အာဇာနည်နေ့ကို ကျရောက်လာတော့ အာဇာနည်နေ့ ကိစ္စနဲ့ ပတ်သက်ပြီး ကျဆုံးသွားတဲ့ လွတ်လပ်ရေး ကြိုးပမ်းခဲ့ သူတွေ အတွက် ကောင်းမှုကုသိုလ် ပြုလုပ်တာ အာဇာနည်တွေရဲ့ နိုင်ငံတော် အတွက် သက်စွန့် ကြိုးပမ်း ဆောင်ရွက်ခဲ့မှုတွေ အပေါ် အောင့်မေ့ တသ ပြုတာတွေထက် ဗိုလ်ချုပ်အောင်ဆန်း အပါအ၀င် အာဇာနည် ခေါင်းဆောင်ကြီးတွေရဲ့ ကျဆုံးတဲ့ အာဇာနည်နေ့ကို အကြောင်းပြုပြီး လက်ရှိ မျက်မှောက်ခေတ် လူထုတွေ ထင်ယောင် ထင်မှားဖြစ်အောင် တိုင်းပြည်တွင်းမှာ ရှိတဲ့ ပြည်သူတွေ မညီမညွတ် ပြိုကွဲမှု ဖြစ်အောင် နောက်ပြီး နိုင်ငံတော် အစိုးရနဲ့ ပြည်သူလူထု စိတ်ဝမ်းကွဲပြားအောင် ခုတုံးလုပ်နေတဲ့ အကြောင်းအရာ တစ်ခုလို ဖြစ်နေပါတယ်။
ဒီလို လုပ်ဆောင် ၀ါဒဖြန့်နေတာဟာ ကျဆုံးသွား လေသော ဗိုလ်ချုပ်အောင်ဆန်း အပါအ၀င် အာဇာနည်ခေါင်းဆောင် ကြီးတွေကို တကယ် လွမ်းဆွတ်တသ အလေးပြုခြင်း မည်ပါသည်လား။ တကယ်ကို မေးခွန်းထုတ်စရာ အခြေအနေ တစ်ရပ် ဖြစ်လာပါတယ်။ အာဇာနည်ကြီးတွေရဲ့ လုပ်ရပ်နဲ့ တိုင်းပြည်အတွက် စွန့်လွှတ် အနစ်နာ ခံခဲ့မှုတွေကို လက်ရှိ ကိုယ်ရေး ကိုယ်တာ အသုံးချရေး အတွက် သတင်းအဖြစ် ဖန်တီးနေတာ တကယ်ရော သဘာဝကျပါရဲ့လား။
ဒီနေ့ DVB ကလွှင့်နေတဲ့ အာဇာနည်နေ့ ဆိုင်ရာ သတင်း ထုတ်လွှင့်ချက်တွေ၊ ထင်မြင်ယူဆချက်တွေမှာ ကျဆုံး လေပြီးသော အာဇာနည် ခေါင်းဆောင်ကြီးတွေရဲ့ အခန်းကဏ္ဍကို အလေးပေး ဖော်ပြ သုံးသပ်ကြရမယ့်အစား အာဇာနည်ခေါင်းဆောင်ကြီးတွေကို အကြောင်းပြုပြီး၊ အာဇာနည်နေ့ကို အကြောင်းပြုပြီး လူထုတွေ စိတ်ဓာတ် ပျက်ပြားအောင် လူထု လူတန်းစားတွေ မညီမညွတ် အချင်းချင်း စိတ်ဝမ်းကွဲပြားအောင် ပြောဆို ၀ါဒဖြန့်နေကြတာ အာဇာနည်ကြီးတွေကို ဦးညွတ် အလေးပြုရာ ရောက်ပါရဲ့လား။
မြန်မာနိုင်ငံ လွတ်လပ်ရေး ရရှိဖို့ ကြိုးပမ်းရင်း အမျိုးသား သစ္စာဖောက်တွေရဲ့ လုပ်ကြံမှုကြောင့် အသက်ဆုံးရှုံးသွားကြ တဲ့ အာဇာနည်ကြီးတွေကို ခေတ်သစ် အမျိုးသား သစ္စာဖောက်တွေအနေနဲ့ ခုတုံးမလုပ်ကြဖို့ အထူးလိုအပ်ပါတယ်။ အာဇာနည်ကြီးတွေရဲ့ သွေးရင်းချာ အချို့ကိုယ်တိုင်ကလည်း မိမိတို့ရဲ့ ဖခင်အပေါ် ခုတုံးလုပ် အမြတ်ရှာနေတာ မြန်မာပြည် မြန်မာ တိုင်းရင်းသားလူမျိုးတွေ အတွက် မဟုတ်ဘူးဆိုတာ နားလည်ရမယ့် အချိန်ရောက်နေပြီ ဖြစ်ပါတယ်။
အမျိုးသား ရင်ကြားစေ့ရေးနဲ့ တိုင်းရင်းသား စည်းလုံးညီညွတ်ရေးကို အသက်စွန့် ကြိုးပမ်း ဆောင်ရွက်ခဲ့တဲ့ ဗိုလ်ချုပ်အောင်ဆန်း အပါအ၀င် အာဇာနည်ခေါင်းဆောင်ကြီးတွေ လက်နဲ့ ရေးခဲ့တဲ့ ပင်လုံစိတ်ဓာတ်ကို ခေတ်သစ် မသမာတဲ့ နည်းလမ်းတွေနဲ့ တိုင်းရင်းသား စည်းလုံးညီညွတ်မှု ပြိုကွဲအောင်၊ အချင်းချင်း မညီမညွတ် ၀ါးအစည်းပြေသလို ဖြစ်အောင် ခေတ်သစ်ကိုလိုနီများရဲ့ နည်းလမ်းသစ်တွေနဲ့ ကျွန်ပြုခြင်းကို လက်ယပ်ခေါ်တဲ့ လုပ်ရပ်မျိုးတွေကို ဗိုလ်ချုပ်အောင်ဆန်း အပါအ၀င် အာဇာနည်ကြီးတွေရဲ့ မျက်နှာတွေကို ထောက်ထားလို့ ရှောင်ရှား နိုင်ကြပါစေကြောင်း တင်ပြလိုက်ရပါတယ်။ မျိုးချစ်မောင်

0 ဦးကဆွေးနွေးသွားပါတယ်..

Отправить комментарий