နှစ်ပေါင်း ၆ဝ ကျော် ကာလကပင် ချစ်ကြည် ရင်းနှီးခဲ့သော ရုရှားဖက်ဒရေးရှင်းနိုင်ငံ (The State Duma) ဒူးမား လွှတ်တော် ဥက္ကဋ္ဌ၏ ဖိတ်ကြားချက်အရ ပြည်ထောင်စုသမ္မတ မြန်မာ နိုင်ငံတော် ပြည်သူ့လွှတ်တော် ဥက္ကဋ္ဌ သူရဦးရွှေမန်း ခေါင်းဆောင်ပြီး လွှတ်တော် ကိုယ်စားလှယ် ကိုးဦး ပါဝင်သော မြန်မာလွှတ်တော် ကိုယ်စားလှယ်အဖွဲ့သည် ၂ဝ၁၁ ခုနှစ် ဇွန်လ၂၆ ရက် နေ့မှ ဇူလိုင်လ ၁ ရက်နေ့အထိ ရုရှား ဖက်ဒရေးရှင်း နိုင်ငံ မော်စကိုမြို့နှင့် စိန့်ပီတာစ်ဘတ် မြို့များသို့ ချစ်ကြည်ရေး ခရီး သွားရောက်ခဲ့ကြပါသည်။
ခရီးစဉ်၏ ရည်ရွယ်ချက်မှာ ရှိရင်းစွဲ နှစ်နိုင်ငံ ချစ်ကြည်ရေးကို ပိုမိုတိုးတက် ခိုင်မာစေရန်နှင့် နှစ်နိုင်ငံ လွှတ်တော်များ အကြား အပြန်အလှန် လေ့လာ၍ အမြင်ချင်း ဖလှယ်ရန်၊ ရင်းနှီးစွာ ပူးပေါင်း ဆောင်ရွက်နိုင်ရန် ဖြစ်ပါသည်။
ပြည်ထောင်စု သမ္မတ မြန်မာနိုင်ငံတွင် အသစ်ရေးဆွဲ ပြဋ္ဌာန်းခဲ့သော ဖွဲ့စည်းပုံ အခြေခံ ဥပဒေနှင့်အညီ လွတ်လပ်၍ တရား မျှတသော ပါတီစုံ ဒီမိုကရေစီ အထွေထွေ ရွေးကောက်ပွဲကို အေးချမ်းအောင်မြင်စွာ ကျင်းပနိုင်ခဲ့ပြီး လွှတ်တော် အဆင့်ဆင့် ပေါ်ပေါက်လာခဲ့မှုကို နိုင်ငံတကာ အသိုင်းအဝိုင်းက ဝမ်းမြောက်ဝမ်းသာ ဂုဏ်ပြု ကြိုဆိုခဲ့ကြပါသည်။ မြန်မာနိုင်ငံ၏ ပကတိ အခြေအနေကို မှန်ကန်စွာ နားလည် သဘောပေါက်ပြီး ပါတီစုံ ဒီမိုကရေစီစနစ် အကောင်အထည် ဖော် ဆောင်ရွက်ရန် လွှတ်တော်များ ပေါ်ထွန်းလာမှုကို ဂုဏ်ပြုခဲ့သည့် နိုင်ငံများစာရင်းတွင် ရုရှား ဖက်ဒရေးရှင်း နိုင်ငံသည် လည်း မိတ်ဆွေနိုင်ငံ တစ်နိုင်ငံအနေဖြင့် ပါဝင်ခဲ့ပါသည်။ တစ်ချိန်တည်းလိုပင် နှစ်နိုင်ငံ လွှတ်တော်များ အကြား ရင်းနှီးစွာ ပူးပေါင်း ဆောင်ရွက်နိုင်ရေးကို ရှေးရှု၍ မြန်မာလွှတ်တော် ကိုယ်စားလှယ်အဖွဲ့အား ရုရှားနိုင်ငံသို့ လာရောက် လည်ပတ်ရန် ဖိတ်ကြားခဲ့ခြင်း ဖြစ်ပါသည်။
ပြည်သူ့လွှတ်တော် ဥက္ကဋ္ဌ သူရဦးရွှေမန်း ခေါင်းဆောင်ပြီး ပြည်ပသို့ ပထမအကြိမ် သွားရောက်သော လွှတ်တော် ကိုယ်စားလှယ်အဖွဲ့ ဖြစ်ရာ ပြည်သူ့လွှတ်တော်မှ လွှတ်တော် ကိုယ်စားလှယ် ငါးဦး၊ အမျိုးသား လွှတ်တော်မှ လွှတ်တော် ကိုယ်စားလှယ် လေးဦး ပါဝင်ကြပြီး ပြည်ထောင်စု အဆင့် အဖွဲ့အစည်းများ ဖြစ်ကြသော လွှတ်တော် ကော်မတီများတွင် ဥက္ကဋ္ဌ၊ အတွင်းရေးမှူးနှင့် ကော်မတီဝင်များ အဖြစ် တာဝန်ယူဆောင်ရွက် နေကြသူများ ဖြစ်ကြပါသည်။ ကော်မတီဝင် လွှတ်တော် ကိုယ်စားလှယ်နှစ်ဦးမှာ ကူးသန်းရောင်းဝယ်မှု၊ ကုန်သွယ်မှု ကဏ္ဍများတွင် အောင်မြင်နေသော စီးပွားရေး လုပ်ငန်းရှင်များ ဖြစ်ကြပါသည်။ လွှတ်တော်ကော်မတီ လုပ်ငန်းများ၊ ဘာသာရပ်ဆိုင်ရာ လုပ်ငန်းများတွင် ကျွမ်းကျင်နှံ့စပ် သူများ ပါဝင်ဖွဲ့စည်းထားသည့် ပြည်သူ့ ကိုယ်စားလှယ်အဖွဲ့ဖြစ်ရာ ချစ်ကြည်ရေး ခရီးသွားရောက်ရခြင်း၏ ရည်ရွယ်ချက် ပြည့်မြောက် အောင်မြင်အောင် ဆောင်ရွက်နိုင်စွမ်း ရှိကြသူများ ဖြစ်ကြပါသည်။
