်ရေးကို အာဇာနည် ခေါင်းဆောင်ကြီးများ မရှိသည့် နောက်ပိုင်းတွင်လည်း အရယူနိုင်အောင် ကြိုးစားခဲ့သည့် နည်းတူ ဗိုလ်ချုပ်အောင်ဆန်းနှင့်တကွ အာဇာနည် ခေါင်းဆောင်ကြီးများ တည်ဆောက်ခဲ့သော တိုင်းရင်းသား စည်းလုံးညီညွတ်မှုကို ပင်လုံ သက်သေပြုကာ ဆက်လက် ထိန်းသိမ်းသွားရန်မှာလည်း အရေးကြီး လှပါတယ်။ ပင်လုံဆိုတာ တိုင်းရင်းသား စည်းလုံးညီညွတ်မှု အတွက် ထပ်တူမရှိနိုင်တဲ့ အမျိုးသားပြယုဂ်ပင် ဖြစ်ပါတယ်။ ဒုတိယ ပင်လုံဆိုပြီး မရှိနိုင်သလို ရှိပြီးသား ပင်လုံစိတ်ဓာတ်ကို မပြိုကွဲ မပျက်စီးအောင် ထိန်းသိမ်းစောင့်ရှောက် ရမည်မှာ တိုင်းရင်းသားအားလုံးရဲ့ တာဝန်ပင် ဖြစ်ပါတယ်။ အနှစ်သာရကော ရည်ရွယ်ချက်တွင်မှာပါ လေးနက်လှသော ပင်လုံစိတ်ဓာတ်ကို ဆက်လက် တည်တံ့အောင် ထိန်းသိမ်းမွေးမြူရင်း ပြည်ထောင်စု အဓွန့်ရှည် တည်တံ့အောင် ကြိုးစားသင့်ပါတယ်။
ကျဆုံးလေပြီးသော ခေါင်းဆောင်ကြီးများကို အောက်မေ့နေယုံဖြင့် မပြီးသေးပါ။ ဆက်လက်ပြီး လုပ်ဆောင်ရမည့် ကိစ္စများ များပြားစွာကျန်ရှိ နေပါသေးတယ်။ အာဇာနည် ခေါင်းဆောင်ကြီးများ အပေါ် ၀မ်းနည်း လွမ်းဆွတ်မှုများကို အလုပ်ဖြင့် သက်သေပြကြလျှင် ပိုမိုအကျိုးရှိသော သတိရမှု ဖြစ်ပါလိမ့်မည်။ မပြီးဆုံးသေးသော ခရီးကို ဆက်လက် လျှေက်လှမ်း ကြရန်အတွက်လည်းကောင်း၊ သံသယမြူမှုန်များကို ကင်းစင်စေကာ တိုင်းရင်းသား အချင်းချင်း ချစ်ကြည် ရင်းနှီးမှု ခိုင်မာစေရန်အတွက် လည်းကောင်း ကြိုးစားရင်းဖြင့်သာ အာဇာနည် ခေါင်ဆောင်ကြီးများအား လွမ်းဆွတ်သတိရမှုကို သက်သေပြသင့်ပါတယ်။ အာဇာနည်နေ့တွင် ပြည်သူတစ်ရပ်လုံး ကြိမ်မီးအုံးပမာ ပူဆွေးနေကြသည်ကို လက်တစ်လုံးခြားလုပ်ကာ နိုင်ငံတော်၏ နားလည်မှုကို အခွင့်ကောင်းယူ၍ ပြည်ပ အားပေးအားမြှောက်မှုများကို အခြေခံသော ဆူပူလှုပ်ရှားမှုများကို မဖန်တီးသင့်ပါ။ ဒီလိုလုပ်ရပ်တွေ ပြုလုပ်နေခြင်းဟာ တိုင်းတစ်ပါး ပယောဂနှင့် ကြွေလွင့်ပြီး မျိုးချစ်စိတ်ဖြင့် နိုင်ငံတော်အတွက် အသက်ပေးလှူသွားကြသော အာဇာနည် ခေါင်းဆောင်ကြီးများလည်း တမလွန်တွင် အေးချမ်းနိုင်မည် မဟုတ်ကြောင်း သတိချပ်သင့်ပါတယ်။ အာဇာနည် ခေါင်းဆောင်ကြီးများ၏ မပြီးသေး သောလမ်းကို ကျွန်တော်တို့ ဆက်လက် လျှောက်လှမ်းကြရ ပါဦးမယ်။ ကျဆုံးသွားကြပြီး ဖြစ်သော ခေါင်းဆောင်ကြီး များက တာဝန်ကျေခဲ့ကြသော ဤလမ်းခရီးကို ကျွန်တော်တို့က ဆက်လက်ချီတက် ကြရပါဦးမယ်။ ဒီလို ဆက်လက် လျှောက်လှမ်းရာမှာ ကျွန်တော်တို့ဟာ အတွေးမှား အမြင်မှား သံသယမှားတွေနဲ့ တိုင်းရင်းသားအချင်းချင်း စိတ်ဝမ်း ကွဲစေမယ့် အပြုအမူများကို ရှောင်ကြဉ်ကာ နိုင်ငံတော်ကြီး ဘက်ပေါင်းစုံက ဖွံ့ဖြိုးတိုးတက်ရေးကို ကြိုးစား တည်ဆောက် ခြင်းဖြင့် အာဇာနည် ခေါင်းဆောင်ကြီးများ ကို အောက်မေ့ သတိရသင့်ပါတယ် ။
အာဇာနည်နေ့ဆိုတာ တနည်းအားဖြင့် ကျွန်တော်တို့အတွက် သတိထားဆင်ခြင်ဖွယ် တစ်ခုလည်းဖြစ်ပါတယ်။ နယ်ချဲ့စနစ်ဆိုတာ ဘယ်ခေတ် ဘယ်ကာလမှာမဆို ပုံသဏ္ဍာန်အမျိုးမျိုးဖြင့် ရှိနေနိုင်ပါတယ်။ နောက်ပြီး ဒီအဖြစ်အပျက်ဟာ နိုင်ငံတော်ရဲ့ စည်းလုံးညီညွှတ်မှု အင်အားကို ဖြိုခွဲပြီး ကျွန်တော်တို့နိုင်ငံရဲ့ အချုပ်အခြာအာဏာကို ကြိုးကိုင်ချယ်လှယ်ဖို့ ကြိုးစားတဲ့ ကိုလိုနီနယ်ချဲ့တို့ရဲ့ ယုတ်မာညစ်ညမ်းတဲ့ အကြံအစည်များစွာထဲက တစ်ခုသော အကြံအစည်မျှသာ ဖြစ်ပါတယ်။ တစ်မျိုးသားလုံး သွေးနှင့်ရင်းနှီးကာ ရရှိခဲ့သော အာဇာနည်နေ့ သင်ခန်းစာကို ရင်ဝယ်ပိုက်ကာ မမေ့သော သတိ ၀ီရိယ လုံ့လ တို့ဖြင့် နိုင်ငံတော် တည်ဆောက်ရေးအတွက် အားသစ်လောင်းရင်း အာဇာနည် ခေါင်းဆောင်အပေါင်းအား ဦးညွှတ်လိုက်ရပါကြောင်း။ ကိုပြည်ချစ်

0 ဦးကဆွေးနွေးသွားပါတယ်..

Отправить комментарий