အမေရိကန် နိုင်ငံသည် ဖွံ့ဖြိုးတိုးတက်သော နိုင်ငံဖြစ်သည် ဟူသော အရှိန်ကို အခွင့်ကောင်းယူကာ ကမ္ဘာပေါ်တွင် စိတ်တိုင်းကျ ရပ်တည် လျက်ရှိပြီး အခြားနိုင်ငံများအား မိမိလောက်မှ အရေးမပါသော နိုင်ငံငယ်အဖြစ် နှိမ်ချ ဆက်ဆံခြင်းကို ဖြစ်ရပ်တစ်ခုက သက်သေ ပြလိုက်ပါသည်။ ဤသည်မှာ အမေရိကန် အောက်လွှတ်တော်မှ မြန်မာနိုင်ငံအပေါ် အရေးယူ ပိတ်ဆို့မှုများ သက်တမ်းတိုးရန် အတည်ပြု လိုက်သည့် ကိစ္စရပ်ပင် ဖြစ်သည်။ အရေးယူ ပိတ်ဆို့မှုဟု ဆိုလျှင် မြန်မာနိုင်ငံ အနေဖြင့် နိုင်ငံရေး ချိုးဖောက်မှု၊ အခြားနိုင်ငံများ အကြား ကြားဝင် ခလောက်ဆန်မှုများ ရှိခြင်းတို့ကြောင့် မဟုတ်။ တစ်ဖန် အမေရိကန် အနေဖြင့်ကလည်း အခြားနိုင်ငံအပေါ် အပြုသဘော ဆောင်ပြီး သမာသမတ် ကျစွာ ကြားဝင် ဆောင်ရွက်ခြင်း မဟုတ်သလို ၎င်းအား အရေးလုပ် ပူးပေါင်းလိုသူများ၏ စကားများကို နားထောင်ပြီး မြန်မာနိုင်ငံ အရေးကို အစ၊ အလယ်၊ အဆုံး သိနားလည်ခြင်း မရှိဘဲ ထင်ရာမြင်ရာ ဆောင်ရွက်ခြင်းပင် ဖြစ်သည်။
အမှန်စင်စစ် သားကောင်၏ အနံ့ရှိရာ နောက်သို့ ကောက်ကောက် ပါအောင် ပြေးလိုက်နေသော အမဲလိုက်ခွေး၏ လုပ်ဆောင်ချက် သည်ပင်လျှင် ပင်ကိုယ် အရည် အသွေးနှင့် ပြည့်စုံနေပေသည်။ သို့သော် အမေရိကန်မှာမူ မြန်မာနိုင်ငံ အကြောင်းကို ကိုယ်တိုင် အသေးစိတ် ရှင်းရှင်း လင်းလင်း စုံစမ်းကြည့်ခြင်း မရှိပါဘဲ နိုင်ငံသစ္စာဖောက် သွေးထိုး လောက်ကောင် များ၏ စကားကို ဆင်ခြင်တုံ တရားမရှိ လက်ခံကာ မြန်မာနိုင်ငံအား ရန်သူ တစ်ဦးသဖွယ် သတ်မှတ် ခဲ့သည်။ သို့သော် မြန်မာနိုင်ငံ အနေဖြင့် အမေရိကန်မှ လာရောက် လည်ပတ်သူများ အားလုံးကို အပြုသဘောဆောင်စွာ၊ လူကြီးလူကောင်း ပီသစွာ ကြိုဆို အသိအမှတ် ပြုပေးခဲ့ပါသည်။ ယင်းသို့ အသိအမှတ်ပြု ပေးခဲ့မှုများကို လျစ်လျူရှုပြီး ယခုကဲ့သို့ တစ်ဖက်သတ် အမြင်ဖြင့် ပိတ်ဆို့မှု ပြုလုပ် လိုက်ခြင်းသည် ဒီမိုကရေစီသို့ ရောက်ရှိရန် ဦးတည် ခြေလှမ်းနေသော မြန်မာနိုင်ငံ၏ လမ်းကြောင်းများကို ရပ်တန့်စေပါသည်။
အမေရိကန်သည် အခြား နိုင်ငံများအား ဒီမိုကရေစီ ရရှိရေးအတွက် အမျိုးမျိုး လှုံ့ဆော်တိုက်တွန်း တတ်သလို လက်တွေ့ ၎င်းတို့ လုပ်ဆောင် နေသည်များက ဒီမိုကရေစီ နည်းလမ်း ကျ/မကျကိုမူ စဉ်းစားဆင်ခြင် နိုင်စွမ်းမရှိပေ။ အာရပ် ကမ္ဘာရှိ အာဏာရှင် ပြုတ်ကျရေး ကိစ္စကိုမူ ထောက်ခံလျက် ရှိသော ထိပ်ဆုံးနိုင်ငံမှာ အမေရိကန် ဖြစ်ပြီး အခြားနိုင်ငံများ အကြား သူရဲကောင်း ဝင်လုပ်ကာ ကြားဝင်ဝေဖန်မှု ပေးပြီး ၎င်းနိုင်ငံများ အကြောင်း ဂဃဏန မသိပါဘဲ အရေးယူ ပိတ်ဆို့မှုဖြင့် ကိုင်တွယ် ချင်သည့် တစ်ခုတည်းသော နိုင်ငံမှာလည်း အမေရိကန်ပင် ဖြစ်သည်။ ထို့ကြောင့်လည်း ယင်းသို့ ၀င်ရောက် စွက်ဖက်ပါ များသောအခါ ကံကြမ္မာက မျက်နှာသာ မပေးတော့ဘဲ ကောင်းကောင်း ဝဋ်လည်ခဲ့မှု များလည်း ရှိပါသည်။ အမေရိကန်သည် ဆီးရီးယား အာဏာရှင်အား အရေး မပါတော့သော သူအဖြစ် ပြင်းပြင်းထန်ထန် ဝေဖန်သည့် အတွက် ဝဋ်လည်သည့် အနေဖြင့် ၎င်းသံရုံးမှာ ပြန်လည် အတိုက်ခံ ခဲ့ရသည့် ချွတ်ယွင်းချက်မျိုး ရှိခဲ့ဖူးပါသည်။ ထို့ကြောင့် အမေရိကန် အနေဖြင့် ကိုယ့်မျက်ချေးကို မမြင်ရှာဘဲ မူရင်း လုပ်ငန်းစဉ်အတိုင်း အရေးယူ ပိတ်ဆို့မှု၊ ကြားဝင် ခလောက်ဆန်မှု များကို ဆောင်ရွက်နေမည် ဆိုလျှင် အလှည့်ကျ မနွဲ့ရ ဟူသည့်အတိုင်း နောက်ပိုင်းတွင် မည်သည့် ဇာတ်သိမ်းခန်း မျိုးဖြင့် ဝဋ်လည်မည်ကို အများက ဖော်ထုတ်စဉ်းစား သုံးသပ်တတ်ရန် ယခုကဲ့သို့ တင်ပြလိုက်ရခြင်း ဖြစ်ပါသည်။
ဖူးစုံထွေး

0 ဦးကဆွေးနွေးသွားပါတယ်..

Отправить комментарий