မြန်မာ-ရုရှား နှစ်နိုင်ငံသည် နှစ်ကာလ ကြာမြင့်စွာကပင် အပြန်အလှန် နားလည် လေးစားမှုဖြင့် ချစ်ခင် ရင်းနှီးစွာ ဆက်ဆံ လာခဲ့ကြသည့် မိတ်ဆွေနိုင်ငံများ ဖြစ်ကြရာ ကိုယ်စားလှယ်အဖွဲ့များ အပြန်အလှန် သွားရောက် လေ့လာမှုများ ရှိခဲ့ပါသည်။ အဆင့်မြင့် နိုင်ငံ့ ခေါင်းဆောင်များ၏ ချစ်ကြည်ရေး ခရီးစဉ်များ အပါအဝင် နှစ်ပေါင်း (၄ဝ) ခန့်အတွင်း အကြိမ် (၃ဝ) ခန့်စီ အပြန်အလှန် လည်ပတ်မှုများ ရှိခဲ့ကြောင်း မှတ်တမ်းများ၌ တွေ့ရှိရပါသည်။
နှစ်နိုင်ငံ အကြား ချစ်ကြည်ရေး ခရီးများ အပြန်အလှန် သွားရောက် လည်ပတ်မှုတွင် လွှတ်တော် ကိုယ်စားလှယ် အဖွဲ့များ လည်း အပါအဝင် ဖြစ်ပါသည်။ နောက်ဆုံး သွားရောက်ခဲ့သည့် မြန်မာလွှတ်တော် ကိုယ်စားလှယ် အဖွဲ့သည် ၁၉၇၅ ခုနှစ်က သွားရောက်ခဲ့ခြင်း ဖြစ်ပြီး ရုရှားဒူးမား လွှတ်တော် ကိုယ်စားလှယ်အဖွဲ့သည် ၁၉၉၅ ခုနှစ်တွင် လည်းကောင်း၊ ရုရှား အထက်လွှတ်တော် (ဖက်ဒရေးရှင်း ကောင်စီ) ဒုတိယ ဥက္ကဋ္ဌသည် ၁၉၉၆ ခုနှစ်တွင် လည်းကောင်း မြန်မာနိုင်ငံသို့ လာရောက် ခဲ့ကြပါသည်။ နှစ်နိုင်ငံ လွှတ်တော်များ အကြား ရှိရင်းစွဲ ချစ်ကြည်ရင်းနှီးမှု၊ ဆက်သွယ်မှုကို ခေတ်သစ်၊ စနစ်သစ်နှင့် အညီ မြန်မာနိုင်ငံတွင် ပေါ်ထွန်းလာသော လွှတ်တော် ကိုယ်စားပြု ပြည်သူ့ ကိုယ်စားလှယ်များ၏ ချစ်ကြည်ရေး ခရီးစဉ်ဖြင့် ထပ်လောင်း အားဖြည့် ပေးနိုင်ခဲ့ပါသည်။
ဆွေးနွေး၊ အမြင်ချင်းဖလှယ်မှု
၂ဝ၁၁ ခုနှစ် ဇွန်လ ၂ ရက်နေ့က ပြည်သူ့လွှတ်တော် ဥက္ကဋ္ဌ သူရဦးရွှေမန်း ခေါင်းဆောင်သော မြန်မာလွှတ်တော် ကိုယ်စားလှယ် အဖွဲ့သည် မော်စကိုမြို့ရှိ ဒူးမားလွှတ်တော်သို့ သွားရောက်၍ ဒူးမားလွှတ်တော် ဥက္ကဋ္ဌ (H.E.Mr.Fryzlov) အား တွေ့ဆုံနှုတ်ဆက်ပြီး နှစ်နိုင်ငံလွှတ်တော် ကိုယ်စားလှယ် အဖွဲ့များအကြား ခင်မင်ရင်းနှီး ပွင့်လင်းစွာ တွေ့ဆုံ ဆွေးနွေး ခဲ့ပါသည်။ ဦးစွာ ဒူးမားလွှတ်တော် ဥက္ကဋ္ဌက ရုရှား ဖက်ဒရေးရှင်း နိုင်ငံ ဒူးမားလွှတ်တော် ကိုယ်စား ၎င်း၏ ဖိတ်ကြားချက်ကို မဆိုင်းမတွ လက်ခံတုံ့ပြန်၍ ပြည်သူ့ လွှတ်တော် ဥက္ကဋ္ဌ ကိုယ်တိုင် ခေါင်းဆောင်ပြီး ချစ်ကြည်ရေး လာရောက်ခြင်းကို ဝမ်းမြောက်စွာ ကြိုဆိုရပါကြောင်း၊ မြန်မာနိုင်ငံတွင် ပါတီစုံ ဒီမိုကရေစီ အထွေထွေ ရွေးကောက်ပွဲကို လွတ်လပ်စွာ၊ အေးချမ်းစွာ စနစ်တကျ ကျင်းပနိုင်ခဲ့ပြီး ပထမအကြိမ် လွှတ်တော် အစည်းအဝေးများကို အောင်မြင်စွာ ကျင်းပနိုင်ခဲ့သဖြင့် ဂုဏ်ယူ ဝမ်းမြောက်ပါကြောင်း၊ နှစ်နိုင်ငံလွှတ်တော်များ အကြား အမြင်များ ဖလှယ်၍ ပူးပေါင်း ဆောင်ရွက်ရေးကို ရှေးရှုသည့် ခရီးစဉ်အဖြစ် ကြိုဆိုပါကြောင်း၊ သိရှိ ဆွေးနွေးလိုသည်များ အချိန်၊ နေရာမရွေး ဆွေးနွေးနိုင်ပါကြောင်း နွေးထွေးစွာ နှုတ်ခွန်းဆက် စကားပြောကြားခဲ့ပါသည်။
ပြည်သူ့ လွှတ်တော်ဥက္ကဋ္ဌ သူရဦးရွှေမန်းကလည်း မိမိတို့ ကိုယ်စားလှယ်အဖွဲ့အား နွေးထွေးစွာ ကြိုဆိုနှုတ်ခွန်းဆက် စကားပြောကြား၍ ကျေးဇူးတင် ဝမ်းမြောက်ပါကြောင်း ပြန်လည်ပြောကြား၍ မိမိတို့ လွှတ်တော် ကိုယ်စားလှယ်အဖွဲ့ ချစ်ကြည်ရေးခရီး လာရောက်ရသည့် ရည်ရွယ်ချက်ကို ရှင်းလင်းပြောကြား ပါသည်။ တစ်ချိန်တည်းတွင် အခွင့်အခါ သင့်ခိုက် မြန်မာနိုင်ငံ၏ နိုင်ငံရေး တိုးတက်ပြောင်းလဲ ဖြစ်ပေါ်မှု ဖြစ်စဉ်များကို မိတ်ဆွေများအား ရှင်းလင်း ပြောကြားခဲ့ပါသည်။
ဒူးမား လွှတ်တော် ဥက္ကဋ္ဌက ၎င်းသည် ရုရှားဖက်ဒရေးရှင်း နိုင်ငံ လုံခြုံရေး ကောင်စီဝင် ဖြစ်သဖြင့် အစည်းအဝေးများတွင် မြန်မာ-ရုရှား ဆက်ဆံရေးကို အမြဲလိုပင် စောင့်ကြည့် သိရှိခွင့် ရရှိကြောင်း၊ မြန်မာနိုင်ငံ၏ နိုင်ငံရေး တိုးတက်ပြောင်းလဲ ဖြစ်ပေါ်မှုများ အတွက် ဝမ်းမြောက်ပါကြောင်း၊ ဆက်လက်၍ တိုးတက်အောင်မြင်မှု ရရှိစေရန် ဆန္ဒပြုပါကြောင်း၊ နှစ်နိုင်ငံ ကုန်သွယ်မှု ပမာဏမှာ သေးငယ်သော်လည်း တိုးတက်မှုများ တွေ့ရှိနေရကြောင်း၊ ပူးပေါင်းဆောင်ရွက်မှုများ တိုးချဲ့ ဆောင်ရွက်ရန် လိုအပ်သည်ဟု မြင်ပါကြောင်း၊ စီးပွားရေး ပူးပေါင်းဆောင်ရွက်မှု တိုးမြှင့်ရေး အရေးကြီးပါကြောင်း၊ ဘူမိဗေဒ လေ့လာရေး၊ သဘာဝဓာတ်ငွေ့ ထုတ်လုပ်ရေးနှင့် ဓာတ်သတ္တု တူးဖော်ရေး လုပ်ငန်းများတွင် ပူးပေါင်း ဆောင်ရွက်နိုင် ပါကြောင်း၊ ဒူးမားလွှတ်တော် အနေဖြင့် ရုရှားဖက်ဒရေးရှင်း အစိုးရက နှစ်နိုင်ငံ ပူးပေါင်း ဆောင်ရွက်မှု တိုးမြှင့် ဆောင်ရွက်နိုင်ရန် တွန်းအားပေး ဆောင်ရွက်နိုင် ပါကြောင်း စသည်ဖြင့် ရင်းနှီးပွင့်လင်းစွာ ဆွေးနွေးပါသည်။
ပြည်သူ့လွှတ်တော် ဥက္ကဋ္ဌကလည်း မြန်မာ-ရုရှား ကုန်သွယ်မှုမြှင့်တင်ရေး၊ စီးပွားရေး ပူးပေါင်းဆောင်ရွက်ရေး အရေးကြီးသည်ဟု ယုံကြည်ပါကြောင်း၊ မိမိတို့ အဆွေတော်တို့ တာဝန်ယူစဉ် ပိုမိုတိုးတက်အောင် ကြိုးစား ဆောင်ရွက်သွားရမည် ဖြစ်ပါကြောင်း၊ ရေနံ သဘာဝဓာတ်ငွေ့၊ သတ္တုကဏ္ဍများတွင် စိတ်ဝင်စားမှု ရှိနိုင်ကြောင်း၊ မြန်မာနိုင်ငံ၏ လယ်ယာထွက်ကုန် သီးနှံ၊ ရေထွက်ပစ္စည်း၊ သစ်တောထွက် ပစ္စည်း၊ ကျွန်းသစ် စသည်များ ရောင်းချပေးနိုင်ကြောင်း၊ ရော်ဘာစိမ်းနှင့် အထည်ချုပ် လုပ်ငန်းများလည်း ပါဝင်ကြောင်း၊ ချက်ပြီးရေနံနှင့် ဓာတ်မြေသြဇာများ ဝယ်ယူ တင်သွင်းနိုင်ကြောင်း၊ ကမ္ဘာလှည့်ခရီ်းသွား လုပ်ငန်းနှင့် ပတ်သက်၍ မြန်မာနိုင်ငံတွင် ရုရှားနိုင်ငံသားများ စိတ်ဝင်စားမည့် သာယာလှပ သန့်ရှင်းသည့် ပင်လယ်ကမ်းခြေ အပန်းဖြေနေရာများ ရှိပါကြောင်း၊ ဖိတ်ခေါ် ကြိုဆိုပါကြောင်း၊ မိမိခရီးစဉ် အတွင်း ရုရှား ကုန်သည်ကြီးများနှင့် စက်မှု လုပ်ငန်းရှင်များ အသင်း၏ ဖိတ်ကြားချက်များရှိ၍ တွေ့ဆုံဆွေးနွေး ရန်ရှိပါကြောင်း၊ ကိုယ်စားလှယ်အဖွဲ့တွင် သက်ဆိုင်ရာ စီးပွားရေးလုပ်ငန်းရှင် လွှတ်တော် ကိုယ်စားလှယ်များလည်း ပါဝင်သဖြင့် ဆွေးနွေး နိုင်ပါကြောင်း၊ နိုင်ငံတော်၏ အကျိုးစီးပွား၊ ပြည်သူများ၏ အကျိုး စီးပွားအတွက် နီးကပ်စွာ ပူးပေါင်း ဆက်သွယ် ဆောင်ရွက်နိုင်မည် ဖြစ်ကြောင်း၊ အဆွေတော်တို့၏ အတွေ့အကြုံများကို ရယူ ဆောင်ရွက်နိုင်ပါကြောင်း၊ နိုင်ငံရေး၊ စီးပွားရေး၊ သိပံ္ပနှင့် နည်းပညာ ကဏ္ဍအသီးသီးတွင် ပူးပေါင်း ဆောင်ရွက်ရန် အတွေ့အကြုံများ ဖလှယ်နိုင်ပါကြောင်း၊ ယဉ်ကျေးမှုနှင့် အားကစား ကဏ္ဍတွင်လည်း ပူးပေါင်း ဆောင်ရွက်ရန် ရှိပါကြောင်း၊ အစိုးရ အချင်းချင်း ပူးပေါင်း ဆောင်ရွက်ရေးကို တိုးမြှင့်ရန် တိုက်တွန်းဆောင်ရွက် ကြရမည် ဖြစ်ကြောင်း ပြန်လည် ဆွေးနွေးခဲ့ပါသည်။
ပြည်သူ့လွှတ်တော် ဥက္ကဋ္ဌ၏ ဆွေးနွေး ပြောကြားချက်တွင် မြန်မာနိုင်ငံသည် ယခင်က ကျင့်သုံးခဲ့သော လွတ်လပ်၍ တက်ကြွပြီး ဘက်မလိုက်သည့် နိုင်ငံခြားရေး မူဝါဒကိုပင် ယခု အစိုးရသစ်က လက်ခံကျင့်သုံး ဆောင်ရွက်မည် ဖြစ်ပါကြောင်း၊ နိုင်ငံတကာ ဆက်ဆံရေး နယ်ပယ်တွင် မြန်မာ နိုင်ငံအရေးအတွက် ရုရှားဖက်ဒရေးရှင်း နိုင်ငံက မှန်ကန်စွာရပ်တည်ပေး သည့် အတွက် ကျေးဇူးတင်ရှိပါကြောင်း၊ ကမ္ဘာ့ ငြိမ်းချမ်းရေးနှင့် လုံခြုံရေး ကိစ္စများတွင် ရုရှားဖက်ဒရေးရှင်း နိုင်ငံက ဦးစီး ဦးဆောင်ပြု ဆောင်ရွက်နေမှုများ အတွက် ဂုဏ်ပြု ချီးကျူးလိုပါကြောင်း၊ မြန်မာနိုင်ငံက ကျင့်သုံးနေသော နိုင်ငံခြားရေး မူဝါဒ အရ မိတ်ဆွေနိုင်ငံများနှင့် နိုင်ငံတကာရေးရာ ကိစ္စများတွင် ပူးပေါင်း ဆောင်ရွက်သွားမည် ဖြစ်ပါကြောင်း၊ မိမိတို့နိုင်ငံ အနေဖြင့် နိုင်ငံတကာ ဆက်ဆံရေးတွင် ရိုးသားပွင့်လင်းစွာ ဆက်ဆံ ဆောင်ရွက်နေပါကြောင်း ပြောကြားခဲ့ပါသည်။ ထို့နောက် နှစ်နိုင်ငံ လွှတ်တော်ရေးရာ ကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ကြပါသည်။
ဒူးမားလွှတ်တော်(အောက်လွှတ်တော်)
ရုရှား ဖက်ဒရေးရှင်း နိုင်ငံ၏ ဒူးမား လွှတ်တော်သည် ရုရှားဖက်ဒရယ် ညီလာခံ (Federal Assembly of Russia) တွင် ပါဝင်သော အောက်လွှတ်တော် ဖြစ်ပါသည်။ အထက်လွှတ်တော်ကို ရုရှားဖက်ဒရေးရှင်း ကောင်စီ (Fedration Council of Russia) ဟု ခေါ်ဝေါ်ပါသည်။ ဒူးမားလွှတ်တော်ကို ၁၉ဝ၆ ခုနှစ်က ပထမဆုံး ဖွဲ့စည်းခဲ့ပြီး ရုရှားနိုင်ငံ၏ ပထမဆုံး ရွေးကောက် တင်မြှောက် ခံရသည့် ပါလီမန် ဖြစ်ကြောင်း၊ ပထမ အကြိမ်မှ စတုတ္ထအကြိမ် အထိ ဒူးမားလွှတ်တော် အစည်း အဝေးများကို ၁၉ဝ၆ခုနှစ်မှ ၁၉၁၇ခုနှစ်အထိ ဖွဲ့စည်း ကျင်းပခဲ့ကြောင်း၊ ၁၉၁၇ ခုနှစ်တွင် ဇာဘုရင်ခေတ် ပြိုကွဲ ပျက်စီးခဲ့ ကြောင်း၊ နောက်ပိုင်းတွင် ပြည်ထောင်စု ဆိုဗီယက်နှင့် လူမျိုးစု ဆိုဗီယက်ခေါ် ဥပဒေပြု လွှတ်တော်နှစ်ရပ် ပါဝင်သော ဆူပရင်းဆိုဗီယက် (Superme Soviet) ကိုဖွဲ့စည်းခဲ့ရာ ဆိုဗီယက် ပြည်ထောင်စုတွင် အကြီးဆုံး အာဏာပိုင်အဖွဲ့၊ ဥပဒေပြုအဖွဲ့ ဖြစ်လာကြောင်း လေ့လာတွေ့ရှိရပါသည်။
၁၉၉၁ ခုနှစ်တွင် ဆိုဗီယက် ပြည်ထောင်စုကြီး ပြိုကွဲပျက်စီးခဲ့ရာ သမ္မတ ဘောရစ်ရယ်ဆင်လက်ထက် ၁၉၉၃ ခုနှစ်တွင် ဖွဲ့စည်းပုံအခြေခံ ဥပဒေအသစ် ပေါ်ပေါက်ခဲ့ကြောင်း၊ ဆူပရင်းဆိုဗီယက်နေရာတွင် ယခင်က ပျောက်ကွယ်ခဲ့ရသည့် ဒူးမားလွှတ်တော်ကို ပဉ္စမအကြိမ်အဖြစ် ပြန်လည်ဖွဲ့စည်းခဲ့ကြောင်း သိရပါသည်။ လက်ရှိဒူးမားလွှတ်တော်တွင် ရွေးကောက် တင်မြှောက်ခံရသူ လွှတ်တော်ကိုယ်စားလှယ် (၄၅ဝ)ဦး ပါရှိပြီး (၅)နှစ် သက်တမ်းရှိပါသည်။ ရွေးကောက် တင်မြှောက်ခံရမှု အနေအထားမှာ မစ္စတာပူတင် ခေါင်းဆောင်သော (United Russia) ယူနိုက်တက်ရုရှားပါတီမှ (၃၁၅) နေရာ၊ ကွန်မြူနစ်ပါတီမှ (၅၇)နေရာ၊ လစ်ဘရယ် ဒီမိုကရက်တစ် ပါတီမှ (၄ဝ)နေရာနှင့် (Fair Russia) ဖယ်ရားရုရှားပါတီ မှ (၃၈) နေရာ ဖြစ်ကြောင်း သိရှိရပါသည်။ ၂ဝဝ၇ ခုနှစ် ဒီဇင်ဘာလက ကျင်းပခဲ့သော ရွေးကောက်ပွဲတွင် မဲပေးပိုင်ခွင့်ရှိ သူ ၁ဝ၉ သန်းအနက် သန်း ၇ဝ နီးပါးမဲပေးခဲ့ကြရာ မဲပေးပိုင်ခွင့်ရှိသူ စုစုပေါင်း၏ ၆၃ ဒသမ ၇၁ ရာခိုင်နှုန်း ဖြစ်ကြောင်း သိရှိရပါသည်။ ရွေးကောက် တင်မြှောက်ပွဲတွင် (၁၁) ပါတီ ဝင်ရောက် ယှဉ်ပြိုင်ကြောင်း၊ ဆန္ဒမဲ ၇ ရာခိုင်နှုန်းအောက် ရရှိသော ပါတီများ ဆက်လက် ရပ်တည်ခွင့် မရှိဘဲ သင့်ရာပါတီသို့ ထည့်ပေါင်း ပေးရကြောင်း သိရှိရပါသည်။
ဒူးမားလွှတ်တော်တွင် ကော်မတီ (၃၂)ခု ဖွဲ့စည်းထားပြီး ဝန်ကြီးဌာနများ၏ လုပ်ငန်းများနှင့် ဆက်စပ်နေသော ကော်မတီ များ အပြင် လုပ်ငန်း ကော်မတီကဲ့သို့ သီးခြား လုပ်ငန်းဆိုင်ရာ ကော်မတီများလည်း ပါရှိပါသည်။ ဥပဒေပြုမှု၊ ဥပဒေများအား စိစစ်မှု၊ သက်ဆိုင်ရာကဏ္ဍ အလိုက် ဥပဒေကြမ်းပြုစုခြင်း၊ ဖြုတ်ပယ်၊ အစားထိုး၊ ပြင်ဆင်၊ ပယ်ဖျက်ခြင်း လုပ်ငန်းများမှာ အဓိက ဖြစ်ကြောင်း သိရှိရပါသည်။
ဒူးမားလွှတ်တော်နှင့် ပတ်သက်၍ လေ့လာသိရှိရချက်များ အများအပြားရှိပါသည်။ မြန်မာ လွှတ်တော် ကိုယ်စားလှယ်အဖွဲ့ သည် ရသမျှ အချိန်တိုင်း ဆွေးနွေးလေ့လာ အမြင်ချင်း ဖလှယ်ရသည်မှာ ဒူးမားလွှတ် တော်တွင် ဆွေးနွေးချိန်သာမက လွှတ်တော် ဒုတိယဥက္ကဋ္ဌ၏ နေ့လယ်စာစားပွဲတွင် အချိန်ထက်ဝက်မှာ ဆွေးနွေးခြင်းက အချိန်ယူခဲ့ပါသည်။ ၎င်းနေ့ လယ်စာစားပွဲသို့ မြန်မာ နိုင်ငံဆိုင်ရာ ရုရှား သံအမတ်ကြီးလည်း တက်ရောက်ခဲ့ပြီး ပါဝင် ဆွေးနွေးခဲ့ပါသည်။
ရုရှားဖက်ဒရေးရှင်းကောင်စီ (အထက်လွှတ်တော်)
၂ဝ၁ဝ ခုနှစ် ဇွန်လ ၂၈ ရက်နေ့တွင် ရုရှား ဖက်ဒရေးရှင်း ကောင်စီ (အထက်လွှတ်တော်)သို့ သွားရောက်ခဲ့ရာ အထက် လွှတ်တော် ဒုတိယဥက္ကဋ္ဌ (H.E.Mr.Shtyrov) မစ္စတာ ရှတီရောဗ်က ကြိုဆိုနှုတ်ဆက်ပြီး ဆွေးနွေးအမြင်ချင်း ဖလှယ်ခဲ့ကြပါသည်။ (အထက် လွှတ်တော် ဥက္ကဋ္ဌ နေရာမှာ ယာယီ လစ်လပ်လျက် ရှိပါသည်။)
ရုရှား အထက်လွှတ်တော် ရုရှား ဖက်ဒရေးရှင်း ကောင်စီသည် ရုရှား ဖက်ဒရေးရှင်း ပါလီမန်ဖြစ်သော ရုရှားဖက်ဒရယ်ညီလာ ခံတွင် ဒူးမား လွှတ်တော်(အောက်လွှတ်တော်)နှင့် အတူပါဝင်သော အထက်လွှတ်တော် ဖြစ်ပါသည်။ ရုရှား တစ်နိုင်ငံလုံးကို ဖက်ဒရယ်ဒေသ (Federal Suvhect) (၈၃) ခု ခွဲခြားသတ်မှတ်ထားရာ ဖက်ဒရယ်ဒေသတစ်ခုစီမှ လွှတ်တော် ကိုယ်စား လှယ် (၂)ဦးစီ အညီအမျှ ရွေးချယ် တင်မြှောက်ထားသော လွှတ်တော် ကိုယ်စားလှယ် (၁၆၆) ဦးဖြင့် ဖွဲ့စည်းထားသည့် လွှတ်တော်ဖြစ်ပါသည်။ မြန်မာနိုင်ငံ အမျိုးသားလွှတ်တော်အား တိုင်းဒေသကြီး၊ ပြည်နယ်တစ်ခုစီမှ ကိုယ်စားလှယ် (၁၂) ဦးစီဖြင့် ဖွဲ့စည်းထားသကဲ့သို့ ဖြစ်ပါသည်။
ရုရှား ဖက်ဒရေးရှင်း ကောင်စီသို့ အထက်လွှတ်တော် ကိုယ်စားလှယ်များ ရွေးချယ်စေလွှတ်ရန် သတ်မှတ်ထားသည့် ဖက်ဒရယ် ဒေသ(၈၃) ခုမှာ ရီပတ်ဗလစ် (၂၁) ခု၊ အိုဗလပ် (၄၆) ခု၊ ကရိုင် (၉) ခု၊ ဖက်ဒရယ် မြို့တော် (၂) ခု (မော်စကိုနှင့် စိန့်ပီတာစ်ဘတ်)၊ ကိုယ်ပိုင် အုပ်ချုပ်ခွင့်ရ အိုကရပ် (၄) ခု၊ ကိုယ်ပိုင် အုပ်ချုပ်ခွင့်ရ အိုဗလပ် (၁) ခုတို့ပါဝင် ပါသည်။ ဖက်ဒရယ် ဒေသများမှ လွှတ်တော် ကိုယ်စားလှယ် နှစ်ဦးစီ ရွေးချယ်ရာတွင် ဥပဒေပြုမှု အဖွဲ့အစည်းမှ တစ်ဦးနှင့် စီမံခန့်ခွဲမှု အဖွဲ့အစည်းမှ တစ်ဦးစီ ရွေးချယ် တင်မြှောက်ရန် သတ်မှတ်ထားကြောင်း သိရှိရပါသည်။
အထက်လွှတ်တော်တွင် ကော်မတီ (၁၆)ခုနှင့် ကော်မရှင် (၇)ခု ဖွဲ့စည်းထားပြီး အထက်လွှတ်တော်၏ လုပ်ငန်းတာဝန် အသွယ်သွယ်ကို အဆိုပါ ကော်မတီများနှင့် ကော်မရှင်များက ဆောင်ရွက်ရကြောင်း၊ အထက်လွှတ်တော်၏ လုပ်ငန်း တာဝန်များသည် အောက်လွှတ်တော် ဒူးမားကဲ့သို့ မများပြားကြောင်း၊ အောက်လွှတ်တော်ဒူးမားက အဆုံးအဖြတ်ပေး ရသည်က များပြားကြောင်း၊ အထက်လွှတ်တော်တွင် ပါတီကိုအခြေခံ၍ လှုပ်ရှားဆောင်ရွက်ခြင်း မပြုရန် သတ်မှတ်ထား ကြောင်း သိရှိရပါသည်။
မြန်မာ လွှတ်တော် ကိုယ်စားလှယ် အဖွဲ့သည် ရုရှားဖက်ဒရေးရှင်း ကောင်စီ အထက် လွှတ်တော်၏ လုပ်ငန်းတာဝန် ဖွဲ့စည်းမှုများကို လေ့လာ ဆွေးနွေးရာ ဒူးမားလွှတ်တော်က သဘောတူထားသော ဥပဒေကြမ်း တစ်ခုကို အထက် လွှတ်တော်က သဘောမတူပါက အထက်၊ အောက်လွှတ်တော် နှစ်ရပ် ပူးပေါင်း ကော်မတီဖွဲ့၍ ဆွေးနွေးနိုင်ကြောင်း၊ လွှတ်တော် နှစ်ရပ်လုံးသို့ အသီးသီးတင်ပြ၍ မဲခွဲနိုင်ကြောင်း၊ အထက်လွှတ်တော်က သဘောတူညီချက် မပေးသည့် ဥပဒေကြမ်းကို အောက်လွှတ် တော်ကိုယ်စားလှယ် သုံးပုံနှစ်ပုံက သဘောတူလျှင် အတည်ပြုနိုင်ကြောင်းကို လေ့လာ တွေ့ရှိရပါသည်။
စိန့်ပီတာစ်ဘတ်မြို့ ဒူးမားလွှတ်တော်
ရုရှား ဖက်ဒရေးရှင်း နိုင်ငံ၏ ဖက်ဒရယ်ဒေသ တစ်ခုဖြစ်ပြီး မြို့တော်ဟောင်းလည်း ဖြစ်သည့် စိန့်ပီတာစ်ဘတ်မြို့သည် ခေတ်မီဖွံ့ဖြိုးသည့် စီးပွားရေး အချက်အချာမြို့လည်း ဖြစ်သည်။ အဆိုပါ စိန့်ပီတာစ်ဘတ်မြို့ ဒူးမား လွှတ်တော်သို့ မြန်မာ လွှတ်တော် ကိုယ်စားလှယ်အဖွဲ့ သွားရောက် လေ့လာခဲ့ ပါသည်။ စိန့်ပီတာစ်ဘတ်မြို့သည် လွန်ခဲ့သည့် နှစ်ပေါင်း ၃ဝဝ ကျော် (၁၇ဝ၃ ခုနှစ်)က ဇာဘုရင် ပီတာ-သ-ဂရိတ် အခြေပြု တည်ထောင်ခဲ့သော မြို့တော်ဖြစ်ပါသည်။ ဇာဘုရင်ခေတ် ကုန်ဆုံးပြီးချိန် ၁၉၁၇ ခုနှစ်လွန်မှ မြို့တော်ကို မော်စကိုသို့ ပြောင်းရွှေ့ခြင်း ဖြစ်ပါသည်။
စိန့်ပီတာစ်ဘတ်မြို့တော် ဒူးမားလွှတ်တော်တွင် လွှတ်တော်ဥက္ကဋ္ဌ H.E.Mr.V.I.Tyulpanou က မြန်မာလွှတ်တော် ကိုယ်စားလှယ် အဖွဲ့အား ရင်းနှီးစွာ ကြိုဆိုနှုတ်ဆက်ပြီး လွှတ်တော်များ အချင်းချင်း ရင်းနှီးစွာ ပူးပေါင်းဆောင်ရွက်ရေးကို အလေးထားဆွေးနွေးကြပါသည်။ အထူးသဖြင့် အဆင့်တူညီသော ရန်ကုန်တိုင်းဒေသကြီး လွှတ်တော်ကဲ့သို့ အဖွဲ့ အစည်းမျိုးနှင့် ပိုမိုရင်းနှီးစွာ ပူးပေါင်း ဆောင်ရွက်ရေး အဆိုပြုချက်များ ပါဝင်ခဲ့ပါသည်။
စိန့်ပီတာစ်ဘတ်မြို့တော် ဒူးမားလွှတ်တော်တွင် မဲဆန္ဒနယ် ၅ဝ မှ ဒူးမားလွှတ်တော် ကိုယ်စားလှယ် (၅ဝ) ဦးပါဝင်ကြောင်း၊ မြို့တော်ဒေသတွင်း နယ်မြေ (၁၈) ခုတွင် ဒူးမားလွှတ်တော်ကိုယ်စားလှယ်များ၏ ရုံးခန်းများ ဖွင့်လှစ်ထားပြီး မဲဆန္ဒရှင် ပြည်သူများနှင့် အပတ်စဉ် ပုံမှန်တွေ့ဆုံခြင်း၊ ဆန္ဒရယူဆွေးနွေးခြင်း၊ တင်ပြချက်များကို ကြားနာခြင်းများ ပြုလုပ်ပြီး မြို့တော် ဒူးမားလွှတ်တော် အစည်းအဝေးများကို တင်ပြဆွေးနွေးသည့် အစဉ်အလာရှိကြောင်း လေ့လာမှတ်သားမိပါ သည်။ မိမိအားရွေးချယ် တင်မြှောက်လိုက်သည့် မဲဆန္ဒရှင်များနှင့် ပုံမှန်ထိတွေ့ဆောင်ရွက်မှုမှာ မှတ်သားဖွယ် ရာဖြစ်ပါ သည်။
ရုရှားနိုင်ငံ သမိုင်းတွင် အစဉ်အလာကြီးမားသော ဇာဘုရင်မင်းဆက်မှ ပီတာ-သ-ဂရိတ်ဘုရင်ကြီး ကက်သရင်း ဘုရင်မကြီး တို့ လက်ထက်က ဆောက်လုပ်ခဲ့သော နန်းတော်များ၊ အဆောက်အအုံများ၊ ပြတိုက်များဖြင့် ခမ်းနားထည်ဝါလှပစွာ တည်ရှိနေသော စိန့်ပီတာစ်ဘတ်မြို့တွင် ဥရောပတစ်ခွင်မှ ကမ္ဘာလှည့် ခရီးသွားများဖြင့် ပြည့်နေကြောင်း တွေ့ရှိရပါသည်။
စီးပွားကူးသန်း ကုန်သွယ်ရေးကိစ္စရပ်များ
ပြည်သူ့လွှတ်တော် ဥက္ကဋ္ဌ ခေါင်းဆောင်သော မြန်မာ ကိုယ်စားလှယ် အဖွဲ့သည် အိမ်ရှင်နိုင်ငံ၏ အစီအစဉ်တွင် ပါရှိသည့်အတိုင်း နှစ်နိုင်ငံ စီးပွားကူးသန်း ကုန်သွယ်ရေး ကိစ္စရပ်များကိုလည်း ခရီးစဉ်အတွင်း တွေ့ဆုံ ဆွေးနွေးခဲ့ပါသည်။ မော်စကိုမြို့တွင် ရှိစဉ် ရုရှားကုန်သည်ကြီးများ အသင်းသို့ သွားရောက် ဆွေးနွေးခဲ့ရာ မြန်မာနိုင်ငံနှင့် ဆက်သွယ် ဆောင်ရွက်နေသော ရုရှား လုပ်ငန်းရှင် များလည်း တက်ရောက်ခဲ့ပါသည်။ မြန်မာ လွှတ်တော် ကိုယ်စားလှယ် အဖွဲ့တွင် ပါဝင်သော လွှတ်တော် ကိုယ်စားလှယ် နှစ်ဦးမှာ မြန်မာနိုင်ငံ ကုန်သည်ကြီးများနှင့် စက်မှု လုပ်ငန်းရှင်များ အသင်းချုပ်မှ တာဝန်ရှိသူများ ဖြစ်ရာ ရုရှားဘက်မှ သိလို ဆွေးနွေးလိုသည်များကို ဆွေးနွေးနိုင်ခဲ့ပါသည်။ ပြည်သူ့လွှတ်တော် ဥက္ကဋ္ဌနှင့် အဖွဲ့ဝင်များက ဆွေးနွေးရာတွင် နှစ်နိုင်ငံ လေယာဉ်ခရီးစဉ် တိုက်ရိုက် ပျံသန်းမှု၊ ကမ္ဘာလှည့် ခရီးသည်များအတွက် ခရီးစဉ်များ ဖော်ထုတ်စီစဉ်မှု၊ သတ္တုကဏ္ဍ ရင်းနှီးမြှုပ်နှံမှု၊ ရေနံနှင့် သဘာဝဓာတ်ငွေ့ ရှာဖွေရောင်းဝယ်မှု၊ လယ်ယာ ထွက်သီးနှံနှင့် သစ်တောထွက် ပစ္စည်းများ တင်ပို့ရေး၊ ရေထွက် ပစ္စည်းများတင်ပို့ရေး၊ အထည်ချုပ် လုပ်ငန်း ရင်းနှီးမြှုပ်နှံမှု အစရှိသဖြင့် ကဏ္ဍပေါင်း စုံလင်ပါသည်။ အလားတူပင် ရုရှား လုပ်ငန်းရှင်အချို့က လွှတ်တော် ကိုယ်စားလှယ် အဖွဲ့ဝင်များနှင့် သီးခြားချိန်းဆို ဆွေးနွေးမှုများလည်း ရှိပါသည်။ စိန့်ပီတာစ်ဘတ်မြို့တွင် ရုရှားစီးပွားရေး လုပ်ငန်းရှင်များက နီဗာမြစ်အတွင်း သင်္ဘောဖြင့် လှည့်လည်ပြသ ဆွေးနွေးရင်း ညစာအတူ သုံးဆောင်၍ စီးပွားကုန်သွယ်ရေး ကိစ္စများ ဆွေးနွေးခဲ့ကြပါသည်။ နှစ်နိုင်ငံအကြား ကုန်သွယ်ရေး ပမာဏ မြှင့်တင်ရေးအတွက် အလားအလာကောင်းများ တွေ့ရှိရပါသည်။ ဖြေရှင်းပေးရမည့် အခက်အခဲများကိုလည်း ဖော်ထုတ် ဆွေးနွေးနိုင်ခဲ့ ပါသည်။ အထူးသဖြင့် ရုရှား နိုင်ငံသားများအကြား ခေတ်စားနေသော ကမ္ဘာလှည့် ခရီးသွားလာမှုတွင် ၎င်းတို့ စိတ်ဝင်စားသည့် ပင်လယ်ကမ်းခြေ အပန်းဖြေမှုအတွက် အလားအလာကောင်းများ၊ အခြေခံ အဆောက်အအုံများ အတန်အသင့် ရှိနေသော မြန်မာနိုင်ငံက ဆွဲဆောင်နိုင်ရေး ကြိုးပမ်းသင့်ကြောင်း နှစ်ဦးနှစ်ဖက် သဘောရရှိကြ ပါသည်။
ရုရှားဖက်ဒရေးရှင်းနိုင်ငံချစ်ကြည်ရေးခရီးစဉ်
ပြည်သူ့ လွှတ်တော် ဥက္ကဋ္ဌ ခေါင်းဆောင်သည့် မြန်မာလွှတ်တော် ကိုယ်စားလှယ်အဖွဲ့၏ ရုရှား ဖက်ဒရေးရှင်း နိုင်ငံ ချစ်ကြည်ရေး ခရီးစဉ်သည် ရှိရင်းစွဲ မြန်မာ-ရုရှား ချစ်ကြည်ရေးကို တိုးမြှင့် အားဖြည့် ပေးနိုင်ခဲ့သည် သာမက ယခင်ကပင် အဆက်အသွယ်ရှိခဲ့သော နှစ်နိုင်ငံလွှတ်တော်များ အကြား အပြန်အလှန် ဆက်သွယ်မှု၊ အတွေ့အကြုံ အမြင်များ ဖလှယ်မှုကို ဖော်ဆောင် ပေးနိုင်ခဲ့ပါသည်။ ဥပဒေပြုရေး၊ စီမံခန့်ခွဲရေး၊ တရားစီရင် ရေးဟူသည့် နိုင်ငံတော်၏ အာဏာ ခက်မသုံးဖြာကို ဟန်ချက်ညီညီ၊ အပေးအယူ မျှတ၊ ညီညွတ်စွာ ကျင့်သုံးနေသော အတွေ့အကြုံမှာလည်း တန်ဖိုးရှိလှပါသည်။ ထို့အပြင် လွှတ်တော်များရှိ ပြည်သူ ကိုယ်စားလှယ်များ ထမ်းဆောင်နေရသည့် လုပ်ငန်းတာဝန်များ၊ မဲဆန္ဒရှင် ပြည်သူများ အပေါ် ပြည်သူ ကိုယ်စားလှယ်များက ထိတွေ့ဆက်ဆံ၊ တာဝန်ယူရမှု၊ အပြန်အလှန် ဆက်သွယ်ဆောင်ရွက်မှု စသည်များကို လေ့လာခွင့် ရရှိခဲ့ပါသည်။ လွှတ်တော် လုပ်ငန်းများတွင် အဓိကကျသော လွှတ်တော် ကော်မတီများနှင့် လွှတ်တော် ရုံးအဖွဲ့များ ဖွဲ့စည်း ဆောင်ရွက် နေမှုများကိုလည်း လေ့လာခွင့် ရရှိခဲ့ပါသည်။ နှစ်နိုင်ငံ ဆက်ဆံရေးကို ပိုမို၍ခိုင်မာ စေသော စီးပွားရေး ပူးပေါင်း ဆောင်ရွက်မှု ပိုမို တိုးမြှင့်ရေးအတွက် အလားအလာများကိုလည်း ဆွေးနွေးနိုင်ခဲ့ရာ နှစ်ဦးနှစ်ဖက် အကျိုးရှိသော ချစ်ကြည်ရေး ခရီးစဉ် ဖြစ်ပါကြောင်း တင်ပြအပ်ပါသည်။
(၂၀၁၁ခုနှစ် ဇူလိုင်လ (၂၂)ရက်နေ့ထုတ် မြန်မာ့အလင်း သတင်းစာ စာမျက်နှာ (၈) မှ ဆောင်းပါးရှင် မောင်သံငြိမ်း၏ ဆောင်းပါးအား ကူးယူဖော်ပြခြင်း ဖြစ်ပါသည်။)

0 ဦးကဆွေးနွေးသွားပါတယ်..

Отправить комментарий